ယူးပေႏ
ယူးသီးအမျိုꩻ အုံညီꩻလိုꩻ၊ အဲင်ႏကုဲထာꩻခြိုꩻ ယားဥစ္စာႏ၊ ဝွေꩻသေတောဝ်းဗာႏ ဂုဏ်ႏကေꩻဇူꩻ၊ အုံညီꩻသွူလိုꩻ ကျေꩻဇူꩻမဲ့၊ ပါꩻလဲ့မကျွိုက် ခွေမကျွိုက်၊ မိဉ်ဟွိုက်ꩻမိဉ်တွဲႏ မိဉ်မာꩻသီ၊ အောဝ်ႏညီꩻလမ်းကီ ဝင်ꩻမလိုႏ၊ အောဝ်ႏညီꩻဒုံကို ဝင်ꩻမကျွိုက်၊ ယူးမွိုက်ရန်ႏသူႏ ကျမ္မာႏတူႏ၊ ခိုမူႏလွꩻထီႏ ကယ်ꩻအေႏဆီႏ၊ ဝွေꩻသီးယူးလဲ့ ထွာရန်ႏတဲ့၊ နီလိုꩻခါလဲ့ တခွန်ꩻတဲ့၊ ဝင်ꩻကျွိုက်တောဝ်းလဲ့ လွꩻထီႏတဲ့၊ တကဲ့ယူးဟွေး ဝင်ꩻဗွိုႏကွေး၊ မွေးတောဝ်းထာꩻမာꩻ တခွန်ꩻထာꩻ၊ ခွေနာꩻမကျွိုက် တခွန်ꩻမွိုက်၊ ကောကျွိုက်မအောဝ်ႏ ခြောသွꩻဖေါဝ်ႏ၊ နမ်းကောဝ်ႏမိမိ ထိုꩻအုံထေ့၊ တရေ့အဝ်ႏခိုႏ သွုန်ႏသꩻသိုႏ၊ တရေ့ခိုႏအောင်း ဝင်ꩻငင်းလောင်း၊ ငမ်းအဝင်ꩻသေ ခေ့ꩻတွမ်ႏလေ၊ ယူးပေႏခါလဲ့ မွူးယာတဲ့၊ အုံလဲ့ဗိဉ်ႏဗꩻ ငမ်းညောဝ်ႏလꩻ၊ အုံဗꩻတောဝ်းလဲ့ သက်သွတ်ꩻတဲ့၊ လိုꩻမွိုက်နောဝ်ꩻတဲ့ တခွန်ꩻတဲ့၊ ပီပဲ့ယူးပေႏ အုံဗိဉ်ႏသေႏ၊ မွူးလေအုံနို့ꩻ ထိုꩻဗိဉ်ႏတွော့ꩻ၊ အုံညီဒုံဆောင်ႏ မူႏတွမ်ႏမောင်ႏ၊ ကျွိုက်တောဝ်းနောဝ်ꩻလဲ့ စွုမ်ႏဖြာꩻတဲ့၊ ကျေꩻဇူꩻသေတောဝ်း ဗွေႏတွမ်ႏစောဝ်း၊ သေတောဝ်းကျေꩻဇူꩻ လိုꩻမွိုက်ဆူꩻ၊ ကျေꩻဇူꩻမအောဝ်ႏ သွꩻခွဖေါဝ်ႏ၊ မိဉ်ႏခြဝ်ႏမိဉ်ႏစဲင်း ရန်ႏသူႏထဲင်း၊ ဒုံကိုအောဝ်ႏညီꩻ သွီႏမထီꩻ၊ အုံညီꩻဝင်ꩻလဲ့ ဖြေင်းခေါ်တဲ့၊ ဥပမာႏဝါးဗွာ ဖုံႏစွိုꩻအာ၊ စောက်အာႏခါလဲ့ အုံညီꩻတဲ့၊ ပီပဲ့နောဝ်ꩻနော မိဉ်ꩻမခေါ၊ ဝင်ꩻဟဲ့ꩻလိုꩻမွိုက် ဝင်ꩻကျွိုက်တောဝ်း၊ ဝင်ꩻဟဲ့ꩻလိုꩻယုတ် မိဉ်ꩻဝါးယုတ်၊ အုံညီꩻဒုံကို မူႏတွမ်ႏခို၊ အလိုႏငထောဝ်း သꩻတူႏတောဝ်း၊ ဝင်ꩻမကျွိုက်နီ မောင်ꩻအသီ၊ ပီပဲ့ယူးပေႏ သေတဝ်းဗွေႏ၊ ဖေႏအံႏဖေႏအွꩻ ညာꩻငါႏသꩻ၊ ဖေႏအွꩻဖေႏတံႏ တတန်ႏတောဝ်း၊ ပါꩻမှဲꩻထီႏလဲ့ ကျွိုက်တောဝ်းတဲ့၊ ယူးသီးမျိုꩻလဲ့ မေတ္တာႏခြော၊ လိုꩻမွိုက်တဲ့နော တူတကွ၊ (အသေဝနာ စ ဗာလာနံ)၊ လိုꩻမွိုက်နဝ်ꩻလဲ့ ယံသျောင်ႏလဲ့ꩻ၊ လိုꩻယုတ်မျိုꩻလဲ့ ဝင်ꩻစင်ꩻတဲ့၊ အုံညီꩻဒုံကို ဝင်ꩻကျွိုက်တောဝ်း၊ ယူးအုံညီꩻလိုꩻ ဝင်ꩻကျွိုက်တောဝ်း၊ ငထောဝ်းဝင်ꩻရက်နော။[၁][၂][၃]