Tera (planeta)
.jpg)
| Parti di | Earth-Moon system  |
|---|---|
| Fecha di fundashon òf kreashon | 4540 million years BCE |
| Name in kana | ちきゅう |
| Nòmber duná di | soil, land, ball |
| Lokalisá na | inner Solar System, circumstellar habitable zone, Kaminda di lechi, Local Group |
| Punto oriental | no value |
| Punto nort | 90°0′0″N 0°0′0″E |
| Punto zuid | 90°0′0″S 0°0′0″E |
| Punto occidental | no value |
| Punto mas altu | Mount Everest |
| Punto mas hundo | Challenger Deep |
| Kreá pa | no value |
| Catalog code | 806.4616.0110 |
| Studiá pa | earth science, geologia, geophysics, planetary science |
| Parent astronomical body | Solo |
| Type of orbit | heliocentric orbit |
| Fecha di disolushon òf likidashon | unknown value |
| Hashtag | Earth |
| Bandera | flag of the Earth |
| Geografia | world geography |
| Karakterisá pa | mass of the Earth, Earth's magnetic field, planetary habitability, geologic activity, narrative location |
| Historia | human history, history of Earth, geological history of Earth |
| Manifestacion di | open system |
| Notation | Earth symbol |
| Shape | geoid |
| Epoch | J2000.0 |
| WordLift URL | http://data.thenextweb.com/tnw/entity/earth |
| Etikèt na Stack Exchange | https://astronomy.stackexchange.com/tags/earth, https://physics.stackexchange.com/tags/earth |
| Simbolo Unicode | 🜨, ♁ |
| Lo kontrario di | sky |
Wak Tera (pagina di referencia) pa un otro nificacion di topico.Tera (òf planeta Tera; símbolo: .svg){kind=small}
) ta e di tres planeta for di Solo[1] y e di cinco planeta mas grandi den e sistema solar. Ademas, cual diameter, masa, volumen, gravedad, y forsa di veld magnetico; planeta Tera ta esun di mas grandi di e cuater planetanan interno den cercania di Solo. Alabes, e ta un di e cuater planetanan terestre cual ta consisti di piedra y metal. Ora e sistema solar a desaroya y evoluciona na su forma actual, mas o menos 4.5 biyon aña pasa, Tera a forma cu ayudo di gravedad cu a rek gas y stof hunto.[2]
Propiedad astronomico
[editá | editá fuente]Orbita y rotacion
[editá | editá fuente]Ora Tera ta orbita Solo, e ta completa un rotacion cada 23,9 ora. Ta tuma 365,25 dia pa completa un biahe rond di Solo. E cuart di dia extra ey ta un reto pa nos sistema calendario, cu ta conta un aña como 365 dia. Pa tene e kalender anual conforme na e orbita di Tera rond di Solo, cada cuater aña ta añadi un dia. E dia ey ta ser yama dia bisiesto, y e aña cu e ta añadi na dje ta ser yama aña bisiesto.[2]
E as di rotacion di Tera ta inclina pa 23,4 grado en relaciona cu e plano di orbita di Tera rond di Solo. E inclinacion aki ta causa e ciclo anual di temporada. Na sierto temporada den e aña e hemisferio nort ta inclina den direccion di Solo, y e hemisferio sur ta inclina for di Solo. Asina, Solo ta mas halto na shelo, na hemisferio nort, cual ta produci e temporada di berano. E opuesto ta berdad pa e hemisferio sur, unda tin menos keintamento directo solar cual ta produci e temporada di winter. Seis luna despues, e situacion ta bira. Ora primavera y herfst cuminsa, cada hemisferio ta ricibi un cantidad igual di keintamento for di Solo.[2]
Luna
[editá | editá fuente]Tera ta e unico planeta cu tin un solo luna. E luna ta 384.400 kilometer leu di planeta Tera esey ta ekivalente na 30 planeta Tera cu por pas entre Luna y Tera. Luna ta e obheto mas briyante den e shelo di anochi. Ademas, Luna ta responsabel pa stabilisa e rotacion tambalia di planeta Tera cual ta haci e clima mas stabiel pa miles di aña.[2]
E ta un hecho acepta den e comunidad di ciencia cu Luna a forma door di un encuentro entre planeta Tera primitivo y un pida piedra grandi. E encuentro aki a saca un porcion interior di planeta Tera for di luga, resultando den pidanan cu a bin hunto y forma e luna.[2]
Propiedad fisico
[editá | editá fuente]E planeta ta alrededor di 150 miyon kilometer (1 unidad astronomico) for di Solo. Asina, e ta suficiente calor pa por tin awa likido, e ta e unico planeta den e sistema solar cu likido ariba e superficie.[2] E temperatura promedio na Tera ta mas o menos 14°C, pero tambe tin temperaturanan extremo di 57 grado y 89 grado bou di sero. E diameter na e equator ta un 12.760 kilometer n'ey[2] y Tera ta pisa por lo menos 5.972 biyon biyon ton.[1]
Structura interno
[editá | editá fuente]Planeta Tera su structura ta consisti di, principalmente, cuater capa, esakinan ta inclui un nucleo interno na e centro di Tera; encapsula pa un nucleo externo; mantel; y capa di tera. E nucleo interno ta un esfera solido di metalnan di hero y nikel cu tin un straal di mas o menos 1.221 kilometer. Eynan e temperatura ta yega te 5.400 grado Celsius. Rondonando e nucleo interno ta e nucleo externo. E capa aki ta mas o menos 2.300 kilometer diki y ta consisti di hero y nikel likido. Meymey di e nucleo externo y e capa di tera ta e mantel, e capa mas diki. E mantel ta un mescla di piedra dirti cu ta cayente y pegapega (consistencia di caramel) ta mas o menos 2.900 kilometer diki.[2] E capa mas externo, capa di tera continental, un 30 pa 50 kilometer diki n'ey. E capa di tera aki ta relativamente fini, en comparacion cu e diameter di henter planeta Tera.[1] Na fondo di ocean, e capa di tera ta e mas fini y ta extende un 5 pa 10 kilometer n'ey for di e fondo di ocean pa e top di e mantel.[2]
Veld magnetico
[editá | editá fuente]
E rotacion rapido di Tera y e nulceo di hero y nikel ta crea un veld magnetico, cual e biento solar ta deforma den un forma di lagrima den espacio. Ora particula carga for di biento solar keda atrapa den e veld magnetico di Tera, e particulanan ta dal den molecule di aire ariba poolnan magnetico di Tera. E moleculenan di aire aki ta cuminsa bria y ta causa aurora.[2]
Superficie
[editá | editá fuente]Manera Mars y Venus, Tera tambe tin volcan, sero y depresionnan geologico. Tera su litosfera ta inclui e capa di tera (tanto continental como oceanico) y e mantel superior. E litosfera ta dividi den planchanan tectonico cu ta constantemente den movecion. Por ehempel, e plancha di Nort America ta move west riba e conchi di Ocean Pacifico na un velocidad igual na e crecemento di nos huña. Un temblor ta resulta ora plachinan ta schuur canto di otro, pasa over y ariba otro, dal den otro, of split y separa.[2]
E oceannan ta cubri casi 70% di e superficie di planeta Tera cu un profunidad promedio di 4 kilometer. Ademas, e oceannan ta contene 97% di awa di planeta Tera. Casi tur volcan na mundo ta scondi bou di e oceannan aki. Un volcan di Mauna Kea na Hawaii ta mas halto cu Mount Everest, pero mayoria di e volcan ta bou di awa. E cadena of serie di sero di mas largo na mundo tambe ta bou di awa, na fondo di Ocean Atlantico y Ocean Artico. E ta cuater biaha mas largo cu Andes (Cordillera de los Andes), Rocky Mountain, y Himalaya combina.[2] Al contrario, di nos perspectiva como hende humano, Tera, como un obheto cosmico, ta extraordinariamente suave. Por ehempel, si bo tabatin un dede grandi, y pase ariba e superficie di Tera, Tera lo sinti mesun suave cu un bala di biljart. Tera su seronan ta chikito en comparacion cu otro seronan den e sistema solar. Esun mas grandi na Mars, Olympus Mons, ta mas o menos 19 kilometer halto y casi 482 kilometer hancho na su fondo.[3]
Atmosfeer
[editá | editá fuente]| Composicion di atmosfeer | |
|---|---|
| Nitrogeno | 78,08% |
| Oxigeno | 20,95% |
| Argon | 0,93% |
| Vapor di awa | 0% tot 4% |
| Dioxido di carbon | 0,038% |
| Neon | 0,018% |
| Helium | 0,0005% |
| Metano | spoor |
| Cripton | spoor |
| Hidrogeno | spoor |
Tera tin un atmosfeer cu ta consisti di 78% nitrogeno, 21% oxigeno, y 1% di otro gasnan manera argon, dioxido di carbon, y neon. E atmosfeer ta afecta Tera su clima di termino largo y tempo local di termino cortico. Ademas, e ta proteha bida na Tera for di radiacion di solo y for di meteoor cual ta kima den e atmosfeer prome cu nan por dal e superficie di Tera como meteoriet.[2]
Fuente, nota i/òf referensia
|