Wale fir d'Europäescht Parlament 2019 (Lëtzebuerg)

Bei de Wale fir d'Europäescht Parlament 2019 goufen déi sechs Deputéiert gewielt, déi Lëtzebuerg am Europäesche Parlament fir d'Sëtzungsperiod 2019-2024 vertrieden.

Si goufen de 26. Mee 2019 ofgehalen, parallel zu deenen an den aneren EU Länner.

Am Ganzen hu 60 Kandidaten op de Lëschte vun 10 Parteie kandidéiert.

Parteien

Stëmmziedel mat de 60 Kandidaten

Den 28. Mäerz 2019 goufen d'Nummere fir déi 10 Lëschten, déi bei den Europawalen untrieden, ausgeloust, mat dësem Resultat:^[1]

Lëscht 1: DP
Lëscht 2: Piratepartei Lëtzebuerg
Lëscht 3: déi Konservativ
Lëscht 4: KPL
Lëscht 5: déi Lénk
Lëscht 6: Volt
Lëscht 7: déi gréng
Lëscht 8: LSAP
Lëscht 9: ADR
Lëscht 10: CSV

Walplakater vun de Parteien

DP
Piraten
Déi Konservativ
KPL
Déi Lénk
Volt
Déi Gréng
LSAP
ADR
CSV

Wal

Nom lëtzebuergesche Walgesetz däerf all Wieler maximal sou vill Stëmme ofginn, wéi Sëtz ze verdeele sinn, deemno 6. Déi kënnen all un eng Partei goen (duerch d'Schwäerze vum Rondel iwwer der Lëscht), oder u verschidde Kandidate verdeelt ginn (maximal 2 Stëmme pro Kandidat), déi op der selwechter oder op verschiddene Lëschte stinn.

D'Wale fir d'Europaparlament sinn zu Lëtzebuerg obligatoresch fir Wieler tëscht 18 a 75 Joer. Och Bierger vun aneren EU-Staaten, déi op d'mannst 2 Joer zu Lëtzebuerg wunnen, kënne sech op d'Wielerlëschten androen a matwielen. Si dierfen dann awer net och nach am Land wou se hierkommen wielen.

Resultat

Am Eenzele kruten d'Parteien déi heite Resultater:

Europawal zu Lëtzebuerg 2019
Partei	Europapartei	Fraktioun am EP	Prozent vun de Stëmmen	Verännerung	Sëtz	Verännerung
Demokratesch Partei (DP)	ALDE	ex-ALDE-Fraktioun	21,44%	-3,89%	2	+1
Chrëschtlech-Sozial Vollekspartei (CSV)	EVP	EVP-Fraktioun	21,2 %	-16,4%	2	-1
Déi Gréng	EGP	Gréng/EFA-Fraktioun	18,91%	+3,90%	1	±0
Lëtzebuerger Sozialistesch Aarbechterpartei (LSAP)	SPE	S&D-Fraktioun	12,19%	+0,44%	1	±0
Alternativ Demokratesch Reformpartei (ADR)	AECR	—	10,04%	+2,51%	0	±0
Déi Lénk	EL	—	4,83%	-0,93%	0	±0
Piratepartei Lëtzebuerg	PPEU	—	7,7%	+2,7%	0	±0
Volt Lëtzebuerg	Volt Europa		2,11%	+2,11%	0	—
Kommunistesch Partei Lëtzebuerg (KPL)			1,14%	-0,35%	0	±0
Déi Konservativ			0,53%	+0,53%	0	±0
Total			100,0	—	6	—

Source: elections.public.lu

D'Sëtz ginn an enger éischter Auszielung un d'Parteie verdeelt. Eréischt da gëtt gekuckt, wéi d'Reiefolleg vun de Kandidaten an der Partei ass.

An dësem Fall war dat d'DP, dCSV an déi Gréng. D'Reschtsëtzer goungen un d'LSAP, d'DP an d'CSV.^[2]

Gewielt goufen

Charles Goerens, DP, 97.584 Stëmmen^[3]
Christophe Hansen, CSV, 62.732
Tilly Metz, déi gréng, 55.465
Monica Semedo, DP, 50.954
Isabel Santos-Lima, CSV, 49.582
Nicolas Schmit, LSAP, 39.152

Am Dezember 2019 ass de Marc Angel fir den Nicolas Schmit nogeréckelt, nodeems dee Member vun der Europäescher Kommissioun gouf. Am Oktober 2023 huet dunn d'Martine Kemp de Christophe Hansen ersat, nodeems dee bei de Chamberwale vum 8. Oktober 2023 am Bezierk Norden an d'Chamber gewielt gi war.