कपाय्
कपाय् छगू कथंया कच्चा पदार्थ ख। थ्व पदार्थ कपाय्माँय् बुइ व थुकिया छय्ला वसः देकेयागु नापं यक्व ज्याया निंतिं जुइ। कपाय्या ग्वाय् छ्येला का दयेकेछिं गुकियात थाना कापः दयेकि।
प्रजाति
[सम्पादन]व्यवसायिक कथं हलिमय् प्यता प्रजाति कपाय्मा पिनिगु या। थ्व प्यतां हे कपाय् प्रजाति परापूर्व निसें गृहस्थीकरण यानातःगु खनेदु। थ्व प्रजातित थ्व कथं दु-
- Gossypium hirsutum (गसिपियम हर्सुतम्) – उच्च थाय्या कपाय्, मध्य अमेरिका, मेक्सिको, क्यारिबियन व दक्षिण फ्लोरिदाया आदिप्रजाति (हलिंया कपाय् उत्पादनया ९०%)
- Gossypium barbadense (गसिपियम बार्बादेन्से) – ता-हाकःगु ग्वाय्दूगु कपाय्, दक्षिण अमेरिकाया आदिप्रजाति (हलिंया कपाय् उत्पादनया ८%)
- Gossypium arboreum(गसिपियम आर्बोरियम) – सिमाय् ह्वैगु कपाय्, भारत व पाकिस्तानया प्रजाति (हलिंया कपाय् उत्पादनय् २% स्वया म्हो)
- Gossypium herbaceum(गसिपियम हर्बेसियम) – लेभान्त कपाय्, दक्षिण अफ्रिका व अरब प्रायद्विपया प्रजाति (हलिंया कपाय् उत्पादनय् २% स्वया म्हो)
हलिंया कपाय् उत्पादनय् न्हूगु हलिं(हर्सुतम् व बार्बादेन्से)या निता कपाय्या आधिपत्य दु। तर, पुलां हलिंया कपाय् सन् १९०० स्वया न्ह्यः तसकं छ्येलातःगु खनेदु। प्रकृतिइ कपाय्या ग्वाय् तुयु, सियु, गुलाफि व वांगु रङ्गय् बुइगु जुसां तुयु कपाय्या नाप मेगु कपाय्या जेनेतिक्स छ्यास्मिस जुइ धकाः मेमेगु रंगया ग्वाय् दूगु कपाय् तुयु कपाय् दूगु थासय् पीगु मया।
मू उत्पादक
[सम्पादन]| हलिंया १०गु कपाय् उत्पादन याइगु देय् (मेत्रिक टनय् कपाय्) | ||||
|---|---|---|---|---|
| क्रम थाय् | देय् | २०१० | २०११ | २०१२ |
| १ | चीन | ५,९७०,००० | ६,५८८,९५० | ६,८४०,००० |
| २ | भारत | ५,६८३,००० | ५,९८४,००० | ५,३२१,००० |
| ३ | संयुक्त राज्य अमेरिका | ३,९४१,७०० | ३,४१२,५५० | ३,५९८,००० |
| ४ | पाकिस्तान | १,८६९,००० | २,३१२,००० | २,२१५,००० |
| ५ | ब्राजिल | ९७३,४४९ | १,६७३,३३७ | १,६३८,१०३ |
| ६ | उज्बेकिस्तान | १,१३६,१२० | ९८३,४०० | १,०५२,००० |
| ७ | टर्की | ८१६,७०५ | ९५४,६०० | ८५१,००० |
| ८ | अस्त्रेलिया | ३८६,८०० | ८४३,५७२ | ९७३,४९७ |
| ९ | अर्जेन्तिना | २३०,००० | २९५,००० | २१०,००० |
| १० | तुर्केनिमिस्तान | २२५,००० | १९५,००० | १९८,००० |
| — | हलिम | २२,७१४,१५४ | २४,९४१,७३८ | २५,९५५,०९६ |
| स्रोत: FAO (UN Food & Agriculture Organization) [१] | ||||
हलिंया, सन् २०११स, मू कपाय् निर्यात याइगु देय्, झ्वलं, १) संयुक्त राज्य अमेरिका, २) भारत, ३) ब्राजिल, ४) अस्त्रेलिया व ५) उज्बेकिस्तान ख। हलिमय् कपाय् उत्पादन मयासें आयात याइगु मू थाय् कोरिया, ताइवान, रुस व जापान ख। [२]
लिधंसा
[सम्पादन]- ↑ Production of Cotton by countries. UN Food & Agriculture Organization (2011). 2013-08-26 कथं।
- ↑ National Cotton Council of America – Rankings. Cotton.org (2011-03-13). Retrieved on 2011-11-27.
स्वयादिसँ
[सम्पादन] |
विकिमिडिया मंका य् थ्व विषय नाप स्वापु दुगु मिडिया दु: Cotton |