Póčkaty płód

Brěška jako přikład za póčkaty płód z twjerdym endokarpom.

Póčkaty płód (tež póčkojca) je zawěracy płód, při kotrymž symjo je wot wodrjewjeneje póčki wobdate. Při tym eksokarp je kóžkojty, mezokarp je mjasny, mjeztym zo endokarp drjewojtu póčku twori, w kotrejž leži symjo.

Wobsteji w najwjetšich padach zwisk z přiměrjenjom na endocoochoriju, na symjenjowe roznjesenje přez płody žrace zwěrjata. Symjo so při tym přez wodrjewjeny endokarp, znutřkownu worštu płodoweje sćěny, za wobškodźenje škita. Kołowokoło wutworja zwonkowne woršty płodoweje sćěny, mezo- a eksokarp, mjasne-brěčkate, z žiwych bańkow zestajene podźěle. Tute su nic přeco za čłowjeka so hodźa jěsć (na př. při kokosowym worjechu).

Póškate płody su mjez druhim:

• z jědźnym płodowym mjasom: mango, mirabela, nektarina, brěška, slowka, aprikoza, wolijowka, kisała wišnja, słódka wišnja
• z jědźnym symjenjom abo endospermom: kokosowy worjech, mandla a pistacija

Wosebita forma je kompleksny póčkaty płód.