李建復
| 李建復 | |
|---|---|
| 男歌手 | |
| 英文名 | Li Jian Fu |
| 國籍 |  中華民國 |
| 出世 | 1959年10月24號 臺灣台北市 |
| 職業 | 創業家、歌手 |
| 語言 | 國語、台語 |
| 教育程度 | 美國匹茲堡大學企業管理碩士 淡江大學國際貿易學系 光仁中學 |
| 配偶 | 譚榮萱 |
| 仔女 | 李友珊 |
| 父母 | 李模、許婉清 |
| 代表作品 | 龍的傳人（1978年）、轉眼一瞬間（2013年） |
李建復（1959年10月24號—）係臺灣校園民歌歌手、企業家。現任中華音樂人交流協會會長。
生平
[編輯]1978年2月12號，李建復參加中視《六燈獎》嘅歌唱項目，共衛冕兩次，未獲得最高榮譽「三段優勝」。[1][2]
李建復高中時就讀光仁中學，大學就讀淡江大學，1978年參加第二屆金韻獎獲選優勝，翌年以《金韻獎3》合輯中收錄嘅單曲《歸》成為出道曲。另外如《歸去來兮》、《忘川》等曲都相當著名，而《龍的傳人》就成為令佢聲名大噪嘅代表作。
1980年李建復同蔡琴、蘇來、李壽全、許乃勝、靳鐵章等人共同發起天水樂集，後因1981年李建復服兵役而離開樂界。李建復喺軍中原先係陸軍步兵學校軍官，後來被國防部總政治作戰部拉去藝工隊，但同老婆譚榮萱都係喺藝工隊相識。
1984年李建復前往美國匹茲堡大學就讀商學院研究所，出國前喺資策會寫過COBOL程式設計，MBA畢業後直接去安德森顧問公司就職，之後返台灣喺台北之音做主持五年。1996年姜豐年邀請李建復到新浪。1996年4月27號，真相新聞網宣布，李建復將由嗰年5月1號起就任真相新聞網新聞節目《18新聞動心時間》主播。[3]
1998年，楊致遠邀請李建復到雅虎任職，後李建復轉任雅虎臺灣總經理並升任雅虎北亞區企業服務副總裁。2003年，李建復自雅虎辭職，目前喺上海擔任聲朗信息科技執行董事，經營創辦愛播聽書Pro有聲書APP。
2012年7月4號，李建復喺Legacy Taipei舉辦首場個人演唱會，表姪王力宏神秘現身同佢合唱〈唯一〉[4]。2013年12月，李建復發行新專輯《轉眼一瞬間》。
2015年，李建復擔任「民歌40」演唱會嘅召集人。2015年6月1號，李建復接受中時電子報〈民歌40 聽李建復〉系列專訪。2016年，李建復擔任兩岸合拍紀錄片《兩岸文化大探索》旁白。
音樂作品
[編輯]合輯收錄單曲
[編輯]- 《歸》（金韻獎3）
- 《老歌手》（金韻獎7）
- 《旅星》（金韻獎7）
專輯
[編輯]- 《龍的傳人》（1980）
- 《柴拉可汗》（1981，天水樂集作品）
- 《蔡琴、李建復聯合專輯》（1981，天水樂集作品）
- 《夸父追日》（1984）
- 《旅夢系列之一：牧歌》（1995）
- 《轉眼一瞬間》（2013）
家族
[編輯]- 阿爸李模（1922-2000），台灣知名律師，曾任蔣經國政府時代教育部政務次長、經濟部政務次長，李登輝政府時期郝柏村内閣政務委員。阿媽許婉清，係台灣「務實法律事務所」主持律師。
- 舅父許倬雲係歷史學家、中央研究院院士。
- 臺灣著名歌手王力宏係佢表姪。
攷
[編輯]- ↑ 王幼珠 文，〈六燈獎 造就了多少人才？〉，《中視周刊》第584期（1980年12月28日出版）第28頁。
- ↑ 吳玲玲，〈六燈獎 造就了多少「明星」〉，《掃描綫周刊》第18期（中視文化公司1986年5月4日出版）第18至19頁。
- ↑ 魏永齡，〈加入真相行列 李建復當起新聞主播〉，《中央日報》1996年4月28日第23版。
- ↑ 王筱君 (2012-07-06)。〈出道30年 李建復個唱 王力宏唯一助陣〉。聯合報。頁 C1。｢歌手李建復出道30年，首場個唱前晚在Legacy登場，表姪王力宏神祕現身，兩人合唱〈唯一〉。｣
{{cite news}}:|access-date=requires|url=(help)