ASEAN
An Asosasyon nin mga Nacion kan Sur-subangan na Asya, sa Ingles Association of Southeast Asian Nations (ASEAN), sarong heo-pulitikal asin panekonomiyang organisasyon kan 10 nacion sa Sur-subangan na Asya. Binilog ini kan Agosto 8, 1967 kan Indonesya, Malasya, Filipinas, Singapura asin Tailandya. Poon kaidto, nagin miembro na kaini an Brunei, Burma (Myanmar), Kambodya, Laos asin Bietnam.
