Karachi

Karachi
کراچی‎

ڪراچي
Karachi ; کراچی‎ ڪراچي
Metropolitano a Siudad
	Agpakanawan manipud iti ngato: Horisonte ti Karachi, KPT HQ, Tortorre ti PRC ken PNSC, Tiendaan ti Karachi, Parola ti Manora, Pagsisinnnukatan ti Nagan ken Panteon ni MA Jinnah.
	Parbo a nagan: Ruangan a Dalan ti Pakistan, Ti Siudad dagiti Naraniag a Silaw, Bassit a Pakistan
	Karachi ; کراچی‎ Lokasion ti Karachi idiay Sindh ken idiay Pakistan.
	Nagsasabtan: 24°51′36″N 67°0′36″E / 24.86000°N 67.01000°ENagsasabtan: 24°51′36″N 67°0′36″E / 24.86000°N 67.01000°E
Pagilian	Pakistan
Probinsia	Sindh
Metropolitano a Korporasion	2011
Konsilo ti siudad	Patakder ti Siudad, Ili ti Gulshan-e-Iqbal
Dagiti distrito	5 Daya a Karachi; Laud a Karachi; Abagatan a Karachi; Tengnga a Karachi; Malir;
Gobierno
• Kita	Metropolitano a Siudad
• Administrador ti Siudad	Muhammad Hussain Syed
• Komisioner ti Munisipio	Matanat Ali Khan
Kalawa
• Metropolitano a Siudad	3,527 km2 (1,362 sq mi)
Kangato	8 m (26 ft)
Populasion (2010)
• Metropolitano a Siudad	13,050,000
• Densidad	3,700/km2 (9,600/sq mi)
• Metro	13,205,339
Nagan dagiti umili	Karachiite
Sona ti oras	UTC+05:00 (PST)
Dagiti kodigo ti koreo	74XXX – 75XXX
Panagtawag a kodigo	+9221-XXXX XXXX
Website	KarachiCity.gov.pk
	[urnosen iti Wikidata]

Ti Karachi (Karācī (tulong·pakaammo), Urdu: كراچى‎‎); Sindhi: ڪراچي‎) ket isu ti kadakkelan a siudad, kangrunaan a puerto ti baybay ken sentro ti pinansia ti Pakistan, ken isu pay ti kapitolio ti probinsia ti Sindh. Ti siudad ket adda ti nakarkulo a populasion ti 21 a riwriw a tattao manipud idi Abril 2012. Dagiti nagbanagan ti senso ket mangipakpakita a ti distrito ket pagtaengan dagiti sumurok a 21 a riwriw a tattao, iti densidad ti gangani a 6,000 a tattao ti tunggal maysa a kuadrado kilometro (15,500 ti tunggal kuadrado milia).^[7] Ti Karachi ket isu ti kaaduan ti populasion a siudad iti pagilian, ken ti kadakkelan a siudad iti lubong no maipanggep ti populasion^[8] ken isu pay ti maika-11 a kadakkelan nga urbano nga aglomerasion iti lubong.^[9] Daytoy ti sentro ti panagibanko, industria, ekonomiko nga aktibidad ken panaglaklako ti Pakistan ken ti pagtaengan kadagiti kadakkelan a korporasion ti Pakistan, a mairaman dagiti maipanggep iti tela, panangipatulod, industria ti automotor, palpaliwa, dagiti arte, moda, panangipaskil, panagipablaak, panangiparang-ay ti sopwer ken mediko a panagsukimat. Ti siudad ket sentro ti nangato nga edukasion idiay Abagatan a Asia ken ti Muslim a lubong.^[10]

Ti Karachi ket nairanggo a kas maysa a Beta a siudad ti sangalubongan.^[11]^[12] Daytoy ket isu ti kapitolio ti Pakistan aginggana idi nabangon ti Islamabad a kas kapitolio tapno nasyaat a maiwarwaras dagii panagrangrang-ay iti ballasiw ti pagilian ken tapno mapawilan a maisentro idiay Karachi.^[13] Ti Karachi ket isu ti pakabirukan ti Puerto ti Karachi ken Puerto Bin Qasim, dagitoy ti dua a kadakkelan ket kakumikoman a puerto ti rehion. Kalpasan ti pannakawaya ti Pakistan, ti populasion ti siudad ket dimmakkel iti ginasut a ribu kadagiti Muhajirs manipud idiay India ken dagiti dadduma pay a paset ti Abagatan nga Asia ket immayda a nangtaeng idiay Karachi.

Ti siudad ket mabirukan idiay abagatan ti pagilian, idiay igid ti aplaya a sumabtan ti Baybay Arabiano. Daytoy ket naigay-at ti a sumurok a 3,527 km² (1,362 sq mi) iti kalawa, a gangani nga uppat a beses a dakdakkel ngem ti Hong Kong. Daytoy ket lokal a naamammuan a kas ti "Siudad dagiti Silaw" (روشنیوں کا شہر‎) ken "Ti Nobia dagiti Siudad" (عروس البلاد‎) para iti kinarag-ona, ken ti "Siudad ni Quaid" (شہرِ قائد‎), nga isu ti nakaipasngayan ken lugar a nakaitabonan ni Quaid-e-Azam, ti Nalatak a Daulo, (Muhammad Ali Jinnah), ti nangbangon ti Pakistan, a nangaramid a pagtaenganna ti siudad kalapasan ti pannakawaya ti Pakistan manipud iti Britaniko a Raj idi 14 Agosto 1947.