Taus de natalitat
Lo taus de natalitat ( o taus brut de natalitat o encara natalitat) es lo rapòrt entre lo nombre de naissenças e lo nombre total de la populacion.
S'exprimís en general per mila (‰).
Exemple
En França metropolitana, en 2012, i aguèt 792 000 naissenças per una populacion de 63 409 000[1].
Lo taus de natalitat se calcula aital:
nombre total de naissenças viventas ÷ populacion residenta totala × 1000 = taus brut de natalitat ‰
Per las donadas de 2012, serà doncas de: 792 000 ÷ 63 409 000 × 1000 = 12,5 ‰
Natalitat en Occitània
Occitània demòra una zòna de natalitat flaca, comparada amb la mejana francesa. En 2011, las naissenças dins las regions de majoritat occcitana en França metropolitana èran de 177 137 per una populacion de 15 900 000 siá 11,1.
| Region | Naissenças (nombre total) | Taus de natalitat (per mila) |
|---|---|---|
| Aquitània | 34 452 | 10,5 |
| Auvèrnha | 13 561 | 10,0 |
| Lemosin | 7 070 | 9,5 |
| Lengadòc-Rosselhon | 30 794 | 11,4 |
| Miègjorn-Pirenèus | 32 221 | 11,1 |
| Provença | 59 039 | 12 |
Natalitat dins las regions de majoritat occitana en França metropolitana en 2011[2]