ပါမောက္ခဆာန်
| ပါမောက္ခဆာန် | |
|---|---|
| သၠးဂၠံဂဝ် |
ဂျူလာင် ၁၃၊ ၁၉၇၈ ကွာန်ကအ်ဗိန် |
| ဂကူ | မန် |
| သၞာံချဳဓရာင် | 1996 — |
| မဒယှ်တဴ | ဒယှ်ေဒွက် |
| ချဳဓရာင် | ပရေင်ချဳဓရာင် သုခုမ ဒယှ်ေဒွက် |
| အိန်ထံင် | မိအာဲပိုန် (က) အေအေလှိုင် |
| ကောန်ဇာတ် | ကောန်ဇာတ် ၂ တၠ |
| အံက် | နာဲမိုင်ကျဳ ၊ မိဝုတ် |
| ကောဒေအ် | ကောဒေံ (၇) တၠ |
ပါမောက္ခဆာန် (ၜံင် ၁၃ ဂျူလာင် ၁၉၇၈ ပ္ဍဲ ကအ်ဗိန်) ဝွံ ဒှ် သၟာဒယှ်ေဒွက်မန်ဒယှ် ဗွဲတၟေင် ဂကူဒွက်ပပ် နူသၞာံ ၁၉၉၆ တုဲ အကြာသၞာံ ၁၉၉၇ ကဵု ၁၉၉၈ ဂှ် ပါလုပ်လဝ် ပ္ဍဲ ဂကောံဂဳတမန် နဒဒှ် သၟာဒယှ်ေဒွက် အဓိကမွဲကီု သီုကဵု ပ္ဍဲဂကောံညးတာလျိုင်ဂမၠိုင်ကီုရ။[၁]
အတ္ထုပ္ပတ္တိ
[ပလေဝ်ဒါန် | ပလေဝ်ဒါန် တမ်ကၞက်]သၟာဒယှ်ေဒွက်မန် ပါမောက္ခဆာန် ဝွံ ကတဵုဒှ်မၞိဟ် ပ္ဍဲသၞာံ ၁၉၇၈ ဂိတုဂျူလာင် ၁၃ (သက္ကရာဇ် ၁၃၄၀ ဂိတု(ပထမ)ဒဂိုန် ၉ မမံက်) တ္ၚဲဗြဴဗတိ ပ္ဍဲဇရေင် မိမၜါ နာဲမိုင်ကျဳ၊ မိဝုတ်၊ ပ္ဍဲကွာန်ကအ်ဗိန် အရာပ်လေဝ်အုပ် ရ။ ပၞောဝ်ကဵု ကောဒေအ် သီုဖအိုတ် ၇ တၠဂှ် ပါမောက္ခဆာန် ဒှ်ကောန်ဒဒေအ် ဍောတ်အိုတ်မွဲရ။ နူကဵု ကွာန်ကအ်ဗိန်ဂှ် ဂကောံသ္ၚိကၟိန်ညးတအ် ပြံင်အာ ပဒတဴ ပ္ဍဲ ကွာန်ကအ်ဒုန်မြေင် ပွိုင်ဍုင်လှာဒကှ်ရ။[၁]
ပါမောက္ခဆာန်ဝွံ ဖျေဟ်ဒၞာဲ ဒက်အိန်ထံင် ကု မိအာဲပိုန် (က) အေးအေးလှိုင် တုဲ ကလိဂွံ ကောန်ဗၠာဲမွဲတၠ ကဵု ကောန်ဝုတ်မွဲတၠ။[၁]
ပရေင်ချဳဓရာင်စပ်ကဵုသုခုမ
[ပလေဝ်ဒါန် | ပလေဝ်ဒါန် တမ်ကၞက်]နူသၞာံ (၁၉၉၆) ဂှ် စချဳဓရာင်ကၠောန်ကၠုင် ပရေင်သုခုမ မစဒယှ်ေဒွက်တုဲ ပ္ဍဲသၞာံ ၁၉၉၇-၉၈ ဂှ် လုပ်စိုပ်ကၠုင် ဂကောံဂဳတမန် ရ။ ပါမောက္ခဆာန်ဝွံ ကေင်ဒှ်ကၠုင်လဝ် ညးက္ဍိုက်ပ် ဂကောံဂဳတမန် မွဲတၠကီုရ။[၁] ကဝး "နွံမံင်ဏီ" ဂှ် ၜိုန်ရ ကၠောန်လဝ်တုဲအိုတ် ရန်တၟအ်လဝ် သွက်ဂွံ ပ္တိတ် ပ္ဍဲသၞာံ ၂၀၂၀ ဂှ်ကီုလေဝ် ဟိုတ်နူ အခက်အခုဲသြန်တုဲ ဟွံဒှ်ပ္တိတ်။ ဗွဲကြဴ နာဲတိုင်ပ္ကဴ ကဵု စဴနာဲ တအ် ပ္တိတ်ကဵု သြန်တုဲ ပ္တိတ်မာန်အာ ပ္ဍဲသၞာံ ၂၀၂၁ ဂှ်ရ။ ကဝးဂှ် နကဵု ပါမောက္ခဆာန် ဒယှ်ေလဝ် ၈ ဒွက်၊ ဂမ္ဘဳဆာန် ဒယှ်ေလဝ် ၄ ဒွက်၊ မၞိဟ်စဳဇန်ဂှ် ဒှ် နာဲဇာတိနာဲရ။ "ဂကူမန်ပိုယ်ဂှ် ညးတၞဟ် ကမၠက်လေဝ် ဍေဟ်ဟွံကၠက်ပုဟ်၊ ဂကူပိုယ်ဂှ် နွံဒၟံင်ဏီ၊ ဟိုတ်ဂှ်ရ ကဝးဂှ် ကဵုလဝ်ယၟု "နွံမံင်ဏီ" ဗီုဏအ် ပါမောက္ခဆာန် ဟီုကဵု ဌာန်ပရိုင်ဗၠးၜးမန်ရ။ ဟိုတ်နူ မၞိဟ်ကၠတ်ချာဲဒွက် နွံဂၠိုင်ဒၟံင်တုဲ "ပိုယ်ပ္တိတ်ကဝးမွဲဂှ် အဓိကဍေဟ် မင်စၟဳ ပရဲတိတ် ဟွံသေင်၊ အဓိက မင်စၟဳစ ပရဲအနုသုခုမ၊ မွဲပၠန်ဂှ် လတူဂကူပိုယ် ပိုယ်ဂွံ ဆဝ်မ္ၚုဟ်ဏာ၊ အဓိက ပိုယ်ကေတ် ပရဲ လတူဏအ်ရ" ရဴသာ်ဝွံ နာဲတိုင်ပ္ကဴ ဟီုကဵု ဌာနပရိုင်မန်ကီုရ။[၂] ကဝး "နွံမံင်ဏီ" ဂှ် နကဵု ပါမောက္ခဆာန် မပ္တိတ်လဝ် အလန်လက်ကြဴအိုတ်ရ။
ပ္ဍဲမွဲအခိင် သၟာအနုသုခုမမန်ဂှ် နကဵု ပါမောက္ခဆာန် ချူလဝ် ဒွက် နွံၜိုတ် ၅၀ ဒွက်တုဲ ကၠောန်လဝ် အခိုက်ဒွက် ၁၀၀ ဒွက် ဒှ်ရ။[၁]
ကဝးဒွက်မကေင်ပ္တိတ်ကၠုင်ဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]- စေတနာယာဲအပါ
- လောက်ခေတ်သြန်
- သံသယ
- စေဲစေဲ
- သှ်ေမံင်ဖိုဟ်
- နွံမံင်ဏီ
ကဝးနကဵုပါမောက္ခဆာန် စဳဇန်လဝ်ဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]- အနဂ္ဃ လ္ပဒုင်လီု
- သိုက်ထဝ် မတ်ညးညးကျေဝ်
- အနာဂတ် သင်္ခါရ
- နိယုဝ၊ ပိယုကုမ္မာ၊ စၠန် မဟာဓရ်သတိ တအ်ဒှ်တမ် စဳဇန်ကၠုင်လဝ်ရ။