Fótbóltur í Føroyum

Fótbóltur í Føroyum.

Fótbóltur í Føroyum. Størsta ítróttagreinin í Føroyum er fótbóltur. Í 2015 vóru 4.733 limir skrásettir í fótbóltsfeløgunum, og 22 fótbóltsvøllir í fullari stødd vóru kring landið. Allir vóru graslíkisvøllir uttan tann í Hvalba, sum er grasvøllur.

Føroyar eru við í nógvum altjóðakappingum til dømis EM og HM í fótbólti.

Søga

Tann 18. juli 1909 spældi HB sín annan dyst ímóti Tvøroyrar Bóltfelag í Havn, sum HB vann 3-1.

Føroyskur fótbóltur hevur røtur aftur í 19. øld. Í apríl mánaði 1892 stovnaðu tvørámenn "Tværå Boldklub" TB, sum sostatt gjørdist fyrsta fótbóltsfelagið. Nógv ár gingu, áðrenn nakað annað felag varð stovnað, so TB spældi fyri tað mesta móti eingilskum trolaramanningum og trongisvágmonnum, ið møguliga eisini høvdu eitt felag um tað mundið. Smb. hundrað ára minnisritinum hjá TB eru menn tó ósamdir í hesum máli. Fyrsta veruliga fótbóltsfelag, sum varð stovnað eftir hetta, var Havnar Bóltfelag (HB), ið sá dagsins ljós í oktober 1904. Klaksvíkingar høvdu tó longu í august stovnað "Klagsvigs Idrætsforening" KÍ, men teir fóru har norðuri tó ikki at spæla fótbólt fyrr enn í 1911.

Í 1942 byrjaði landskappingin í føroyskum mansfótbólti. Henda kapping hevur síðani á hvørjum ári staðfest, hvat felag er best í Føroyum. Men øll byrjan er torfør, og tí var eingin kapping í 1944 orsakað av bólttroti.

Kappingin er broytt fleiri ferðir. Týdningarmesta broytingin hendi undan leikárinum 1976, tá ið beinleiðis upp- og niðurflyting millum deildirnar varð innførd.

Fótbóltur í Vagur

Í 1988 varð 1. deild víðkað til 10 feløg. Í 1996 innførdi fótbóltssambandið regluna um, at vinnandi liðið í einum dysti fekk 3 stig. Í 2005 varð kappingin umløgd enn einaferð, so nú spæla liðini í 1. deild 27 dystir hvør móti øðrum. Skeiva dystartalið ger, at nú fáa summi lið tveir heimadystir móti onkrum mótstøðuliði, meðan tey fáa tveir útidystir móti onkrum øðrum. Skipanin er roynd í nøkur ár í Danmark, og enn er ov tíðliga at gera nakra niðurstøðu um virðið í hesi skipan fyri føroyskan fótbólt.

Í 1955 varð ein føroysk steypakapping sett á stovn. Føroysk feløg høvdu tó undan hesum dystast um ymisk steyp, men hetta var fyrstu ferð, at steypakapping í fótbólti varð fyriskipað undir ÍSF. Tá ið Fótbóltssamband Føroya varð stovnað í 1979, tóku teir sær av øllum føroyskum fótbóltskappingum.

Bóltfeløg

AB, B36, EB/Streymur, FS Vágar, GÍ, HB, ÍF, KÍ, MB, NSÍ, B71, Skála, SÍ, TB, B68, Undri FF, FC Suðuroy.

FM vinnarar (síðan 1977)

1977 TB 1978 HB 1979 ÍF 1980 TB 1981 HB 1982 HB 1983 GÍ 1984 B68 1985 B68 1986 GÍ 1987 TB		1988 HB 1989 B71 1990 HB 1991 KÍ 1992 B68 1993 GÍ 1994 GÍ 1995 GÍ 1996 GÍ 1997 B36 1998 HB		1999 KÍ 2000 VB 2001 B36 2002 HB 2003 HB 2004 HB 2005 B36 2006 HB 2007 NSÍ 2008 EB/Streymur 2009 HB		2010 HB 2011 B36 2012 EB/Streymur 2013 HB 2014 B36 2015 B36 2016 Víkingur 2017 Víkingur 2018 HB 2019 KÍ 2020 HB		2021 KÍ 2022 KÍ

Steypavinnarar (síðan 1977)

1977 TB 1978 HB 1979 HB 1980 HB 1981 HB 1982 HB 1983 GÍ 1984 HB 1985 GÍ 1986 NSÍ 1987 HB

1988 HB 1989 HB 1990 KÍ 1991 B36 1992 HB 1993 B71 1994 KÍ 1995 HB 1996 GÍ 1997 GÍ 1998 HB

1999 KÍ 2000 GÍ 2001 B36 2002 NSÍ 2003 B36 2004 HB 2005 GÍ 2006 B36 2007 EB/Streymur 2008 EB/Streymur 2009 Víkingur

2010 EB/Streymur 2011 EB/Streymur 2012 2013 2014 2015 2016 2017 2018 2019 HB 2020 HB

2021

Sí eisini

• Føroyska fótbóltsmanslandsliðið