بوشويكة
بوشويكة
| ||
| ||
| معلومات عامة | ||
| نوع | مرض فيروسي، عدوى الجلد، عدوى بفيروس جدري الماء النطاقي، Herpesviridae infectious disease و مرض | |
| سباب | بوشويكة-زونا | |
بوشويكة (ب لفرانساوية varicelle، ب لعربية جذري الماء) هيا واحد لمرضة جلدية وعصبية كايتسبب فيها ڤيروس سميتو بوشويكة-زونا نقدرو نختاصروه ب VZV (بلفرونصي :Varicelle-Zona) ، الخطورة ديالها كاتختالف على حسب لحالة ديال بنادم، واش ماعندوش لمناعة، واش دري صغير ؤلا شارف ؤلا مرا حاملة.[1] تقدر تكون قاتلة بالنسبة ل شيواحد بالغ ماعندوش لمناعة، لمرا لحاملة ؤلا دري يالاه تزاد.
لڤيروس بوشويكا-زونا "VZV" ماعندوش شي ريزيرڤوار آخور من غير بنادم، يعني كايضرب غير بنادم ؤ ماكايضربش لكائنات لخرا، هاد لڤيروس معدي بزاف ؤ كايدوز ب الهوا (ب الشمان ديال لقطرات د الدفال د لمريض) ولاكن يقدر يدوز من لمرا لحاملة للجنين ديالها ؤ كايضرب خاصةً الدراري الصغار.
هاد لمرضة كاتكون بلا أعراض لمدة تقريبا د سيمانة (تقدر توصل حتال تلاتة دسيمانات) ؤ كاتبان على شكل سخانة ؤ شي طفحات جلدية غوزية على شكل بواقات كاتبان ف لجسم كاملو اللي من بعد كاتطور ؤ كاتعطينا جروحة مقشرين عامرين ب الݣيح هاد لحالة كانسميوها بوشويكة، إلا داز لڤيروس لشي ولسيسة عصبية حسية كايعطينا طفحات ملوكاليزيا ف لمناطق الحسية اللي كايعصبها هاد العصب هاد لحالة كاتسما الزونا.
غالبا هاد لمرضة كاتشافا غير بوحدها مورا سيمانة ؤلا جوج يلا كان بنادم عندو مناعة قوية، سينو تقدر تعقّد ل زونا د لعينين، ؤلا خماج خطير ديال الرية يلا كان بالغ و تصاب بلڤيروس.
|
تقدر تزيد شوف بزاف د تّصاور و لمعلومات ديال Chickenpox ف ويكيميديا كومنز. |
- ^ "Chickenpox (Varicella)". مأرشيڤي من لأصل ف 2023-06-09. تطّالع عليه ب تاريخ 2023-03-16.
 هادي زريعة ديال مقالة خاصها تّوسع. تقدر تشارك ف لكتبة ديالها. |