ဖြွမ်းဗူႏခိန်ႏတွိုႏ နီပအိုဝ်ႏ

ပအိုဝ်ႏမူႏ/ခို ပအိုဝ်ႏပိုလီꩻသီးဖုံႏဟွေး ခေတ်ဟန်ႏသနီꩻတန်ယို ခေတ်ယွတမွေးတောဝ်းဒွုမ်တဲင် အောဝ်ႏလိုႏဒဲင်ကာ နက်ငါစွို့ꩻစွို့ꩻခန်းခင်ႏ အောဝ်ႏလိုႏ”ဖြွမ်းဗူႏ”ထင်ႏလဲဉ်းသွူ တသွီႏယာႏ ဖပြုဲင်ညာꩻဗာႏလို့ဝင်ꩻစား တွမ်ႏမာꩻထဲင်းမွိုန်းဒွုမ် နမ်းသꩻအွဉ်ႏဗွိုန် ”ဖြွမ်းဗူႏ” ရုဲင်ꩻသွိုခိန်ႏတွိုႏလဲဉ်းသွူ။ မွိုက်ခွိုက်ကသဲင်ꩻထွာ ပအိုဝ်ႏခွိုꩻ ခွိုက်ကထွာ လိုꩻဘဝအချိန်ႏတွင်ꩻယို ပအိုဝ်ႏပိုလီꩻသီး စွုမ်ႏဖြာꩻဖြာꩻဖုံႏဟွေး နမ်းကဒါႏသရောꩻ အနယ်ꩻပညာႏ တွမ်ႏရက်ခွိုꩻ သꩻရာႏဗွာဖျူႏလွူးအွဉ်ႏတွော့ꩻ နီပအိုဝ်ႏတခွိုꩻလွုမ်းလွုမ်း ယံ”ဖြွမ်းဗူႏ”ခန်းလို့ဝင်ꩻအတာႏ အောဝ်ႏလိုႏငါႏ ဒေါ့ꩻချꩻနားကို အွဉ်ဟိုကို ပအိုဝ်ႏသွူ။

”ဖြွမ်းဗူႏမွေးမꩻ” ”ရောင်းရျူႏစွေးလꩻ” သꩻရာႏအကဲဉ်ကိုတဲ့ꩻတဲ့ꩻတဲင် တယ်ႏစဟန်ႏနီꩻယို မာꩻတငါလွေꩻ ပအိုဝ်ႏပိုလီꩻအာသီး စွုမ်ႏဖြာꩻဖြာꩻ တွမ်ႏလီထဲင်းမွိုန်းဒွုမ် အုံဖွီဗေင်ႏတငွူထဲင်းမွိုန်းဒွုမ် ”ဖြွမ်းဗူႏ” စူစွီႏဆွန်ꩻသွို နက်ထင်ႏငါ ကောဝ်ႏထွန်ႏခြာသူꩻ တွိုႏဖျင်လဲဉ်းသွူတအာႏတဲင် (နီပအိုဝ်ႏပိုလီꩻသီး ကားကအောဝ်ႏဖုံႏဟွေး....) ဖြွမ်းဗူႏခိန်ႏတွိုႏလဲဉ်း ဆွန်ꩻသွိုဝင်ꩻစူ ခိန်ႏတွိုႏလဲဉ်း။