Aḥwac

Yan anaw n uḥwac

Aḥwac (s tfinaɣ : ⴰⵃⵡⴰⵛ, s tɛrabt : أحواش‎) iga yat tẓuri, d yan wanaw n umarg nna ittilin s trubba, illa dar imaziɣn n unẓul n Lmɣrib nttini iclḥiyn. Iggut ɣ tmizar n Sus d Waṭlas imẓẓiyn d wad imqqurn. Kraygat tamazirt nɣ adɣar ittuyssan s wanaw uḥwac lli sis iẓlin. Tmun tẓuẓi ad d imasn n umarg d iwaliwn. ilin gisn inawn ggutnin.

Aḥwac ur igi ɣar yan urkkz unzil, ntta iga udm yaḍnin n tudrt nna d issnkarn asnflul d tmdyazt d ummutr ɣ ufulki, iga yat twlaft iddrn ar d ttrar amrara n ufgan amaziɣ d ukaraw nns agaman d anfgan ɣ umrara d issufuɣn inzgumn nɣd inaruzn nɣd tufrayin d timmutrin d tiwlafin ɣ umarur irar tnt s tɣarast n usnflul s tiwlafin n tẓuri ifulkin.

Ɣ mayann n umssugr amgraw, nna ɣ tswiri dis tagrawt tudrt nns tamktayt d amnlli, ɣ ammas n timyurin tiẓuriwin tidlsanin, nttat iɣ nra tga tamddit taẓawant turkkizt d anmiggir ismunun iẓuran n umsasa d idammn d tiddra, ɣ yan ummak amgraw imann, d iga yat tinml tanamunt ɣ tlla twizi ɣ tayri izddign ar tsxitir afrak anamun dar ifganen s izrfan nnsn d imafllaɣn-nnsn f unamur, d gratsn, ɣ uyddaɣ ttinin imdyazn n imukrisn d iswingimn ɣ yan ummak anamun ifulkin iɣudan s timyuriwin tiqburin tizaykutn.

Aḥwac tga yat tguri da twanna i-ku anawn n urkkz anamun. Mk-nna gan-t talɣiwin d inyatn nns ɣ iffus n Lmɣrib ɣ tasgiwin n Waṭlas imẓẓiyn d itsn-t ɣ Waṭlas imqqurn d inna ɣ llan-t tiqbilin timaziɣin isawal-n s tutlayt taclḥit. Anamk-nns: amun n imzdaɣ n tmazirt ɣ yan udɣar iga s yism "Asays" nɣd "Asrir" nɣd "Asarag", afad ad ḥucn, ɣ yat tmddit taẓurant innurẓmn i-ku yan wanna iran ad idru s tguri nɣd tizlit nɣd anya.

Aḥwac tga yat trkkzt tanamunt ɣ ittdru ɣ tifri nns tarabbut n middn ur illi wattay nnsn, ilin-t ula tiwtmin, d iẓil ad gnt tifddamin macc tinna yuwln ur aɣ tdrunt macc irgazn ur gisn tlli tfada ad.

Anawn n uḥwac

Aḥwac Imintanut

Ahwac n imintanut Iga yan wanawn n ihwacn ityawssan bahra ɣ tsga n sus artithucn ifrxan d tfrxin.

Ajmak Wactukn Ayt Baha

Ajmak n Wactukn Ayt Baha iga yan uhwac lli bahra ifulkin ɣ Sus. Lant tugt n tmsmunin fkant as atig ilin rways ila ɣ tsga n ctuka yan rays ujmak itussan bahra ismas said uwzru ilin tugt zund hmad rrih d hmad udris d aɣidda d hntjja d hmad u3ddi usltana d Umɣuɣd rays libahra mqqurn bihtti

Tiwlafin

• 
  Ahouach de Tilwt
• 
  Aḥwac n Assa
• 
  Aḥwac n Tamanaret
• 
  Aḥwac n Awluz.
• 
  Aḥwac n Tafrawt.
• 
  Aḥwac n Warzazat.
• 
  Aḥwac n Mirleft.
• 
  Aḥwac n Tajelt
• 
  Aḥwac n Tiznit
• 
  Aḥwac n Agdez
• 
  Aḥwac n Ayt Baɛmran.

Izdayn n bra

• http://www.revuecygnenoir.org/numero/article/anthropo-semiologie-du-corps-dansant