Վիլֆրիդ Բոնի

Վիլֆրեդ Բոնի; ֆր.՝ Wilfried Bony
	Բոնին Սուոնսիի կազմում 2013 թվականին
Անձնական տվյալներ
Ամբողջական անուն	Wilfried Guemiand Bony
Քաղաքացիությունը	Կոտ դ'Իվուար
Ծննդյան ամսաթիվ	դեկտեմբերի 10, 1988 (36 տարեկան)
Ծննդավայր	Բինժերվիլ, Կոտ դ'Իվուար
Հասակ	182 սմ
Քաշ	78 կգ
Դիրք	հարձակվող
Ակումբային տեղեկություններ
Ներկա ակումբ	Սուոնսի Սիթի
Համար	2
Պատանեկան կարիերա
2002-2005	Սիրիլ Դոմորոյի ակադեմիա
Մասնագիտական կարիերա*
2006-2008	Իսիա Վազի
Ազգային հավաքական‡
	* Մասնագիտական կարիերայում ընդգրկված են միայն առաջնության խաղերը և գոլերը ; ըստ մարտի 29-ի, 2018:; ‡ Ազգային հավաքականի խաղերն ու գոլերը ըստ հունվարի 20-ի, 2017

Վիլֆրեդ Բոնի (ֆր.՝ Wilfried Guemiand Bony, դեկտեմբերի 10, 1988(1988-12-10)^[2], Bingerville, Աբիդջան, Կոտ դ'Իվուար), Կոտ դ'Իվուարցի պրոֆեսիոնալ ֆուտբոլիստ։ Ներկայումս հանդես է գալիս անգլիական Սուոնսի Սիթիի և Կոտ դ'Իվուարի ֆուտբոլի ազգային հավաքականի կազմում։ Խաղում է հարձակվողի դիրքում^[3]։

Բոնին սկսել է իր պրոֆեսիոնալ կարիերան կոտ դ'Իվուարական Իսիա Վազիում, ապա կարիերան շարունակել չեխական Սպարտա Պրահայում, որի հետ 2009-2010 մրցաշրջանում հաղթել է Չեխիայի առաջնությունը։ 2011 թվականի հունվարին տեղափոխվեց հոլանդական Վիտես, որի կազմում 2012-2013 մրցաշրջանում նա դարձավ Հոլանդիայի առաջնության լավագույն ռմբարկուն, ինչի արդյունքում տեղափոխվեց Սուոնսի 12 միլիոն ֆունտ ստերլինգի դիմաց։ Սուոնսիի կազմում անցկացրած 70 խաղերում խփեց 35 գոլ և 2015 թվականի հունվարին տեղափոխվեց Մանչեսթեր Սիթի 28 միլիոն ֆունտ ստերլինգի դիմաց։ Մանչեսթեր Սիթիում Բոնին բավական խաղաժամանակ չէր ստանում, և 2016 թվականի ամռանը վարձավճարով տեղափոխվեց Ստոկ Սիթի։ 2017 թվականի օգոստոսի 31-ին վերադարձավ Սուոնսի Սիթի։

2010 թվականից Բոնին հանդես է գալիս Կոտ դ'Իվուարի ազգային հավաքականում, որի կազմում մասնակցել է 2014 թվականի Աշխարհի առաջնությանը և 4 Աֆրիկայի ազգերի գավաթի խաղարկությունների և հաղթել 2015 թվականի Աֆրիկայի ազգերի գավաթը։

Ակումբային կարիերա

Իսիա Վազի

Բոնին սկսել է իր կարիերան Կոտ դ'Իվուարական Իսիա Վազի ակումբում, որի կազմում դարձել է 2007 թվականի առաջնության լավագույն ռմբարկու։

Սպարտա Պրահա

2007 թվականի հոկտեմբերին Բոնին վարձավճարով տեղափոխվեց չեխական Սպարտա։ Այստեղ նա սկսեց խաղալ ակումբի երկրորդ թիմի կազմում, որի հետ հաղթեց Չեխիայի 3-րդ դիվիզիոնը։ Սրանից հետո Սպարտան ամբողջությամբ գնեց Բոնիի տրանսֆերը, իսկ 2008-2009 մրցաշրջանում Բոնին սկսեց խաղալ Սպարտայի առաջին թիմում՝ խփելով 3 գոլ 16 խաղերում։ 2009-2010 մրցաշրջանում նա խփեց 9 գոլ, և Սպարտան հաղթեց Չեխիայի առաջնությունը։ 2010-2011 մրցաշրջանի առաջին կեսում Բոնին խփեց 17 գոլ, ներառյալ՝ 5 գոլ Եվրոպա Լիգայի 6 խաղերում, ինչից հետո 2011 թվականի հունվարին Վիտեսը գնեց նրա տրանսֆերը 3.4 միլիոն ֆունտ ստերլինգի դիմաց։

Վիտես

Բոնին 3.5 տարվա պայմանագիր կնքեց հոլանդական Վիտեսի հետ^[4]։ 2011 թվականի փետրվարի 20-ին Վիտեսի կազմում իր առաջին խաղում կոտ դ'իվուարցին գրավեց դե Գրաֆսհապի դարպասը։ Վիտեսի կազմում իր առաջին ամբողջական մրցաշրջանում Բոնին դարձավ 12 գոլի հեղինակ՝ դառնալով ակումբի լավագույն ռմբարկուն և Հոլանդիայի առաջնության 10-րդ լավագույն ռմբարկուն։ 2012 թվականի փետրվարին նա երկարաձգեց իր պայմանագիրը Վիտեսի հետ մինչև 2015 թվականը։

2012-2013 մրցաշրջանում Բոնին դարձավ Հոլանդիայի առաջնության լավագույն ռմբարկուն՝ դառնալով 31 գոլի հեղինակ 30 խաղերում։ Ինչպես նաև նա ճանաչվեց Հոլանդիայի առաջնության լավագույն խաղացող։

Սուոնսի Սիթի

2013 թվականի հուլիսի 11-ին Բոնին 4 տարվա պայմանագիր կնքեց ուելսական Սուոնսիի հետ ակումբի համար ռեկորդային 12 միլիոն ֆունտ ստերլինգի դիմաց^[5]։ Կոտ դ'Իվուարցին ակումբում իր դեբյուտը նշեց օգոստոսի 1-ին՝ Եվրոպա Լիգայի որակավորման 3-րդ փուլի Մալմյոյի դեմ խաղում և դարձավ 2 գոլի հեղինակ^[6]։

2013-2014 մրցաշրջանի Պրեմիեր Լիգայի բացման խաղում՝ Մանչեսթեր Յունայթեդի դեմ հանդիպման ժամանակ Բոնին խփեց իր առաջին գոլը Պրեմիեր Լիգայում, սակայն Սուոնսին պարտվեց 1-4 հաշվով^[7]։ 2013-2014 մրցաշրջանը նա ավարտեց 25 գոլով։

Բոնին դարձավ 2014 օրացուցային տարվա Պրեմիեր Լիգայի լավագույն ռմբարկուն՝ խփելով 20 գոլ^[8]։

Մանչեսթեր Սիթի

2015 թվականի հունվարի 14-ին Բոնին 4.5 տարվա պայմանագիր կնքեց անգլիական Մանչեսթեր Սիթիի հետ^[9]։ Մանչեսթեր Սիթին նրա համար վճարեց 25 միլիոն ֆունտ ստերլինգ, որը կարող էր դառնալ 28 միլիոն՝ դարձնելով կոտ դ'իվուարցուն այդ ժամանակվա ամենաթանկ աֆրիկացի ֆուտբոլիստը։

Մանչեսթեր Սիթիի կազմում Բոնին իր դեբյուտը նշեց փետրվարի 21-ին՝ փոխարինման դուրս գալով Նյուքասլ Յունայթեդի դեմ խաղում։ Մարտի 21-ին նա խփեց իր առաջին գոլը ակումբի կազմում՝ աչքի ընկնելով Վեստ Բրոմվիչի դեմ տնային խաղում։ 2014-2015 մրցաշրջանում Բոնին անցկացրեց 12 խաղ և խփեց 2 գոլ։

2015-2016 մրցաշրջանում Բոնին մասնակցեց 34 հանդիպման և խփեց 8 գոլ, սակայն Մանչեսթեր Սիթիի նոր մարզիչ Պեպ Գվարդիոլան չէր տեսնում նրան թիմում հաջորդ մրցաշրջանում։

Ստոկ Սիթի

2016 թվականի օգոստոսի 31-ին Բոնին մեկ մրցաշրջանի վարձավճարով տեղափոխվեց Ստոկ Սիթի։ Այստեղ իր առաջին հանդիպումն անցկացրեց սեպտեմբերի 10-ին՝ Տոտենհեմի դեմ խաղում։ 7 խաղ առանց գոլ անցկացնելուց հետո Բոնին դուբլ ձևակերպեց հոկտեմբերի 31-ին Սուոնսիի դեմ խաղում։ 2017 թվականի հունվարին՝ Աֆրիկայի ազգերի գավաթից վերադառնալուց հետո, Բոնին դուրս մնաց Ստոկ Սիթիի կազմից գլխավոր մարզիչ Մարկ Հյուզի որոշմամբ։

Վերադարձ Սուոնսի Սիթի

2017 թվականի օգոստոսի 31-ին Բոնին վերադարձավ Սուոնսի՝ կնքելով 2 տարվա պայմանագիր^[10]։ Սուոնսին նրա տրանսֆերի համար վճարեց 12 միլիոն եվրո^[11]։ Կոտ դ'Իվուարցին վերցրեց 2 համարի մարզաշապիկը^[12]։ Իր առաջին գոլը այս մրցաշրջանում Բոնին խփեց դեկտեմբերի 2-ին՝ Ստոկ Սիթիի դեմ խաղում^[13]։ 1 շաբաթ անց՝ դեկտեմբերի 2-ին՝ Վեստ Բրոմվիչի դեմ խաղում Բոնին խաղադաշտ դուրս եկավ ավագի թևկապով՝ այդ խաղում խփելով իր առաջին գոլը Լիբերտի մարզադաշտում այդ մրցաշրջանում^[14]։

Միջազգային կարիերա

Բոնին առաջին անգամ հրավիրվեց Կոտ դ'Իվուարի ազգային հավաքական 2010 թվականին և հավաքականում իր դեբյուտը նշեց Բուրունդիի դեմ արտագնա խաղում՝ հանդիպման 80-րդ րոպեին փոխարինելով Ժերվինյոյին։

Աֆրիկայի ազգերի գավաթ 2012

Իր հավաքականի հետ Բոնին մասնակեց 2012 թվականի Աֆրիկայի ազգերի գավաթին, որտեղ աչքի ընկավ հունվարի 30-ին կայացած Ալժիրի դեմ խաղում։

Աշխարհի առաջնություն 2014

Բոնին հայտավորվեց Կոտ դ'Իվուարի կազմում 2014 թվականի Աշխարհի առաջնության համար։ Այստեղ իրենց առաջին խաղում՝ Ճապոնիայի դեմ հանդիպման ժամանակ Բոնին գրավեց հակառակորդի դարպասը գլխի հարվածով^[15]։ Բոնին նաև աչքի ընկավ խմբային փուլի վերջին՝ Հունաստանի դեմ խաղում՝ գոլի հեղինակ դառնալով երկրորդ խաղակեսում փոխարինման դուրս գալուց հետո^[16]։ Այնուամենայնիվ, Կոտ դ'Իվուարը դուրս մնաց առաջնությունից խմբային փուլից։

Աֆրիկայի ազգերի գավաթ 2015

Բոնին նաև մասնակցեց 2015 թվականի Աֆրիկայի ազգերի գավաթին։ Ալժիրի դեմ քառորդ եզրափակչի խաղում նա 2 գլխով գոլ հեղինակեց, իսկ եզրափակչում՝ Գանայի դեմ խաղում, հետխաղյա 11-մետրանոց հարվածաշարի ժամանակ նա իրացրեց իր հավաքականի առաջին 11-մետրանոցը, բայց գնդակը դարպասից բարձր թռավ։ Այնուամենայնիվ, Կոտ դ'Իվուարը հաղթեց գավաթը^[17]։

Կարիերայի վիճակագրություն

Ակումբային վիճակագրություն

2017 թվականի դեկտեմբերի 18-ի դրությամբ

Ակումբ	Մրցաշրջան	Առաջնություն			Գավաթ		Լիգայի գավաթ		Եվրոպա		Ընդհանուր
Ակումբ	Մրցաշրջան	Դիվիզիոն	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Սպարտա Պրահա Բ	2007–08	Չեխիա III	14	2	—		—		—		14	2
Սպարտա Պրահա	2008–09	Չեխիա I	16	3	0	0	—		0	0	16	3
	2009–10	Չեխիա I	29	9	0	0	—		6	1	35	10
	2010–11	Չեխիա I	14	10	0	0	—		10	7	24	17
	Ընդհանուր		59	22	0	0	—		16	8	75	30
Վիտես	2010–11	Էրեդիվիզի	7	3	0	0	—		0	0	7	3
	2011–12	Էրեդիվիզի	28	12	2	1	—		0	0	30	13
	2012–13	Էրեդիվիզի	30	31	2	4	—		4	2	36	37
	Ընդհանուր		65	46	4	5	—		4	2	73	53
Սուոնսի Սիթի	2013–14	Պրեմիեր Լիգա	34	17	2	3	1	1	11	5	48	25
	2014–15	Պրեմիեր Լիգա	20	9	0	0	2	0	—		22	9
	Ընդհանուր		54	26	2	3	3	1	11	5	70	35
Մանչեսթեր Սիթի	2014–15	Պրեմիեր Լիգա	10	2	0	0	0	0	2	0	12	2
	2015–16	Պրեմիեր Լիգա	26	4	0	0	3	2	5	2	34	8
	Ընդհանուր		36	6	0	0	3	2	7	2	46	10
Ստոկ Սիթի	2016–17	Պրեմիեր Լիգա	10	2	0	0	1	0	—		11	2
Սուոնսի Սիթի	2017–18	Պրեմիեր Լիգա	11	2	0	0	0	0	—		11	2
Կարիերայի ընդհանուր			249	106	6	8	7	3	38	17	300	134

Միջազգային վիճակագրություն

2017 թվականի մարտի 20-ի դրությամբ

Կոտ դ'Իվուար
Տարի	Խաղեր	Գոլեր
2010	2	0
2011	5	3
2012	8	1
2013	7	4
2014	10	3
2015	10	2
2016	4	0
2017	5	1
Ընդհանուր	52	15

Միջազգային գոլեր

#	Ամսաթիվ	Մարզադաշտ	Մրցակից	Հաշիվ	Արդյունք	Մրցաշար
1.	Հունիսի 5, 2011	Ստադ դե լ'Ամիտի, Կոտոնու, Բենին	Բենին	6–2	6–2	Աֆրիկայի ազգերի գավաթ 2012 Որակավորում
2.	Սեպտեմբերի 3, 2011	Ամահորո մարզադաշտ, Կիգալի, Ռուանդա	Ռուանդա	2–0	5–0
3.	Սեպտեմբերի 3, 2011	Ամահորո մարզադաշտ, Կիգալի, Ռուանդա	Ռուանդա	3–0	5–0
4.	Հունվարի 30, 2012	Էստադիո դե Մալաբո, Մալաբո, Հասարակածային Գվինեա	Անգոլա	2–0	2–0	Աֆրիկայի ազգերի գավաթ 2012
5.	Մայիսի 27, 2012	Ստադ Սեն-Լյո-լա-Ֆորե, Սեն-Լյո-լա-Ֆորե, Ֆրանսիա	Մալի	2–0	2–1	Ընկերական խաղ
6.	Հունվարի 30, 2013	Ռոյալ Բաֆոկենգ, Ռուստենբուրգ, Հարավային Աֆրիկա	Ալժիր	2–2	2–2	Աֆրիկայի ազգերի գավաթ 2013
7.	Մարտի 23, 2013	Ստադ Ֆելիքս Ուֆուե-Բուանի, Աբիջան, Կոտ դ'Իվուար	Գամբիա	1–0	3–0	Աշխարհի առաջնություն 2014 Որակավորում
8.	Հունիսի 8, 2013	Անկախության մարզադաշտ, Բակաու, Գամբիա	Գամբիա	2–0	3–0
9.	Հունիսի 16, 2013	Ազգային մարզադաշտ, Դար էս Սալամ, Տանզանիա	Տանզանիա	4–2	4–2
10.	Հունիսի 14, 2014	Արենա Պերնամբուկու, Ռեսիֆի, Բրազիլիա	Ճապոնիա	1–1	2–1	Աշխարհի առաջնություն 2014
11.	Հունիսի 24, 2014	Կաստելան մարզադաշտ, Ֆորտալեզա, Բրազիլիա	Հունաստան	1–1	1–2	Աշխարհի առաջնություն 2014
12.	Հոկտեմբերի 11, 2014	Ստադ դե Մարտիր, Կինշասա, ԿԴՀ	ԿԴՀ	1–0	2–1	Աֆրիկայի ազգերի գավաթ 2015 Որակավորում
13.	Փետրվարի 1, 2015	Էստադիո դե Մալաբո, Մալաբո, Հասարակածային Գվինեա	Ալժիր	1–0	3–1	Աֆրիկայի ազգերի գավաթ 2015
14.	Փետրվարի 1, 2015	Էստադիո դե Մալաբո, Մալաբո, Հասարակածային Գվինեա	Ալժիր	2–1	3–1	Աֆրիկայի ազգերի գավաթ 2015
15.	Հունվարի 20, 2017	Ստադ դ'Օյեմ, Օյեմ, Գաբոն	ԿԴՀ	1–1	2–2	Աֆրիկայի ազգերի գավաթ 2017

Նվաճումներ

Ակումբ

Սպարտա Պրահա

Չեխիայի առաջնություն. 2009-10

Մանչեսթեր Սիթի

Ֆուտբոլային Լիգայի գավաթ. 2015-16

Միջազգային

Կոտ դ'Իվուար

Աֆրիկայի ազգերի գավաթ. 2015

Անհատական

Հոլանդիայի առաջնության լավագույն ռմբարկու. 2012-13
Հոլանդիայի տարվա լավագույն ֆուտբոլիստ. 2012-13
Աֆրիկայի ազգերի գավաթի խորհրդանշական հավաքական. 2015

Ծանոթագրություններ

↑ https://bodysize.org/fr/bony-wilfried/
↑ ^2,0 ^2,1 Transfermarkt.com(բազմ․) — 2000.
↑ «Wilfried Bony | Football Stats | Manchester City | Age 28 | Soccer Base». www.soccerbase.com. Վերցված է 2017 թ․ հունիսի 15-ին.
↑ «Vitesse snap up Wilfried». Sky Sports (անգլերեն). Վերցված է 2017 թ․ հունիսի 15-ին.
↑ «Wilfried Bony to join up with Swansea as work permit application succeeds». Sky Sports (անգլերեն). Վերցված է 2017 թ․ հունիսի 15-ին.
↑ «Swansea 4 Malmo 0: New boy Bony nets twice as £12m striker gives Laudrup big first leg lead in Europa League qualifying». Mail Online. Վերցված է 2017 թ․ հունիսի 15-ին.
↑ «Swansea 1-4 Man Utd». BBC Sport (բրիտանական անգլերեն). 2013 թ․ օգոստոսի 17. Վերցված է 2017 թ․ հունիսի 15-ին.
↑ «Wilfried Bony is the Premier League's top scorer in 2014». Mail Online. Վերցված է 2017 թ․ հունիսի 15-ին.
↑ «Wilfried Bony: Man City complete signing of Swansea striker». BBC Sport (բրիտանական անգլերեն). 2015 թ․ հունվարի 14. Վերցված է 2017 թ․ հունիսի 15-ին.
↑ «Swans complete Wilfried Bony transfer | Swansea City AFC». www.swanseacity.com (անգլերեն). Վերցված է 2017 թ․ նոյեմբերի 26-ին.
↑ Williams, Joe (2017 թ․ օգոստոսի 31). «Swansea agree £12m deal for Man City flop Bony - Football365». Football365 (ամերիկյան անգլերեն). Վերցված է 2017 թ․ նոյեմբերի 26-ին.
↑ «Football fans everywhere are furious at Wilfried Bony's new choice of shirt number». The Independent (բրիտանական անգլերեն). 2017 թ․ սեպտեմբերի 1. Վերցված է 2017 թ․ նոյեմբերի 26-ին.
↑ «Stoke City 2-1 Swansea City». BBC Sport (բրիտանական անգլերեն). 2017 թ․ դեկտեմբերի 2. Վերցված է 2018 թ․ հունվարի 5-ին.
↑ «Swansea City 1-0 West Bromwich Albion». BBC Sport (բրիտանական անգլերեն). 2017 թ․ դեկտեմբերի 9. Վերցված է 2018 թ․ հունվարի 5-ին.
↑ «World Cup: Ivory Coast hit back to see off Japan». Sky Sports (անգլերեն). Վերցված է 2017 թ․ հունիսի 15-ին.
↑ «World Cup: Greece 2-1 Ivory Coast». BBC Sport (բրիտանական անգլերեն). 2014 թ․ հունիսի 24. Վերցված է 2017 թ․ հունիսի 15-ին.
↑ «Ivory Coast 0-0 Ghana (9-8 on penalties)». BBC Sport (բրիտանական անգլերեն). 2015 թ․ փետրվարի 8. Վերցված է 2017 թ․ հունիսի 15-ին.

Արտաքին հղումներ

Վիքիպահեստն ունի նյութեր, որոնք վերաբերում են «Վիլֆրիդ Բոնի» հոդվածին։

[_b75d70ae1fe08a23-1] ttps://bodysize.org/fr/bony-wilfried/

[_4f0360e1df037622-2] 2,0 ^2,1 Transfermarkt.com(բազմ․) — 2000.

[3] «Wilfried Bony | Football Stats | Manchester City | Age 28 | Soccer Base». www.soccerbase.com. Վերցված է 2017 թ․ հունիսի 15-ին.

[4] «Vitesse snap up Wilfried». Sky Sports (անգլերեն). Վերցված է 2017 թ․ հունիսի 15-ին.

[5] «Wilfried Bony to join up with Swansea as work permit application succeeds». Sky Sports (անգլերեն). Վերցված է 2017 թ․ հունիսի 15-ին.

[6] «Swansea 4 Malmo 0: New boy Bony nets twice as £12m striker gives Laudrup big first leg lead in Europa League qualifying». Mail Online. Վերցված է 2017 թ․ հունիսի 15-ին.

[7] «Swansea 1-4 Man Utd». BBC Sport (բրիտանական անգլերեն). 2013 թ․ օգոստոսի 17. Վերցված է 2017 թ․ հունիսի 15-ին.

[8] «Wilfried Bony is the Premier League's top scorer in 2014». Mail Online. Վերցված է 2017 թ․ հունիսի 15-ին.

[9] «Wilfried Bony: Man City complete signing of Swansea striker». BBC Sport (բրիտանական անգլերեն). 2015 թ․ հունվարի 14. Վերցված է 2017 թ․ հունիսի 15-ին.

[10] «Swans complete Wilfried Bony transfer | Swansea City AFC». www.swanseacity.com (անգլերեն). Վերցված է 2017 թ․ նոյեմբերի 26-ին.

[11] Williams, Joe (2017 թ․ օգոստոսի 31). «Swansea agree £12m deal for Man City flop Bony - Football365». Football365 (ամերիկյան անգլերեն). Վերցված է 2017 թ․ նոյեմբերի 26-ին.

[12] «Football fans everywhere are furious at Wilfried Bony's new choice of shirt number». The Independent (բրիտանական անգլերեն). 2017 թ․ սեպտեմբերի 1. Վերցված է 2017 թ․ նոյեմբերի 26-ին.

[13] «Stoke City 2-1 Swansea City». BBC Sport (բրիտանական անգլերեն). 2017 թ․ դեկտեմբերի 2. Վերցված է 2018 թ․ հունվարի 5-ին.

[14] «Swansea City 1-0 West Bromwich Albion». BBC Sport (բրիտանական անգլերեն). 2017 թ․ դեկտեմբերի 9. Վերցված է 2018 թ․ հունվարի 5-ին.

[15] «World Cup: Ivory Coast hit back to see off Japan». Sky Sports (անգլերեն). Վերցված է 2017 թ․ հունիսի 15-ին.

[16] «World Cup: Greece 2-1 Ivory Coast». BBC Sport (բրիտանական անգլերեն). 2014 թ․ հունիսի 24. Վերցված է 2017 թ․ հունիսի 15-ին.

[17] «Ivory Coast 0-0 Ghana (9-8 on penalties)». BBC Sport (բրիտանական անգլերեն). 2015 թ․ փետրվարի 8. Վերցված է 2017 թ․ հունիսի 15-ին.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]