Леонти Кирюков

Леонти Кирюков
Леонти Кирюков
шачень	1 июльста 1895
шачема васта	Пиченя (Пейкужо буе)[d], Анаевское сельское поселение[d], Зубунь аймак, Советонь Соткс;
куласть	12 майста 1965 (69 к.)
кулома васта	Саранош, РСФСР, Советонь Соткс;
мастор	Россиянь империясь[d]; Советонь Соткс;
тев теят	композиторсь
казнет

Леонти Кирюков (руз.: Кирюков Леонтий Петрович; шач. 1.7.1895, Пиченя, Зубунь район, Мордовия – кул. 12.5.1965,Саранош) — мокшень васенце композиторсь, келеса морамань вятись, тонафтысь. Мордовиянь профессионалонь седямать ушедыензон эзда фкясь. Рузмасторть сетенень казьф тиись (1960), Мордовиянь сетенень казьф тиись (1945). Мордовиянь калконь артист (1947). Мокша.

Эряфоньсёрмадома

Шабакс пингстокиге кельгозе кулхцонкшнемс тядянц Анна Никитичнань моронзон. Кирюковонди 13 кизодоль, мзярда сон васедсь Евсевьев Макаронь мархта. Тя павазу васедемаське няфтезе композиторонь кинц.

1914 кизоня Кирюков аделазе Казанень тонафтыень афрусненди семинариять, сонь тоза сявондезь Евсевьевонь мярьгоманц коряс; 1931 кизоня аделазе Москувонь консерваториять, келеса морамань вятемань класть, 1937 – 1939 кизотнень тонафнесь Москунь квалификациянь касфтомань институтса (композициянь классь). 1933 – 1940 кизотнень вятезень Мордовиянь радиокоммитетть видеса этнографическяй келеса морамась.

Кирюков сёрмадсь лама эрзянь эди мокшень калконь мора, нолдазень синь башка сборникса 1929, 1935, 1948 кизотнень; сёрмадсь «Литова» седямань драма, «Несмеян эди Ламзурь», «Нормальня» операт, тяштсь кантата. Фкять лемнезе Октябрть 30-це кизонцты, тяда башка сёрмадсь карзиенди концерт, инструментонь налхкомат эди иля покамат; сёрмадсь морот Никул Эркаень, Атянин Федоронь, Бебан Максимонь эди иля мокшень эди эрзянь валморайхнень валморанзон коряс.

Лама тись эсьтиинь эди профессионалонь келеса морамань тевть кеподеманкса, касфтсь лама од седяйда. Кирюков сятнень ётксоль, кие панжезе Сараношень седямань тонафтома вастть, тяса сон покодсь 1931 – 1956 кизотнень.

Кяльвалсь

Кирюков Леонтий Петрович // Энциклопедия «Мордовия», Т. 1. — Саранск, 2003.(руз.)

Тя апак шумордак сёрматфкссь. Ули мяльце сонь петнеманза ди поладоманза? Лезтт!