Zhou Enlai

Dr Zhou Enlai. Foti vom Joor 1946

Dr Zhou Enlai, au Tschu En Lai oder Chou En-Lai (chin. 周恩來 / 周恩来, Zhōu Ēnlái, W.-G. Chou Ên-lai; * 5. Merz 1898 z Huai’an, Browinz Jiangsu; † 8. Januar 1976 z Peking) isch e wichdige Füerer vo dr Kommunistische Bardei vo China (KPCh) gsi und dr Brömieeminister vo dr Volksrepublik China vo 1949 bis zu sim Dood. Er isch e populäre Politiker gsi und het sini Ämter au wäärend em Groosse Sprung noch vorne und dr Kulturrevoluzioon bhalte. Wo die ume gsi isch, het er mit de Vier Modärnisierige brobiert, d Schääde, wo d Kulturrevoluzioon aagrichdet het, z repariere.

Er isch e loijale Mitarbäiter vom Mao Zedong gsi und het innerhalb vo de revoluzionäre Beweegige und au us dr Sicht vo sine politische Gegner as dr intellektuell füerendi Chopf vo dr KPCh gulte.

Schrifte

• Zhou Enlai, Ausgewählte Schriften. Band I. Verlag für fremdsprachige Literatur, Beijing 1981.
• Tschou En-lai, Reden und Schriften 1949–1976. Verlag Rote Fahne, Köln 1976 ISBN 3-8106-0024-5.

Litratuur

• Percy Jucheng Fang, Lucy Guinong J. Fang: Zhou Enlai − ein Porträt. Verlag für fremdsprachige Literatur, Beijing 1990. 345 S. ISBN 7-119-00815-3 (us em Änglische übersetzt vo dr Ruth F. Weiß).
• Thomas Weyrauch: Chinas unbeachtete Republik. 100 Jahre im Schatten der Weltgeschichte. Band 1: 1911 - 1949. Longtai, Giessen (i. e.) Heuchelheim 2009, ISBN 978-3-938946-14-5.

Weblingg

 Commons: Zhou Enlai – Sammlig vo Multimediadateie