Lumut karak
Lumut karak (Lichenes) adalah gabungan matan kulat wan ganggang nang kawa mambantuk sabuting makhluk hanyar dalam, nang mana makhluk ngini baisi fungsi wan paawakan nang babida lawan fungi wan ganggang. Lumut ngini banyak hidup manambat di puhun-puhun, walaupun ada jua tadapat di tanah atawa batu nang karas. umut ngini tamasuk urganisme nang kawa mambantu dalam pangulahan tanah di alam.[1][2]
Ganggang wan kulat panyusun awak
Ganggang nang umpat manyusun awak lumut ngini baisi sabuting sil haja atawa sil nang bagarubung, nang mana ganggang ini disambat gonidium. Ganggang nang kawa mambantu maulah awak lumut ngini biasanya tamasuk ka dalam angguta ganggang biru (Cynaophyceae) kaya Chrococcus wan Nostoc, walau dahanu ada jua matan kalumpuk ganggang hijau (Chlorophyceae) kaya Cystococcus wan Trentepohlia. Adapun kulat nang mambantu maulah awak lumut ngini biasanya matan Discomycetes wan Pyrenomycetes nang tamasuk ka dalam anggota Ascomycetes, walau dahanu ada jua nang matan angguta Basidiomycetes.[1][2]
Jujuhutan
- ^ a b Tjitrosoepomo, Gembong (Januari 2023). Taksonomi Tumbuhan: Schizophyta, Thallophyta, Bryophyta, Pteridophyta (edisi ke-12 (Revisi)). Sleman, D.I. Yogyakarta: Gadjah Mada University Press. ISBN 9786233591454.
- ^ a b Tjitrosoepomo, Gembong (2010). Taksonomi Tumbuhan Obat-Obatan. Sleman, DI Yogyakarta: Gadjah Mada University Press. ISBN 9794203009.