Rapplesia Arnoldii
Rapplesia Arnoldii (Indonesia: Rafflesia Arnoldii manang Padma Raksasa),[1] ima sada ragam ni bunga Rapplesia, jala bunga on ma sada bunga na umbalgaan tompa na di portibi on.[2] Muap ni bunga on dang tabo haira bau ni juhut na busuk, songit sajo bau na. Bunga Rapplesia on ima bunga tangkasan mangolu di harangan pulo Sumatera dohot Kalimantan, Indonesia.[3]
Rapplesia arnoldii on ima sada sian tolu bunga nasional di Indonesia, dua na asingna ima melati nabontar (Jasminum sambac) dohot anggrek bulan (Phalaenopsis amabilis).[4] Dung i ditaon 1993, bunga on dipamasuk tu buku resmi gabe "bunga langka" nasional (puspa langka) di Keputusan Presiden No. 4 taon 1993.[5] Ponting sibotoon, bunga on dang sarupo tu bunga Bangke.
Panggoaran
[patota | patota mualna]Di Sumatera pastima na marbahasa Minangkabau, bunga Rapplesia on dijou gabe kerubut.[6] Dung i, di kecamatan Pandam Gadang, kabupaten Lima Puluh Kota, panjouan ni bunga on ima cendawan biriang, bahasa Minangkabau.[7]
Deskripsi
[patota | patota mualna]Hangoluan ni bunga Rapplesia arnoldii boi mardiameter hira-hira 1 meter, boratna boi sahat tu 11 kilogram (24 pon).[8] Hangoluan ni bunga on, parjolo-jolo tubu haira kol nabalga, uarna narara manang soklat, ungkuranna bidang na boi hombang 30 cm (12 inchi). Ungkuran bunga naumbalgaan na hea dipajumpang dibulan Mei 1956, ima di Gunung Sago kabupaten Tanah Darat, propinsi Sumatera Pastima, diameterna sahat 43 cm (17 inchi).[9]
Ekologi
[patota | patota mualna]Reproduksi
[patota | patota mualna]
Asa tubu tunas ni bunga on, ingkon adong marbulan-bulan proses hanglouanna, dung hombang gabe bunga, holan marpiga ari do bunga on mangolu. Bunga on tarmasuk gonochorous - ima bunga jantan dohot boruboru.
Tingki Rapplesia siap marreproduksi, punpun nametmet mullop di ruar ni urat manang batang inangna, baruma adong proses berkembang periode sataon lelengna. Dung i, ulu ni bunga na haira kol i, hombang tarbungka gabe bunga. Muap nabau gabe haruar ma sian bunga on, dung i ingkon marroan ma angka lanok dohot kumbang tu bunga on, alani bauna i.[7]
Habitat
[patota | patota mualna]Bunga Rapplesia arnoldii boi dipajumpang di harangan sekunder (Hutan sekunder) dohot harangan primer (hutan hujan primer).
Adong surirang na ponting sibotoon, marsingot tu habitat manang inganan partubuan ni bunga Rapplesia on. Somalna bunga on mangolu di bagasan harangan na golap, ingkon saotik do adong masuk mataniari tu inganan na mangolu. Jadi, inganan na golap di bagasan harangan, ima inganan najotjot mangolu bunga on. Indeks Nilai Penting (Importance Value Index (IVI)) ramba-ramba lobi sian 100%, jala gabe komponen utama subkanopi IVI 52,74%. Angka hauma natimbo Toona sureni, ingkon adong kanopi IVI sahat tu 4,97%.[7]
Adong angka komponen manang suansuanan na asing dijonok partubu ni bunga Rapplesia on. Komponen naponting ekosistem di lambung ni hatutubu ni Rapplesia arnoldii ima somalna mangolu di ramba-ramba, ingkon adong Urticaceae Laportea stimulans (IVI: 55,81%) dohot Villebrunea rubescens (IVI: 50,10%), dungi ingkon adong di lambung nai angka hauma Cinnamomum burmannii (IVI: 24,33%) dohot buah ara Ficus disticha (IVI : 23,83%). Di subkanopi suansuanan on ima Toona sureni (IVI: 34,11%), Laportea stimulans (IVI: 24,62%), Cinnamomum burmannii (IVI: 18,45%) dohot Ficus ampelas (IVI: 14,53%). Angka hauma nadijumpangi di kanopi ima, Toona, spesies Shorea (IVI: 26,24%), Aglaia argentea (IVI: 25,94% ), Ficus fistulosa (IVI: 16,08%) dohot Macaranga gigantea (IVI: 13,06%).[7]
Pustaha
[patota | patota mualna]- ↑ An Atlas of Biodiversity in Indonesia (1995), Kementerian Lingkungan Hidup dan Kehutanan Indonesia - Jakarta, alaman 68, 6 September 2021
- ↑ 5 Awesome Parasitic Plants, Encyclopedia Britannica, diakses 6 September 2021
- ↑ The Genus Rafflesia. Parasitic Plant Connection. diakses 6 September 2021
- ↑ ASEAN National Flowers, ASEAN secretariat, diakses 6 September 2021
- ↑ Keputusan Presiden No. 4 Tahun 1993, www.proxsis.com, diakses 6 September 2021
- ↑ Wilkinson, Sir Richard James, Searching native orthography for "patma", "pakma" , SEAlang Library Malay - SEAlang, diakses 6 September 2021
- ↑ 7.0 7.1 7.2 7.3 Pranata, Syafroni. Sulistijorini. Chikmawati. Tatik (September 2019) Ecology of Rafflesia arnoldii (Rafflesiaceae) in Pandam Gadang, West Sumatra, Journal of Tropical Life Science - Volume 9, alaman 243–251, diakses 6 September 2021
- ↑ Cunningham, Antonia (editor). Guinness World Records- London (2002), Guinness World Records, alaman 90, 6 September 2021
- ↑ Meijer, Willem. A Contribution to the Taxonomy and Biology of Rafflesia arnoldii in West Sumatra (1958), Annales Bogoriensis - Volume=3, alaman 33–44 [p. 38], diakses 6 September 2021