Dropische Wirbelsturm

Dr dropisch Wirbelsturm Epsilon über em Atlantik am 3. Dezämber 2005

D Baane vo de dropische Wirbelstürm vo 1985 bis 2005

E dropische Wirbelsturm isch e Diefdrucksüsteem mit ere organisierte Konwekzioon, schwere Gwitter und ere zuenige Bodewindzirkulazion um s Zentrum ume. Dropischi Wirbelstürm entstöön mäistens nume in de Drope oder Subdrope. Wäge dr Coriolischraft dräije si sich zyklonal. Das häisst, uf dr Südhalbchuugele dräije sich dropischi Wirbelstürm im Uurzäigersinn und uf dr Nordhalbchuugele gegen e Uurzäigersinn. Die Rotazion isch au d Ursach vo de tüpische Wulkebänder, wo in dr Form von ere Spirale aagordnet si. D Windgschwindikäit vom ene dropische Wirbelsturm cha über 300 km/h erräiche. D Fortbewegigsgschwindikäit vom Diefdrucksüsteem isch aber nume 15–30 km/h.

Dropischi Wirbelstürm chönne e Durchmässer vo hunderte vo Kilometer ha. Si bestöön über em Meer mäistens e baar Dääg bis zwäi Wuche. Wenn si uf Land dräffe, chönne si uf duusige vo Kwadratkilometer groosse wirtschaftlige Schaade aarichde.

Weblingg

 Commons: Dropische Wirbelsturm – Sammlig vo Multimediadateie

Beobachdigsdienst uf dr ganze Wält:

• National Hurricane Center / Tropical Prediction Center
• Tropical Products - SSD / NOAA
• Tropical Storm Risk - University College London
• Tropical Cyclones - CIMSS - UW-Madison / NASA / NOAA

Interessanti Lingg:

• Hurrikan- und Taifun-Seite - Thomas Sävert - Naturgewalten
• Hurrikan und Tornado Expeditionen
• österr. Wetterdienst ZAMG - Wirbelstürme

Dä Artikel basiert uff ere fräie Übersetzig vum Artikel „Tropischer_Wirbelsturm“ vu de dütsche Wikipedia. E Liste vu de Autore un Versione isch do z finde.