1812

La yaro 1812 (MDCCCXII per Romala algarismi) esis bisextila yaro komencinta ye merkurdio segun la Gregoriala kalendario e bisextila yaro komencinta ye lundio segun Juliala kalendario. Ol esis la 812ma yaro di la 2ma yarmilo, la 12ma yaro di la 19ma yarcento e la 3ma yaro di la yari 1810a. Kande 1812 komencis, Gregoriala kalendario esis 12 dii avan Juliala kalendario, qua duris uzesar en kelka loki til 1923.

Eventi

Europa

• 8ma di aprilo - Helsinki divenas chef-urbo di Finlando.
• 11ma di mayo - Britaniana chefministro Spencer Perceval mortigesas da komercisto.
• 24ma di junio til la 14ma di decembro - Napoléon la 1ma atakas Rusa imperio, e vinkas Rusi che Borodino ye la 7ma di septembro. De ibe, Grande Armée avancas vers Moskva, quon Rusi incendias. Ye la 19ma di oktobro Napoléon decidas abandonar Moskva e retretar. Frua e severa vintro exterminas l'armeo: nur 20 000 soldati transvivas.
• 15ma til la 18ma di novembro - Napoleonala militi: eventas la batalio di Krasnoi, proxim la nuna urbeto Krasny. Retretanta de Moskva, Franca trupi atakesas dal Rusi, e subisas granda perdajo di soldati.
• 26ma til 29ma di novembro - Napoleonala militi: Eventas la Batalio di Berezina, ube Napoleonala trupi vinkesas dal Rusi.
• En Unionita Rejio, unesma pladala buxi por nutrivo-konservo igesas.

Nord-Amerika

• 18ma di junio - Milito inter Unionita Rejio ed Usa komencas, e duros til 1815.

Sud-Amerika

• 27ma di februaro - Milito pri nedependo di Arjentinia: Manuel Belgrano unesmafoye levas la standardo di Arjentinia.
• 26ma di marto - Ter-tremo en Caracas, Venezuela, produktas 12 000 morti.

Naski

Charles Dickens

• 7ma di februaro - Charles Dickens, Angla skriptisto (m. 1870)
• 1ma di marto - Nicolae Crețulescu, chefministro di Rumania (m. 1900)
• 12ma di marto - Ignacio Comonfort, prezidanto di Mexikia (m. 1863)
• 15ma di aprilo - Théodore Rousseau, Franca piktisto (m. 1867)
• 23ma di aprilo - Frederick Whitaker, chefministro di Nova-Zelando (m. 1891)
• 24ma di aprilo - Walthère Frère-Orban, chefministro di Belgia (m. 1896)
• 7ma di mayo - Robert Browning, Angla skriptisto (m. 1889)
• 13ma di agosto - Karl Rahl, Austriana piktisto (m. 1865)
• 27ma di agosto - Bertalan Szemere, chefministro di Hungaria (m. 1869)
• 28ma di agosto - Rudolf Ritter von Alt, Austriana piktisto (m. 1905)
• 20ma di oktobro - Buenaventura Báez, prezidanto di Dominikana Republiko (m. 1884)
• 28ma di oktobro - Cirilo Villaverde, Kubana skriptisto e jurnalisto (m. 1894)
• 9ma di novembro - Charles Duclerc, chefministro di Francia (m. 1888)

Morti

• 20ma di januaro (o 20ma di decembro) - Kazimierz Wojniakowski, Polona piktisto (n. 1771 o 1772)
• 24ma di septembro - Juana Galán, heroino di Hispania (n. 1787)
• 12ma di oktobro - Juan José Castelli, Arjentiniana jurnalisto e politikisto (n. 1764)
• 30ma di novembro - Stefano Tofanelli, Italiana piktisto (n. 1752)
• (desaparis pos ca yaro) John Eyre, Australiana piktisto (n. 1771)