Міланскі сабор
Міланскі сабор (італ.: Duomo di Milano) — кафедральны сабор у Мілане. Пабудаваны ў стылі палымянай готыкі з белага мармуру. Будаўніцтва пачата ў 1386 годзе, аднак завяршылася яно толькі ў пачатку XIX стагоддзя, калі па распараджэнні Напалеона было скончана афармленне фасада. Некаторыя дэталі, аднак, дарабляліся і пазней: да 1965 года.
| Славутасць | |
| Міланскі сабор | |
|---|---|
| італ.: Duomo di Milano | |
 | |
| 45°27′51″ пн. ш. 9°11′29″ у. д.HGЯO | |
| Краіна |
 Італія |
| Горад | Мілан |
| Канфесія | каталіцтва |
| Епархія | Міланская архідыяцэзія[d] |
| Тып будынка | базіліка |
| Архітэктурны стыль | готыка |
| Архітэктар | Simone da Orsenigo[d] |
| Дата заснавання | 1386 |
| Будаўніцтва | 1386—1965 гады |
| Вышыня | 108,5 м |
| Матэрыял | мармур |
| Сайт | duomomilano.it/it/ (італ.) |
 |
|
 Медыяфайлы на Вікісховішчы | |
Сусветнавядомая чацвёртая па велічыні царква ў свеце размешчаная ў самым цэнтры Мілана і з’яўляецца яго сімвалам. Гэта познегатычны цуд, які змяшчае цэлы лес шпіляў і скульптур, мармуровых востраканцовых вежак і калон, сплеценых разам павуціннем лёгкіх апор.
Ён трэці па велічыні ў Еўропе пасля сабораў Святога Пятра ў Рыме і Святога Паўла ў Лондане. Па ўмяшчальнасці саступае сярод гатычных храмаў толькі Севільскаму, а сярод італьянскіх храмаў — толькі сабору Святога Пятра ў Рыме. Сабор упрыгожваюць 3 400 статуй.