Basa Indunisia
Basa Indunisiai adalah basa rasmi Ripublik Indunisia[1] wan basa parsatuan bangsa Indunisia.[2] Basa Indunisia dirasmi'akan pamakaiannya imbah Paruklamasi Kamardikaan Indunisia, pasnya sahari sasudahnya, tasimbaya lawan mulai balakunya kunstitusi. Di Timor Lésté, basa Indunisia ba'andak sabagai basa gawi.
| Basa Indonesia | ||
|---|---|---|
| Bahasa Indonesia | ||
| Disurahakan di | Indonesia, Malaysia, Timor Lorosa'é, Brunei, Singapura | |
| Banua | Indonesia, Malaysia, Timor Lorosa'é, Brunei, Singapura | |
| Jumlah pamandir | 17–30 juta pamandir asli total 140–220 juta | |
| Paringkat | 56 | |
| Rumpun basa | ||
| ||
| Status rasmi | ||
| Basa rasmi di |  Indonesia
| |
| Basa minoritas di |  Timor Leste
| |
| Diatur ulih | Pusat Bahasa | |
| Kode-kode basa | ||
| ISO 639-1 | id | |
| ISO 639-2 | ind | |
| ISO 639-3 | ind | |
| Barakas:Indunisian Language Map.svg Keterangan: Wilayah Basa Indunisia duminan dipandirakan wan sabagai basa rasmi. Wilayah Basa Indunisia dipandirakan ulih minuritas. | ||
Matan unjut janak linguistik, basa Indunisia adalah suatu parian basa Melayu. Dasar nang dipakai adalah basa Melayu Riau matan abad ke-19. Dalam parkambangannya, inya mangalami parubahan marga panggunaanya sabagai basa gawi di lingkungan administrasi kolonial wan babagai parusis pambakuan tumatan panambaian abad ke-20. Pangaranan "Bahasa Indonesia" diawali tumatan dicanangkannya Sumpah pamuda, 28 Uktubir 1928, hagan manghindari kesan "imperialisme basa" apabila ngaran basa Melayu tatap digunakan.[3] Parusis ini manyababakan babidanya Bahasa Indonésia wayah ini matan varian basa Malayu nang diguna'akan di Riau maupun Samananjung Malaya. Hingga wayah ini, basa Indunisia marupakan basa nang hidup, nang tarus mahasilakan kata-kata wastur, baik malalui panciptaan maupun panyarapan matan basa banua wan basa asing.
Walaupun dipahami wan dituturakan ulih labih matan 90% warga Indunisia, basa Indunisia bukanlah basa uma bagi kabanyakan pamandirnya. Sapalih ganal warga Indunisia mangguna'akan salah asa matan 748 basa nang ada di Indunisia sabagai basa uma.[4] Pamandir basa Indunisia rancak mangguna'akan versi sahari-hari (kolokial) wan/atawa mancampuradukakan lawan dialek Malayu lainnya atawa basa umanya. Walaupun damikian, basa Indunisia diguna'akan bangat luas di paguruan-paguruan, di media massa, sastra, parangkat lunak, surat-manyurat rasmi, wan babagai forum publik lainnya,[5] sahingga kawalah diujarakan bahua basa Indunisia diguna'akan ulih sabarataan warga Indunisia.
Fonologi dan tata basa basa Indunisia dianggap relatif mudah.[6] Pandal-pandal nang panting hagan komunikasi dasar hingkat dipalajari wastu dalam kurun waktu babarapa minggu.[7]
Referensi
babak| Wikipidia ada jua dalam Basa Indunisia |
- ^ Butir katalu Sumpah Pamuda, 28 Uktubir 1928
- ^ Butir katalu Sumpah Pamuda, 28 Uktubir 1928
- ^ Asmadi T.D. Arti Tanggal 2 Mei bagi Bahasa Indunisia[permanent dead link]. Laman Lembaga Pers Dr. Sutomo. Edisi 08 Februari 2010. diakses 5 Maret 2010.
- ^ Depdiknas Terbitkan Peta Bahasa[permanent dead link] Blog BahasaKita 4 Maret 2009, mirror dari berita AntaraOnline edisi 22 Oktober 2008.
- ^ http://www.ohio.edu/LINGUISTICS/indonesian/index.html Why Indunisian is important to learn. Situs pengajaran basa Indunisia di Ohio State University.
- ^ Farber, Barry. J. How to learn any language quickly, enjoyably and on your own. Citadel Press. 1991.
- ^ Eliot, J., Bickersteth, J. Sumatra Handbook. Footprint. 2000.
