Olimpiese Somerspele

Die Olimpiese Somerspele, amptelik die Spele van die Olimpiade, is 'n internasionale multi-sport geleentheid wat elke vier jaar deur die Internasionale Olimpiese Komitee (IOK) georganiseer word. 'n Olimpiese oorwinning word wêreldwyd gesien as die mees prestigeryke oorwinning in 'n sport. Medaljes word uitgereik in elke item, met 'n goue medalje vir die eerste plek, silwer vir die tweede en brons vir die derde, 'n tradisie wat in 1904 begin het.

Geskiedenis

Die Internasionale Olimpiese Komitee (IOK) is in 1894 gestig toe Pierre de Coubertin, 'n Franse pedagoog en historikus, probeer het om internasionale begrip deur sportkompetisie te bevorder. Die eerste uitgawe van Die Olimpiese Spele is in 1896 in Athene gehou en het net 245 mededingers gelok, van wie meer as 200 Grieks was, en slegs 14 lande verteenwoordig was. Nogtans was geen internasionale byeenkomste van hierdie omvang voorheen gereël nie. Vroulike atlete is nie toegelaat om mee te ding nie, alhoewel een vrou, Stamata Revithi, die marathonroete op haar eie gehardloop het en gesê het "As die komitee my nie toelaat om mee te ding nie, sal ek agter hulle aan gaan ongeag".^[1]

Kwalifisering

Kwalifikasiereëls vir elke Olimpiese sport word deur die Internasionale Federasie (IF) wat die betrokke sport reël, opgestel.

Vir individuele sporte kwalifiseer deelnemers deur 'n bepaalde plek tydens 'n groot internasionale wedstryd te behaal, of volgens die ranglys van die IF. Nasionale Olimpiese Komitees (NOK) moet 'n beperkte aantal kwalifiserende atlete per item by die Internasionale Olimpiese Komitee (IOK) indien. Die IOK besluit dan welke van die atlete mag deelneem. Verskeie items kry 'n bepaalde aantal buiteperde, hierdie word veral aan atlete uit ontwikkelende lande toegeken.

Vir spansporte kwalifiseer lande deur die speel van kontinentale kwalifikasie toernooie. Elke kontinent kry 'n bepaalde aantal plekke in die Olimpiese toernooi. Die gasheerland se span kry gewoonlik 'n outomatiese plasing.

Sporte by die Olimpiese Somerspele

Die volgende sportsoorte word tydens die Somerspele beoefen: atletiek, basketbal, bofbal, boks, boogskiet, driekamp, fietsry, gesinchroniseerde swem, gewigoptel, gholf, gimnastiek, handbal, hokkie, judo, kanovaart, moderne vyfkamp, pluimbal, roei, ruitersport, sagtebal, seil, sewesrugby, sierduik, skerm, skyfskiet, sokker, stoei, swem, taekwondo, tafeltennis, tennis, vlugbal en waterpolo.

Toekomstige Olimpiese Somerspele

Voltooide Olimpiese Somerspele

Olimpiese Somerspele 2024 – Parys, Frankryk
Olimpiese Somerspele 2020 – Tokio, Japan
Olimpiese Somerspele 2016 – Rio de Janeiro, Brasilië
Olimpiese Somerspele 2012 – Londen, Verenigde Koninkryk
Olimpiese Somerspele 2008 – Beijing, Volksrepubliek China
Olimpiese Somerspele 2004 – Athene, Griekeland
Olimpiese Somerspele 2000 – Sydney, Australië
Olimpiese Somerspele 1996 – Atlanta, Verenigde State
Olimpiese Somerspele 1992 – Barcelona, Spanje
Olimpiese Somerspele 1988 – Seoel, Suid-Korea
Olimpiese Somerspele 1984 – Los Angeles, Verenigde State
Olimpiese Somerspele 1980 – Moskou, Sowjetunie
Olimpiese Somerspele 1976 – Montreal, Kanada
Olimpiese Somerspele 1972 – München, Wes-Duitsland
Olimpiese Somerspele 1968 – Meksikostad, Meksiko
Olimpiese Somerspele 1964 – Tokio, Japan
Olimpiese Somerspele 1960 – Rome, Italië
Olimpiese Somerspele 1956 – Melbourne, Australië
Olimpiese Somerspele 1952 – Helsinki, Finland
Olimpiese Somerspele 1948 – Londen, Verenigde Koninkryk
Die beplande Olimpiese Somerspele 1944 in Londen word afgelas as gevolg van die Tweede Wêreldoorlog
Die beplande Olimpiese Somerspele 1940 in Tokio word afgelas as gevolg van die Tweede Chinees-Japannese Oorlog
Die beplande Olimpiese Somerspele 1940 in Helsinki word afgelas as gevolg van die Tweede Wêreldoorlog
Olimpiese Somerspele 1936 – Berlyn, Duitsland
Olimpiese Somerspele 1932 – Los Angeles, Verenigde State
Olimpiese Somerspele 1928 – Amsterdam, Nederland
Olimpiese Somerspele 1924 – Parys, Frankryk
Olimpiese Somerspele 1920 – Antwerpen, België
Die beplande Olimpiese Somerspele 1916 in Berlyn word afgelas as gevolg van die Eerste Wêreldoorlog
Olimpiese Somerspele 1912 – Stockholm, Swede
Olimpiese Somerspele 1908 – Londen, Verenigde Koninkryk
Olimpiese Somerspele 1906 – Athene, Griekeland, word as "tussenspele" beskou en nie amptelik deur die IOK erken nie.
Olimpiese Somerspele 1904 – St. Louis, Verenigde State
Olimpiese Somerspele 1900 – Parys, Frankryk
Olimpiese Somerspele 1896 – Athene, Griekeland

Sien ook

Verdere leesstof

(en) David Wallechinsky (2004). The Complete Book of the Summer Olympics, Athens 2004 Edition. SportClassic Books. ISBN 978-1-894963-32-9.

Eksterne skakels

Olimpiese Spele

Olimpiese Somerspele: 1896 • 1900 • 1904 • 1906* • 1908 • 1912 • ~~1916~~ • 1920 • 1924 • 1928 • 1932 • 1936 • ~~1940~~ • ~~1944~~ • 1948 • 1952 • 1956 • 1960 • 1964 • 1968 • 1972 • 1976 • 1980 • 1984 • 1988 • 1992 • 1996 • 2000 • 2004 • 2008 • 2012 • 2016 • 2020 • 2024 • 2028 • 2032

Olimpiese Winterspele: 1924 • 1928 • 1932 • 1936 • ~~1940~~ • ~~1944~~ • 1948 • 1952 • 1956 • 1960 • 1964 • 1968 • 1972 • 1976 • 1980 • 1984 • 1988 • 1992 • 1994 • 1998 • 2002 • 2006 • 2010 • 2014 • 2018 • 2022 • 2026 • 2030 • 2034
Internasionale Olimpiese Komitee – Nasionale Olimpiese Komitee
(*) Die spele van 1906 is deur die IOK georganiseer, maar word nie amptelik deur die IOK erken nie.

↑ Tarasouleas, Athanasios (Summer 1993). "The Female Spiridon Loues" (PDF). Citius, Altius, Fortius. 1 (3): 11–12. Geargiveer vanaf die oorspronklike (PDF) op 25 Junie 2008. Besoek op 26 Junie 2012.

[Revithi-1] Tarasouleas, Athanasios (Summer 1993). "The Female Spiridon Loues" (PDF). Citius, Altius, Fortius. 1 (3): 11–12. Geargiveer vanaf die oorspronklike (PDF) op 25 Junie 2008. Besoek op 26 Junie 2012.

[1]