Marrit Leenstra (reedrydster)

Marrit Leenstra (Wikel, 10 maaie 1989) is in earder Frysk langebaanrydster út Wikel. Se ried oant seizoen 2008/2009 by Jong Oranje. Yn maart 2008 stie se op in 27e plak op de Adelskalender.

Marrit Leenstra
sporter
Marrit Leenstra (2008)
persoanlike bysûnderheden
echte namme	Marrit Leenstra
nasjonaliteit	Nederlânsk
bertedatum	10 maaie 1989
berteplak	Wikel
etnisiteit	Frysk
sportive ynformaasje
sport	Reedriden
ûnderdiel	Langebaan
O.S.	Sotsji 2014, Vancouver 2018
debút	2008
karriêre-ein	2018
wichtige prestaasjes
1x goud Olympyske Spullen 2014 1x sulver Olympyske Spullen 2018 1x brûns Olympyske Spullen 2018

Biografy

Seizoen 2006/2007

Yn novimber 2006 ried Marrit Leenstra (mei trener Jan van Veen) foar it earst in wrâldbekerstriid, dit wie de 1500 meter yn Moskou. Dit kaam troch har 9e plak op it NK ôfstannen en in oantal ôfsizzings. Se waard 6e yn de B-groep..

Seizoen 2007/2008

Leenstra bruts troch op it NK ôfstannen 2008 wêr’t se brûns op de 1500 meter wûn. Hjirmei pleatste se har foar de world cup-wedstriden. Ek pleatste se har foar de 1000 meter, want dêr einige se as fjirde. By de world cup op 10 novimber 2007 pakte se it wrâldrekord foar junioaren op de 1500 meter ôf fan Ireen Wüst en dêrmei waard se alfte. By it NK Allround wûn se op ferrassende wize dizze ôfstân en einige se as 4e, wêrmei’t se har fersekere fan dielname oan it EK Allround yn Kolomna. Hjir ferraste se op troch op de 500 meter (twadde) as op de 1500 meter (tredde) op it poadium te einigjen. Op de lange ôfstannen waard se twa kear sânde en úteinlik einige se yn it einklassemint as seisde, wêrtroch’t se har streekrjocht pleatste foar it WK Allround yn Berlyn. Op dat WK waard ze úteinlik tolfde. Twa wiken letter waard Leenstra tegearre mei Jan Blokhuijsen wrâldkampioen op it WK foar Junioaren yn Changchun. Neidat se ek noch de Nederlânske sprinttitel foar A-junioaren ferovere hie, ferbettere se by de Olympic Oval Finals har eigen wrâldrekord foar junioaren op de 1500 meter. Ek ried se in junioarewrâldrekord op de 1000 meter en de lytse fjouwerkamp foar junioaren.

Kommersjele teams

Nei it WK Allround toanden de ridersploegen DSB en TVM belang yn de achttjinjierrige pupil. Leenstra liet trochskimerje dat har foarkar útgie nei TVM, omdat dizze ploech mear froulike allrounders binnen de gelederen hie as DSB. Haadtrener Gerard Kemkers fan TVM woe oer de spekulaasjes fierders gjin kommentaar jaan.

Op 19 maart 2008 waard bekend dat Leenstra foar twa jier in kontrakt tekenje sil by de TVM-formaasje en my yngong fan seizoen 2008/2009 dêrfoar ride sil. Leenstra tekende offisjeel it kontrakt op 11 april 2008.

2018

Yn 2018 joech se oan te stopjen mei har karriêre en keas foar har stúdzje. Leenstra hie har bachelor Future Planet helle oan de Universiteit fan Amsterdam. Yn 2018 sil se útein om har master te heljen yn de stúdzje Geo Information Science yn Wageningen.

Resultaten

Dizze seksje fan it artikel moat by de tiid brocht wurde. Jo wurde útnûge om dêr in begjin mei te meitsjen

Jier	NK Ofstannen	NK Allround	EK Allround	WK Allround	WK Junioaren	WB Einstân
2007	15e 500m 9e 1500m 12e 3000m	NC13				50e 1500m
2008	9e 500m 4e 1000m 1500m 10e 3000m	4e	6e	12e		19e 1000m 23e 1500m

NC# = net kwalifisearre foar de lêste ôfstân, mar wol as # klassearre yn it einklassemint

Medailjespegel

Kampioenskip	Goud	Sulver	Brûns
NK Ofstannen	0	0	1
WK Junioaren	1	0	0

Wrâldrekords

Nr.	Ofstân	Tiid	Datum	Baan
jr1	1500 meter junioaren	1.56,47	10 novimber 2007	Salt Lake City
jr2	1500 meter junioaren	1.55,14	12 maart 2008	Calgary
jr3	1000 meter junioaren	1.15,41	13 maart 2008	Calgary
jr4	mini fjouwerkamp junioaren	156,360	13 maart 2008	Calgary

Boarnen, noaten en referinsjes

Boarnen, noaten en/as referinsjes:

Leenstra op KNSB.nl PR's van Leenstra op Jakub Majerski's Speedskating Database Commons Wikimedia Commons  Ofbylden dy't by dit ûnderwerp hearre, binne te finen yn de kategory Marrit Leenstra fan Wikimedia Commons.