Йоганн Кеплер
| Йоганн Кеплер | |
|---|---|
| Johannes Kepler нѣм. | |
 Портрет Й. Кеплера од незнамого автора | |
| Познатый як | объявитель законох руха планет |
| Горожанство | Герцогство Вюртемберг |
| Уроджѣня | децембра 27., 1571 Вайл дер Штадт |
| Упокоеня | новембра 15., 1630 (58 р.) Регенсбург |
| Причина | зимниця |
| Похованя | Регенсбург 8396584 |
| Научна робота | |
| Сферы наук | астрономия, математика |
| Главны роботы | Нова астрономія, Harmonices Mundi, Epitome Astronomiae Copernicanae, De Cometis Libelli Tres, Рудольфинські таблиці |
| Узнаня | |
| Одзнакы | |
 | |
| Йоганн Кеплер на Викискладѣ VIAF:41842150; GND:118561448; LCCN:n50044770; FAST:15428; BNF:11909597m; OL:OL450897A; Ту можуть быти податкы з Wikidata, не контролованы авторами статѣ | |
Йоганн Кеплер (нѣм.; *27. децембра 1571 Вайл дер Штадт – †15. новембра 1630 Регенсбург) — быв нѣмецкый математик, астролог и астроном.
Живот
[едітовати | едітовати жрідло]Кеплер походив з родины гет скромных статкох и не мог думати о высокых школах, але в конци XVI. стороча, коли вшитко школованя было в руках Церкви, ему пощастило, же достав герцогску штипендию од пановника мѣстечка Вайл дер Штадт, жебы ся учив на лутеранской семинарии. Ай сам он ладив быти священиком, але его наданость ку наукам, окреме ку математицѣ, наконець привела го на высшу школу, де професор математикы, в минулости лутеранскый священик, котрый скрыто подтримовав идеи Коперника передав тот интерес свому способному штуденту.[1]
Кеплер, гледаючи математичну гармонию свѣта, сотвореного Богом, подъяв ся математично систематизовати идеи Коперника. Учив ся на Универзитѣ Тюбинген, выучовав математику и етику в Грацу, складовав календарѣ и астрологичны прогнозы.[2]
Доставши зимницю, Йоганн Кеплер умер в року 1630 в Регенсбургу, де пошов, жебы му выплатили проценты з австрийскых облигаций, котры у него были.[1]
Творба
[едітовати | едітовати жрідло]В роботѣ Предвѣстник, циже Космографична тайна (Prodromus sive Mysterium cosmographicum, 1596) выклав божественный математичный порядок небес: шѣсть планет вызначають пять интервалох, котры одповѣдають пятьом «платоновским» многогранникам. Быв придворным математиком в Празї при дворѣ краля Рудолфа II., помочником Тихо Браге. Ту, обробляючи его точны мерькованя за рухами Марса, сформуловав первы два законы обертаня планет: планеты ходять не по круговых орбитах, але по елипсах, в едном огниску котрых лежить Сонце; планеты ся рухають зоз таков скоростьов, при котрой радиусы, споюючы их зо Сонцьом, описують еднакы плохы за два еднакы интервалы часу (Нова астрономия — Astronomia nova, Pragae, 1609). По часѣ тоты законы были росширены на вшиткы планеты и сателиты. Третий закон — квадраты обѣжного часу двох планет односять ся, як кубы их середних оддаленостей од Сонця — выкладеный в Гармонии свѣта (Harmonices mundi, 1619). Про математику окремый вызнам мала робота Стереометрия винных бочок (1615), в котрой Кеплер вычисляв объемы тѣлес, што ся творять при обертаню коничных профилох довкола оси, яка з нима в едной ровинѣ. Он тыж поужив логаритмы на складаня новых таблиць руху планет (1627). Его Куртый начерк коперниканской астрономии (Epitome astronomiae Copernicanae, 1621) быв найлѣпшым учебником астрономии той добы. Объявлѣня Кеплера мали величезный вызнам про филозофскый и научный розвой Новой добы.[2]
Интересны факты
[едітовати | едітовати жрідло]- Кеплер описав выдуману вандровку на Мѣсяць во своей книзѣ Сомниум.[1]
- Его матѣрь скарговали, же ся занимать чаровництвом.[1]
- Гроб Кеплера в Регенсбургу быв спустошеный уже о пару рокы по его смерти в часѣ Тридцатьрочной войны.[1]
См. тыж
[едітовати | едітовати жрідло]Жерела и одказы
[едітовати | едітовати жрідло]- Westman, Robert S. (23 Dec. 2021). Johannes Kepler. Encyclopedia Britannica. https://www.britannica.com/biography/Johannes-Kepler. [перевірено 2021-12-31].англ.
- Микешина Л. А.. Кеплер. in (Научно-ред. совет: предc. В. С. Степин, заместители предc: А. А. Гусейнов, Г. Ю. Семигин, yч. секр. А. П. Огурцов). Новая философская энциклопедия. М.: Мысль, 2010: Институт философии РАН. Том 4, c. 242. ISBN 978-2-244-01117-3.русс.