Gaan na inhoud

Aishwarya Rai

in Wikipedia, die vrye ensiklopedie
Aishwarya Rai Bachchan
Aishwarya Rai Bachchan
Aishwarya in 2011
Geboortenaam Aishwarya Rai
Alias Ash, Aishu, Gullu
Geboorte 1 November 1973 (1973-11-01) (51 jaar oud)
Mangalore, Karnataka, Indië
Nasionaliteit Vlag van Indië Indië
Ouers Krishnaraj en Vrinda Rai
Beroep(e) Aktrise, model, filmvervaardiger
Toekennings Padma Shri
Ordre des Arts et des Lettres
Internet-rolprentdatabasis-profiel

Aishwarya Rai Bachchan (Tulu: ಐಶ್ವರ್ಯಾ ರೈ, gebore 1 November 1973 in Mangalore, Karnataka)[1] is 'n Indiese model en aktrise. In 2009 is sy deur Indiese regering met die Padma Shri bekroon, wat die vierde hoogste burgerlike toekenning in Indië is. In 2012 het Rai die Ordre des Arts et des Lettres, 'n toekenning van die regering van Frankryk, ontvang. Sy is deur baie mense as "een van die mooiste vroue op aarde" beskryf.[2][3][4][5][6]

Lewensloop

[wysig | wysig bron]
Aishwarya Rai saam met aktrise Madhuri Dixit, wie ook 'n belangrike rol in die film Devdas vertolk het.

Aishwarya Rai is in 'n Tulu-sprekende Bunt-familie in Mangalore gebore. Sy het die byname 'Ash', 'Aishu' en vir haar familie, 'Gullu'. Sy het 'n broer, Aditya Rai, wat 3 jaar ouer as sy is. Sy is op Donderdag, 19 April 2007 met Abhishek Bachchan in Moembaai getroud. Op 16 November 2011 is haar dogtertjie gebore.[7] Voordat sy 'n aktrise geword het, was sy 'n student in argitektuur en 'n model. Sy praat baie tale: Engels, Hindi, Urdu, Kannada, Tamil, en Marathi; Haar moedertaal is Tulu, wat deur sowat twee miljoen mense gepraat word.

In 1994 is sy met die titel van Miss World bekroon. As gevolg van haar Miss World-titel is sy gevra om rolle in verskeie Indiese films te speel, en sy het in die laat 1990's 'n paar rolle in verskeie Bollywood-produksies vertolk. Hierdie kommersiële films, wat in die studio's van Moembaai geproduseer is, bevat baie kleur, skouspel, dans en musiek. Aishwarya het haar loopbaan as 'n aktrise en danser in die kollig van die filmbedryf uitgebrei.

Voordat Aishwarya internasionale erkenning ontvang het, het sy rolle in ongeveer dertig Indiese films vertolk. Haar eerste groot Amerikaanse produksie was Bride and Prejudice: The Bollywood Musical (2004). Aishwarya, saam met mede-akteur Martin Henderson het 'n ontmoetingspunt tussen die Amerikaanse Hollywood en Indiese Bollywood gevind. Daarbenewens het sy rolle in verskillende Engelstalige films gespeel, soos Mistress of Spices (2005), Provoked (2007), A true Story (2006), The Last Legion met Colin Firth en Ben Kingsley, en Pink Panther 2 met Steve Martin.

In 2002 het sy 'n lid van die jurie van die Cannes Film Festival geword. Aishwarya is die eerste Indiese aktrise wat hierdie lidmaatskap ontvang het. Sy het ook haar film Devdas by die filmfees geadverteer.

Sy is, saam met aktrises soos Penélope Cruz, Andie MacDowell, Gong Li, Catherine Deneuve en die model Doutzen Kroes, 'n lid van die L'Oréal Dreamteam. Sy is ook jare lank die internasionale gesig van Longines.

Aishwarya is in TIME magazine se lys van die 100 mees invloedryke mense op aarde aangewys.

Filmografie

[wysig | wysig bron]
  • 1997: Iruvar
  • 1997: …Aur Pyar Ho Gaya
  • 1998: Jeans
  • 1999: Aa Ab Laut Chalen
  • 1999: Hum Dil De Chuke Sanam
  • 1999: Taal
  • 1999: Ravoyi Chandamama
  • 2000: Sanam Tere Hain Hum
  • 2000: Mela
  • 2000: Kandukondain Kandukondain
  • 2000: (Josh)
  • 2000: Hamara Dil Aapke Paas Hai
  • 2000: Dhaai Akshar Prem Ke
  • 2000: Mohabbatein
  • 2001: Albela
  • 2002: Devdas
  • 2002: Hum Tumhare Hain Sanam)
  • 2002: Hum Kisise Kum Nahin
  • 2002: 23rd March 1931: Shaheed
  • 2002: Shakti – The Power
  • 2003: Dil Ka Rishta
  • 2003: Kuch Naa Kaho
  • 2003: Chokher Bali
  • 2004: Khakee
  • 2004: Kyun! Ho Gaya Na…
  • 2004: Bride and Prejudice
  • 2004: Raincoat
  • 2005: Shabd
  • 2005: Bunty Aur Babli
  • 2005: The Mistress of Spices
  • 2006: Provoked: A True Story
  • 2006: Umrao Jaan
  • 2006: Dhoom – Back in Action (Dhoom 2)
  • 2007: Journey Across India
  • 2007: The Last Legion
  • 2007: Guru
  • 2008: Jodhaa Akbar
  • 2008: Sarkar Raj
  • 2009: The Pink Panther 2
  • 2010: Action Replayy
  • 2010: Raavanan
  • 2010: Enthiran
  • 2010: Guzaarish
  • 2015: Jazbaa

Verwysings

[wysig | wysig bron]
  1. ↑ http://indianexpress.com/article/entertainment/bollywood/aishwarya-rai-bachchcan-42nd-birthday-husband-abhishek-daughter-aaradhya/
  2. ↑ Simon Robinson (15 Augustus 2007). "India's Influentials". Time (in Engels). Geargiveer vanaf die oorspronklike op 28 Augustus 2013. Besoek op 18 Desember 2015.
  3. ↑ "NDTV awards: Amitabh, SRK, Ash icons of Indian entertainment". NDTV. Geargiveer vanaf die oorspronklike op 20 Januarie 2012. Besoek op 25 Februarie 2010.
  4. ↑ "The World's Most Beautiful Woman?" Geargiveer 29 Oktober 2013 op Wayback Machinecbsnews.com. Retrieved on 27 Oktober 2007
  5. ↑ Hiscock, Geoff (2007). India's global wealth club. John Wiley and Sons. p. 6. ISBN 0-470-82238-4.
  6. ↑ Chhabra, Aseem (9 Februarie 2005). "Ash does fine on Letterman" (in Engels). Rediff. Geargiveer vanaf die oorspronklike op 8 September 2019. Besoek op 9 Mei 2009.
  7. ↑ http://timesofindia.indiatimes.com/city/mumbai/Aishwarya-Rai-gives-birth-to-baby-girl/articleshow/10762399.cms

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Aishwarya_Rai&oldid=2578817"