Mariinski-paleis

Die Blou Brug oor die Moika-rivier net voor die Mariinski-paleis.

Die Mariinski-paleis (Russies: Мариинский дворец; Mariinski dworets) is die laaste Nieu-klassieke keiserlike paleis wat in Sint Petersburg, Rusland, gebou is. Dit is suid van die Sint Isak-plein, oorkant die Blou Brug oor die Moika-rivier, geleë.

Die paleis is tussen 1839 en 1844 laat bou volgens ’n ontwerp van Andrei Stackensneider. Dit was ’n geskenk van tsaar Nikolaas I vir sy dogter Maria met haar troue. Elke hoofkamer is in ’n ander styl ontwerp.

Sedert 1917 was dit die setel van die Staatsraad van die Russiese Ryk en die Sowjet van Ministers. Ná die Russiese Rewolusie het dit verskeie departemente en akademies gehuisves. Tydens die Tweede Wêreldoorlog was dit ’n hospitaal en is dit erg deur bomme beskadig.

Ná die oorlog het dit die setel van die Leningrad-sowjet geword, wat in 1994 vervang is deur die Sint Petersburgse Wetgewende Raad.

Verwysings

Hierdie artikel is merendeels vertaal vanaf die Engelse Wikipedia-artikel en:Mariinsky Palace

• Beljakowa, Z.I. Mariinski dworets. Sint Petersburg, 1996.
• Petrof, G.F. Dworets oe Sinewo mosta: Mariinski dworets w Sankt-Peterboerge. Sint Petersburg, 2001.