Петро I. Російскый
| Петро Великый | |
|---|---|
 | |
| Петро I. Великый Образ од Пола Делароша,1838 | |
| Император и Самодержавець Всероссийскый | |
| Панованя | 2. новембер 1721 – 8. фебруар 1725 |
| Предходник | новый титул |
| Наступник | Катарина I. |
| Пановник, Царь и Великый Князь вшиткой Руси | |
| Панованя | 7. май 1682 – 2. новембер 1721 |
| Корунация | 5. юл. 1682 |
| Предходник | Федор III. Алексеевич |
| Наступник | титул зрушеный |
| Уроджѣня | 9. юн 1672 |
| Мѣсто уроджѣня | Москва, Русске царство |
| Смерть | 8 фебруара 1725 (52 р.) |
| Мѣсто смерти | Санкт-Петербург, Российска империя |
| Супружество | Евдокия Федоровна Катарина I. |
| Дом | Романовы |
| Отець | Алексей Михайлович |
| Мати | Наталья Нарышкина |
| Конфесия | православие |
 | |
.svg) | |
Петро I. Великый, знамый тыж як Петро Алексеевич, русс. Пётр Алексеевич; *9. юн 1672, Москва – †8. фебруар 1725, Санкт-Петербурґ, быв российскый царь од року 1682, на зачатку дѣлив владу зо своим хворым невластным братом Иваном V., до его смерти в року 1696. До повнолѣтства (1689) тыж быв под регентством своей старшой сестры, Софии Алексеевны. Року 1724 ся сполувлады над Россиев уяла его жена Катарина I. Петро Великый ся прославив своев великов снагов модернизовати Россию, а в политичной, економичной и културной области Россия в добѣ Петра Великого реално вступила меджи европскы великы державы.[1][2]
Биография
[едітовати | едітовати жрідло]Походжѣня и штудии
[едітовати | едітовати жрідло]Петро I Алексеевич (Великый) (1672—1725) быв царь «вшиткой Руси» од року 1682 г. (пановав до року 1696 въедно зоз хворяковатым братом Иваном V, од первой жены), а пак император од року 1721. Быв молодшым сыном царя Алексея Михайловича и его другой жены nowrap|Натальи Кирилловны Нарышкиной. Систематичну едукацию, належну пановникам, не достав, авшак вдякы таленту и любопытливости быв на уровни тогдышного свѣтового знаня.[1][2]
Реформатор
[едітовати | едітовати жрідло]Реформовав ачей вшиткы области российского живота: штатну справу, войско и флоту, Церкву, газдовство, финанции, науку и образованя, способ живота и манѣры. В добѣ Петра Великого ся утвердив абсолутизм подля его идей «державного хосна», «сполочного блага», котры реализовав через безграничну владу монарха и его бюрократичного апарата регуларного штату. Дворянска империя, створена Петром, змалила заоставаня России од ведучых штатох Европы, авшак пришов ку тому за цѣну крайного напятя материалных и людскых сил, путьом змоцнѣня панщинскых порядкох, што выволало велику неволю народа (стрѣлецкы бунты ай иншы повстаня). Проводив реформы, ещи ай напротив одпору близкых ему людей, не вагав ся ани перед порахунком над своим сыном царевичом Алексѣем.[2]
Военный везирь
[едітовати | едітовати жрідло]В зачатку панованя Петра I. Россия была териториално велика, але не мала приступы ани ку Чорному, ани ку Каспийскому, ани ку Балтицкому морям, и вывойовати собѣ такы приступы стало ся главным дѣлом в заграничной политицѣ молодого царя.[1]
Быв вызнамным военным везирьом, добив ся великых завойовань в Азовскых походах, Сѣверной войнѣ (1700–1721) зоз Швециев, Каспийском походѣ. Рѣшив проблему выхода России ку морю. Прорубане ним «окно до Европы» означало новый характер односин зо свѣтовыма державами.[2]
По серии побѣд над Швециев завязав Ништадскый мирный договор 1721, де была закрѣплена российска юрисдикция на берегах Балтицкого моря. Слѣдом за тым Россия была выголошена за империю, а Петро Великый за императора.[3]
Интересны факты
[едітовати | едітовати жрідло]В числѣ реформ Петра Великого были:[3]
- 1700 — переход на Юлианскый календарь
- 1703 — перва российска новинка
- 1710 — «гражданске» (сучасне) писмо намѣсто церковнославянского
- 1724 — закладена Императорска (Петербургска) Академия Наук
См. тыж
[едітовати | едітовати жрідло]Жерела и одказы
[едітовати | едітовати жрідло]- Nikiforov, Leonid Alekseyevich (5 Jun. 2022). Peter I. Encyclopedia Britannica. https://www.britannica.com/biography/Peter-the-Great. [перевірено 2022-07-11].англ.
- Горобець В. М.. ПЕТРО I. // Енциклопедія історії України : у 10 т. / Смолій В. и др. (ред.). Інститут історії України НАНУ.. Київ: Наук. думка, 2011. Том 8, сс. 185–186. ISBN 978-966-00-1142-7. http://www.history.org.ua/?termin=Petro_I.укр.
- Орлов А.С., Георгиева Н.Г., Георгиев В.А.. Петр I Алексеевич (Великий) I. // Исторический словарь — 2-е изд.. Москва: Проспект, 2015. с. 392. ISBN 978-5-392-18086-8.русс.
