ᥘᥣᥭᥰ ᥞᥙ ᥑᥦᥐᥱ
ᥙᥨᥝ ᥟᥣᥒᥲ ᥑᥛᥰ ᥙᥝᥰ ᥛᥣᥢᥲ ᥖᥫᥒᥰ ᥔᥦᥒᥴ ᥛᥤᥰ ᥘᥧᥐ ᥓᥣᥭᥰ ᥙᥥᥢ ᥞᥫᥢᥰ,ᥛᥣᥰ ᥞᥩᥒᥳ ᥙᥤ ᥘᥩᥒᥳ ᥖᥤ ᥞᥝᥰ ᥛᥣᥢᥲ ᥘᥩᥭ ᥛᥨᥢ:
ᥘᥧᥒᥰ ᥒᥫᥢᥰ ᥜᥧᥲ ᥞᥫᥭᥰ,ᥕᥣᥙᥱ ᥓᥬ ᥛᥬᥰ ᥗᥦᥛᥴ ᥞᥩᥒᥳ ᥙᥤ ᥘᥩᥒᥳ ᥞᥬᥲ ᥟᥤᥢᥰ ᥘᥫᥒ,ᥞᥙ ᥞᥝᥰ ᥞᥫᥢᥰ ᥘᥫᥒ ᥖᥒᥰ ᥙᥣᥲ ᥟᥤᥒ ᥙᥝᥰ ᥑᥝᥴ ᥞᥫᥢᥰ ᥘᥫᥒ, ᥕᥥ ᥗᥩᥢᥰ ᥑᥩᥒᥱ ᥑᥝᥴ ᥞᥫᥢᥰ ᥘᥫᥒ,ᥕᥣ ᥕᥩᥖ ᥔᥦᥒᥴ ᥑᥝᥴ ᥞᥫᥢᥰ ᥘᥫᥒ.
ᥖᥒᥰ ᥞᥙ ᥕᥣ ᥟᥤᥱ ᥔᥦᥒᥴ,ᥒᥫᥢᥰ ᥕᥩᥖ ᥔᥦᥒᥴ ᥛᥣᥰ ᥘᥒ ᥞᥫᥢᥰ,ᥞᥙ ᥟᥥᥴ ᥝᥣᥱ ᥖᥒᥰ ᥔᥨᥝᥰ ᥙᥝᥰ ᥛᥣᥰ ᥗᥦᥛᥴ ᥑᥦᥐᥱ.
ᥘᥫᥢ ᥔᥣᥛᥴ ᥘᥭᥲ ᥔᥤᥙᥴ ᥞᥨᥐᥱ ᥝᥢᥰ ᥙᥥᥢ ᥝᥢᥰ ᥑᥦᥐᥱ,ᥞᥙ ᥞᥬᥲ ᥙᥤ ᥘᥩᥒᥳ ᥐᥧ ᥞᥫᥢᥰ ᥐᥧ ᥕᥥᥰ ᥟᥩᥢ ᥐᥢ ᥛᥣᥰ ᥖᥤ ᥞᥝᥰ ᥛᥣᥢᥲ ᥖᥫᥒᥰ ᥔᥦᥒᥴ ᥓᥝᥳ ᥓᥝᥳ ᥖᥤ ᥑᥣᥲ.