悲劇

悲劇（粵拼：bei1 kek6；英文：tragedy）係一種戲劇，喺日常用語入邊泛指內容好悲慘嘅戲劇，包括病、死同其他唔開心嘅慘事，降臨喺主角身上。喺西洋嘅戲劇傳統裡邊，悲劇嘅典型格局係講主角為人性格上有唔少優點，但係就有某一樣大缺憾（悲劇缺憾），佢嘅呢個缺憾誘使佢做出一個錯誤嘅決定，而呢個決定令佢最後永不翻身。

相反題材就叫喜劇。

基本定義

睇埋：喜劇

文學例子

例如莎士比亞嘅《馬克白》同埋《王子復仇記》就係舉世聞名嘅悲劇。

《馬克白》係一齣幾典型嘅悲劇：主角馬克白原本係一位好受敬重嘅將軍（有唔少優點），但係佢個人太有野心（悲劇缺憾），呢個缺憾令佢走去暗殺國王（錯誤嘅決定），跟住隨之而起嘅一連串事件搞到佢悲劇收場。於是成個故仔就道出「人太有野心會招致悲慘下場」噉嘅主題。

亦可以睇吓童話故事《人魚公主》。