Biagio Marin

Biagio Marin (Gravo, 29 de zugno 1891 – Gravo, 24 de disenbre 1985) xe stà un poeta graisàn.

Biagio Marin

Biografia
Nasimènto	29 de zugno del 1891 Gravo (Itàlia)
Morte	24 de disenbre del 1985 (94 ani) Gravo (Itàlia)
Dati personałi
Formasion	Università degli Studi di Roma "La Sapienza" (it)
Atività
Ocupasion	poeta, profesor universitario, scritor, bibliotecàrio
(1965)  Prèmio Bagutta  Premio Feltrinelli (it)

Vita

‘L hà studiao prima a Gorisia a le scuole in lingua tedesca - soto l’Inpero d' i Asburgo -, e dopo a Pisin in Istria. In sto piriodo, Marin ‘l ha inscuminsiao a scrive poesie in tedesco.

‘Ntel 1911 ‘l se trasferise a Firense ‘ndola che ‘l entra in contato co’ i anbinti culturali più inportanti de ‘l epoca, comò al circolo de la “Voce”. ‘L ano dopo ‘l va a studià filoxofia a Viena, ‘ndola che ‘l se ferma par dò ani prima de tornà a Firense.

‘Ntel 1915 ‘l se sposa co’ Pina Marini: i varà cuatro figi, tra cui Falco che ‘l murirà durante la guera.

Durante la Prima Guera Mondial al varave de combate co’ i austriaci, ma al diserta e ‘l se aruola comò volontario ‘ntel esercito taliàn.

Dopo la guera, al se laurea in filosofia co’ Giovani Gentile a Roma, ‘ndola che ‘l insegna par do ani. Dopo, ‘l fa al profesor e al dirigente scolastico a Gorisia. De ‘l 1923 a ‘l 1937 ‘l fa ‘l diretor de la spiagìa de Gravo. Dopo, ‘l và a Trieste a insegnà e a curà la biblioteca de le Asicurasiuni Generali. Durante la Resistensa ‘l fa parte de ‘l CNL de Trieste.

‘Ntel 1963 ‘l torna a Gravo, ‘ndola che ‘l starà fin a la morte ‘ntel 1985.

Opere

La produsion de Biagio Marin la xe principalmente in dialeto graisàn.

Le principali racolte de poisie xe:

• ”Fiuri de tapo” (1912)
• "Le litànie de la Madona" (1949)
• ”I canti de l'isola” (1951 che la contien dute le poisie giovanili)
• ”Dopo la longa istae” (1951)
• "Solitàe" (1961)
• "Elegie istriane" (1963)
• "In non tempo del mare" (1965)
• "El mar de l’eterno" (1967)
• "I canti de l’isola" (1970) che la contien dute le poisie publicae fin ‘l 1969
• "La vita xe fiama" (1972)
• "A sol calao" (1974)
• ”Pan de pura farina” (1976)
• "El critoleo del corpo fracasao" (1976, dedicagìa a Pasolini)
• ”Stele cagiúe” (1977)
• "In memoria" (1978)
• "Inte el silenzio più teso" (1980)
• "Poesie" (1981)
• "La vose de la sera" (1985)

Marin ‘l hà scrito anche par taliàn (“Acquamarina” ‘ntel 1973).

‘L valor de la produsion leteraria de Marin ‘l xe stao ricogniusuo dei ani Setanta de ‘nteletuali de livelo nasional comò Claudio Magris, Pier Paolo Pasolini e Carlo Bo.

Altri progeti

Altri progetti

• Wikisource
• Wikimedia Commons

• Wikisource el detien na voxe dedegada a Biagio Marin
• Wikimedia Commons el detien imàjini o altri file so Biagio Marin
• el detien schemi gràfeghi so

Colegaminti esterni

• Studi mariniani