Animasion

Ti animasion ti aglaglagto a bola (baba) ket buklen dagiti innem a kuadro.

Daytoy nga animasion ket aggungunay kadagiti 10 a kuadaro kada segundo.

Ti animasion ket isu ti napardas a panangiparang ti panagsasaruno dagiti saan nga agkutkuti a ladawan ken/wenno dagiti banag tapno makapartuat iti maysa nga ilusion ti panaggunay. Ti kadawyan a pamay-an ti panangirepresenta ti animasion ket ti maysa a pelikula wenno programa ti video, uray no adda met dagiti sabali pay a pamay-an. Daytoy a kita ti presentasion ket kadawyan a matungpal iti panagusar ti kamera ken ti maysa a pagbuyaan ti proyektor wenno kompiuter a makabael a mangpapardas ti siklo babaen dagiti ladawan iti maysa a panagsasaruno. Ti animasion ket mabalin a maaramid iti inaramid ti ima nga arte, inaramid ti kompiuter a ladawan, wenno tallo a dimension a bambanag, a kas dagiti tirtiris wenno dagiti pigura a naaramid ti pila, wenno panagtitipon kadagitoy a pamay-an. Ti puesto ti tunggal maysa a banag iti naisangayan a ladawan ket mainaig iti puesto ti dayta a banag kadagiti napalabas ken dagiti sumaganad a ladawan tapno ti tunggal maysa a banag ket nawaya nga agparang a nasayaat ti kuti ti ayosna iti tunggal maysa. Ti ramit a panagbuya ket agiparang kadagitoy a ladawan iti napardas a panagsasaruno, kadawyan dagitoy a 24, 25, wenno 30 a kuadro tunggal maysa a segundo.

Etimolohia

Ti balikas nga animasion ket nagtaud manipud iti Latin a balikas ti animātiō, "ti tignay a panangiyungar iti biag"; manipud iti animō ("mangited iti biag") ken -ātiō ("ti tignay").

Dagiti akinruar a silpo

• Dagiti midia a mainaig iti Animasion iti Wikimedia Commons
  
• Animasion iti Curlie (iti Ingles)
• Dagiti Eksperimental a Pamay-an ti Animasion
• Ti panagaramid ti 8-minuto nga ababa a kartun
• "Animando" Naiyarkibo 2009-10-01 iti Wayback Machine, ti 12 a minuto a pelikula a mangipakpakita kadagiti 10 a nadumaduma a pamay-an ti animasion (ken mangisuro ti panagusar kaniada).