Ashlynn Brooke

Ashlynn Brooke, echte namme: Ashley Brooke (Choctaw (Oklahoma), 14 augustus 1985), is in rêstend Amerikaansk neakenmodel, stripper, pornografysk aktrise, pornoregisseur en mainstream-filmaktrise, wa har namme oft ek wol misstavere wurdt as Ashlynn Brooks, en dy't yn it begjin fan har karriêre ek wol gebrûk makke fan 'e artystenamme Gabby. Neffens har offisjele opjefte is se 1.57 m, mei in gewicht fan 48 kg en kupmaat 34C. Neffens eigen sizzen is har seksuële oriïntaasje biseksueel.

Ashlynn Brooke
persoan yn de seksyndustry
persoanlike bysûnderheden
oare artyste-        nammen	Ashlynn Brooks, Gabby
echte namme	Ashley Brooke
nasjonaliteit	Amerikaansk
berne	14 augustus 1985
berteplak	Choctaw (Oklahoma)
etnisiteit	Angelsaksysk Amerikaansk
wurkpaad
wurksum as	neakenmodel, stripper, pornoaktrise, regisseur
jierren aktyf	2006 – 2010
offisjele webside
www.ashlynnbrooke.com

Libben en karriêre

Ashlynn Brooke waard yn 1985 berne yn Choctaw, yn 'e steat Oklahoma. Se wie njoggen jier lang lid fan ferskillende cheerleaderstiims, en slagge yn maaie 2003 foar har middelbere-skoaldiploma. Neitiid wurke hja trije en in heal jier foar in twaddehâns-autoferkeaper ûnder de reek fan Oklahoma City. Om 2005 hinne posearre se foar in neakenblêd dat fêstige wie yn Oklahoma City, en letter wurke se in hoartsje as stripper yn in pleatslike stripklub.

Yn 2006, doe't se 21 jier wie, makke Brooke har debút yn in pornografyske film, wêrnei't se yn febrewaris 2007 in eksklusyf kontrakt ôfsleat mei de foaroansteande filmstudio New Sensations. Neffens de Internet Adult Film Database (IAFD) hat se yn har karriêre yn 113 pornofilms spile, fral foar New Sensations en it susterlabel dêrfan, Digital Sin, mar ek wol foar Zero Tolerance, ClubJenna en Platinum X Pictures. Dêrmei hat Brooke ferskate prizen wûn, wêrûnder 3 AVN Awards (de Oskars fan 'e pornowrâld), wylst se ek nochris 13 nominaasjes foar AVN Awards yn 'e wacht sleept hat. Njonken har aktearwurk wie Brooke ek aktyf as regisseur; datoangeande makke se yn 2009 har debút mei Ashlynn Brooke's Lesbian Fantasies 1. Yn totaal regisearre se 6 films, mei dêrûnder pornografyske ferzjes fan it mearke Readkapke (Red Riding Hood XXX) en fan stripheldinne Wonder Woman (Wonder Woman XXX: A Hardcore Parody).

Brooke hat fierders in lyts roltsje fertolkt yn 'e mainstream-horrorfilm Piranha 3D, út 2009, en de fideoklip fan it nûmer Too Drunk... fan 'e rockband Buckcherry. Yn 2010 loek Brooke har út 'e pornoyndustry werom nei't se swier wurden wie. Se ferhuze werom út Los Angeles nei Oklahoma City, dêr't se in hoart letter it libben skonk oan in dochter. Op 27 oktober 2013 troude se mei fotograaf Chad Duerksen. Nettsjinsteande it feit dat se doe al opholden wie mei aktearjen, waard Brooke yn 2011 troch de stjoerder CNBC noch útroppen ta ien fan 'e tolve populêrste pornostjerren fan 'e wrâld.

Prizen en nominaasjes

Ashlynn Brooke, 2010

Jier	Priis	Resultaat	Kategory	Foar har optreden yn
2008	AVN Award	nominearre	bêste opfiering fan in striptiis	Ashlynn & Friends
		nominearre	bêste sekssêne mei in pearke (fideo) (mei Mark Davis)	Addicted Forever
		nominearre	bêste nije stjer	n.f.t.
	XRCO Award	nominearre	nije stjer	n.f.t.
2009	AVN Award	nominearre	bêste opfiering fan in striptiis	My Plaything: Ashlynn Brooke
		nominearre	bêste lesbyske sekssêne mei in pearke (mei Jenna Haze)	Addicted 4
		nominearre	bêste POV-sekssêne (mei Tommy Gunn)	Point Blank P.O.V.
		nominearre	bêste byrol fan in aktrise	Hearts & Minds 2: Modern Warfare
		nominearre	artyste fan it jier	n.f.t.
		wûn	bêste trochrinnende fideosearje	Ashlynn Goes to College
		wûn	bêste nije searje	Ashlynn Goes to College
		wûn	bêste ynteraktive dvd	My Plaything: Ashlynn Brooke
	FAME Award	wûn	leaflingsboarsten	n.f.t.
	Hot d'Or	nominearre	bêste Amerikaanske aktrise	Hearts & Minds 2: Modern Warfare
2010	AVN Award	nominearre	bêste lesbyske triosekssêne (mei Devon Lee en Faye Reagan)	All About Ashlynn 2
		nominearre	bêste sekssêne mei in pearke (mei Evan Stone)	Seinfeld: A XXX Parody
		nominearre	bêste byrol fan in aktrise	30 Rock: A XXX Parody
		nominearre	artyste fan it jier	n.f.t.
2011	AVN Award	nominearre	bêste aktrise	WKRP in Cincinnati: A XXX Parody

Keppelings om utens

• (in) Offisjele webside fan Ashlynn Brooke
• (in) Biografy en filmografy fan Ashlynn Brooke yn 'e Internet Movie Database (IMDb)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Ashlynn Brooke fan Wikimedia Commons.