Alban Berg
Alban Berg (Viena, 1885eko otsailaren 9a - Viena, 1935eko abenduaren 24a) austriar musikagilea izan zen. Bere lehenengo lanetan Schumann, Brahms eta Wagnerren eragina nabaria da, baina gerokoetan teknika tonala, atonala eta dodekafonismoa baliatu zituen. Berg musika espresionismoaren egile nabarmenetakoa da.
| Alban Berg | |
|---|---|
_~1930_%C2%A9_Max_Fenichel_(1885%E2%80%931942).jpg) | |
| Bizitza | |
| Jaiotzako izen-deiturak | Albano Maria Johannes Berg |
| Jaiotza | Viena, 1885eko otsailaren 9a |
| Herrialdea | Cisleithania  Austria |
| Heriotza | Viena, 1935eko abenduaren 24a (50 urte) |
| Hobiratze lekua | Hietzing Cemetery (en)  |
| Heriotza modua | berezko heriotza: septizemia |
| Familia | |
| Ezkontidea(k) | Helene Berg |
| Haurrideak | ikusi
|
| Hezkuntza | |
| Heziketa | University of Music and Performing Arts Vienna (en) |
| Hizkuntzak | alemana |
| Irakaslea(k) | Arnold Schönberg |
| Ikaslea(k) | ikusi
|
| Jarduerak | |
| Jarduerak | musikagilea, piano-jotzailea, musikaria eta libretista |
| Lantokia(k) | Viena |
| Lan nabarmenak | ikusi
|
| Kidetza | Vienako Bigarren Eskola |
| Genero artistikoa | opera dodekafonismoa |
| Musika instrumentua | pianoa |
| Zerbitzu militarra | |
| Parte hartutako gatazkak | Lehen Mundu Gerra |
            | |
Bizitza
aldatuSchönbergen ikasle izan zen (1904-1910). Lehen lanetan, Pianorako sonata (1908), Lau melodia (1909), tonalitatea erabili bazuen ere, laster, Hari kuartetoa (1909), teknika atonalaz baliatzen hasi zen. Lehen Mundu Gerran postu bat izan zuen administrazioan eta, era horretara, musika-lanetan jardun ahal izan zuen.
Georg Büchner-en Woyzeck lan dramatikoak opera bat sortzeko gogoa eragin zion: Wozzeck (1919). Bergen opera hau garrantzi handikoa da XX. mendeko musika dramatikoaren eremuan. Besteak beste, azken urteetan (1927-1935) beste opera bat ondu zuen: Lulu (1928-1935). Ardoa (1927) izenburua daraman kantata Baudelaireren poemen gainean egina da. Azkenik, Aingeru baten oroitzapenetan (1935) biolin-kontzertuan, tonalitatera eta erromantizismora itzuli zen.
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Wikimedia Commonsen badira fitxategi gehiago, gai hau dutenak: Alban Berg  |
Datuak: Q78475
Multimedia: Alban Berg / Q78475
