Quiisch

Dialäkt: Schwäbisch

D Quiisch , isch a Essa, mo emmr meh Leid megad. Se wurd gmachd mid ama Mirbdoig ara Fillong ond ama Oierguss oba druff. D bekanndesch isch d Quiisch Lorrain. En alle megliche Variaziona hod se se ibr d ganz Weld vrbroided.

Nama

Dr Nama lässd se abloida vom Kuacha. R isch z fenda seid em Middlaldr, z erschd en Lothringe ond hod se zerschd en Frànkrich ond no en em Reschd vo dr Weld, zsemma mid dr französischa Kuche ausbroided.

Wamma abr vo ara Asia Quiche moind des Quiche blos da Aufbau ond des Asia d Zuaada.

Forma

S Beschd, om a Quiisch z z bacha, isch a Schbrengform. D Quiisch-Forma aus Schdoiguad odr Porzlaan kaa ma nemma wamma oizlne Porziona bacha will.

Zuadada

A Quich hod drei Doil – Boda, d Fillong ond Guss. Fir d Fillong ond da Guss geid s en Haufa Variaziona.

Fir da Doig, en Mirbdoig, fira groasse Quisch fir sechs Leid:
250 g Mehl. 0.5 Tl Salz. 130 g Buddr, oi Oi, a bissle Milch, oi Oi

Fir da Belag (fir a Quich lorraine): :
200 g durchwachsene Schbegg, a bissle Weißwoi, 200 g griebene Gouda

Fir da Ibrzug:
4 Oier, en vierdl Lidr Rahm, Pfeffr, Muskat, Salz.

Variaziona

Mr kaa dr Schbegg loa ond drfir Gmües nemma, beischbielsweis Werscheng.

• 
  Quiisch lorrain
• 
  Quiisch almendras
• 
  Quiisch mid Schbinad
• 
  Kloine Quiischle
• 
  Quiisch en ara feschda Form

S Kochs isch oine vo de erschde Kuldurdechnika vo de Menscha. So wia se d Leid vrschieda endwiggld hen, hen se au d Begriff endwiggld. d oine moinad Flàmmeküeche sei s Gleich wia a Quich, odr a Dinnete, mached d Andre a Pizza and saged Quich drzua. Dr Nechschd nemmd an Bläddrdoig ond mondierd drauf des, wa ma auf a Quich duad ond hoisd s a Quich.

Guck au

• Weia, Zwiibleweia odr Rabarbrkuacha

Lidradur

• Christina Richon, Klaus-Maria Einwanger: Quiches, Cakes & Tartes. Gräfe und Unzer, München 2008, ISBN 978-3-8338-0915-6. 

Nedsadressa

• Rezept: Quiche Lorraine selber machen uf YouTube