Gohogo

Gohogo (五峰鄉)

Gohogo hya ga cyux maki qsahuy na Sincikeng. Gohogo qani hya ga sinnluan na sexu na Thelu, gi maki sqa Gipun hya ga Syakaru bang sun nya sraral. ru sami ka mnaki Mumuyamasung sun hya ga, rhzyal na maispazik qaniy hya. babau nya lga, mingaygut muah tmuang qu kahul kya Sqzyacing ru kahul kya Rakus. ru babau nya lga, kya qu kahul i. Slamau muah tmuang sqani la.

Rhiyan knkyan

zik cinlalu Gohogo hiya ga skura rhiyan Tayal te sobih inbyaqan wagi ki te hlhun sa Sincikusya Cukutomaci, ryax nasa ga nyux klhangang cinqlangan Nipun, tmsuqan mciriq lga p’yugun Sexu, san naha Sinciken Gohogo lalu nya la.

Gohogo hiya ga nyux skura te sobih inbyaqan wagi ki te hlhun sa Sinciken, hminas 2000 meta ski 3000 meta qa rrgyax nya, cinbcyan payat qalang Tayal, qalang Spazi, qalang mehuman, qalang Tunan ro qalang Mtoyu, ini ga Ulay son nha.

ssquliq nyux skaki kya hiya ga maki squliq Tayal ru Saysya, maki cikay hazi qa Ngayngay ru mbinah na ssquliq uzi.

Mita qsya

aring puqing qsya ski htgan bcilung qsya qani ga piyang nya ga cinbcyan lalu na llyung hiya ga maki, gong Yepakan, gong Skaru, gong mebalay, gong mekaran ro gong mehuman, skura mkhbu ni Cukuto ki llyung linahuy, krayas qalang b’nux qa hngawan kasu Sinciku ro skura htux tyaba bcilung.

Qnxan Tayal ki rakis

1.pitung kilux qu qalang Ulay

cinlalu pitung kilux qu qalang Ulay sraral hiya ga pitung mkilux nqu Inowe, ryax nqu kinlhangan Nipun hiya ga phngiyang nqa lalu nya, 1914 kawas ga snyan naha qutux knkyan pphgupan, ke na Tayal hiyan ga san naha Ulay pzitan maha, pitung htgan lkyux nqu balay ywaw nya. Gohogo hiya ga knkyan qa Ipantekina CangsyeyLyang, trang nyux binhlan qu phaw na Koka

2.Pasta’ay Saysyat

rhiyan ptyagan Pasta’ay qa Saysya hiya ptyagun naha Gohogo, baq s’agal lungan llpyung kahul ana n’inu uwah naha mangay.

3.ptyagan na Sahat Inoyi hiya ga nyux maki sqani uzi.

4.hacisyo qalang Ulay

1913 kawas ga ptlu pintriqan sa qalang Skaru hiya. 1915 kawas 6 byacing mpuw magal ryax snyan naha Inuwe kunitaro nqu lalu nya ps’uyux Hacisya tnu Inowe, galan na qes na シヤカロ－, ini kbsyaq lga Inowe hacisyo snyan nah tgiqas na lalu . 1922年4 byacing 1 ryax，pin’yugan naha Inowe hacisyo knkyan na Sahat, syan naha qutux socyo, tmsuqan mciriq lga in’yugun naha tgiqas na lalu hacisyo na qalang Ulay.

5.tuqi hkngyan Skaru

tuqi hkngyan mangay Skaru qani, Slu qu lalu nya uzi. aring Inowe ski qalang Tunan, aring giqas tuqi wahan nqu qalang Mentoyu pwah tkara tuqi, krayas gong Skaru ski quri Skaru, kya hazi 1922 kawas cyugal ryax wayal naha suqun skbalay tuqi hkngyan halan mangay llpyung.

tkbaqan

1.pinqwasan laqi cipaq

pinqwasan laqi cipaq qu qalang Spazi
pinqwasan laqi cipaq qu mehuman
pinqwasan laqi cipaq qu Ulay

2. pinqwasan laqi hopa

pinqwasan laqi hopa qu llyung Spazi

Lmosay halan mangay

klhangan Gohogo hiya ga maki rgyax Spazi, maki Koyen Syepa Koka, ptyagan na gaga Pasta’ay Saysyat, halan lmosay cisan hhlahuy, maki tuqi hkngyan,maki tgliq ….kya.

B’bu rgyax Spazi

b’bu rgyax Spazi cyux maki lingay na Gohogo, Cukuto, go na Peypu, si say maha qutux kbhul na rrgyax hiya ga nyan lpgun kbawiq na rgyax uzi.

Turuy ginlgan

Gohogo ga maki tuqi ttazil turuy, 122 linpgan nya ubuy klhangan na Taywang glgan basu hiya ga basu na Sinciken

Glagan sheluq turuy

ungat glgan kisya sheluq Gohogo qani

Cinkhulan sa knita’ sa brbiru’

五峰鄉公所