Día del Solteru
El Día del Solteru o Guanggun Jie (chinu simplificáu: 光棍节, pinyin: Guānggùn Jié) ye una festividá conmemorada en China pa celebrar l'arguyu de ser solteru. Celébrase'l 11 de payares de cada añu, y la fecha (11/11) foi escoyida pol fechu de que'l númberu 1 representa a una persona sola. Apocayá, la fiesta convirtióse n'unu de los principales díes de comerciu en llinia nel mundu.
La festividá tien el so orixe na Universidá de Nankín[1] en 1993, primeramente solamente ente los homes, siendo un eventu popular n'universidaes chines mientres la década de 1990. La fecha sirve pa la socialización ente solteros, cuntando con eventos como cites a palpu por que les persones abandonen la vida de solteru. En 2011 celebróse'l llamáu "Día de los Solteros del Sieglu" (11/11/11) con delles actividaes de promoción en rellación al eventu, empuestes principalmente a atraer mozos consumidores.
El 28 d'avientu de 2012 Alibaba Group rexistró'l términu 双十一 (doble 11), siendo unu de les principales portales de ventes en llinia xunto coles sos otres webs Tmall y Taobao. En 2013 les ventes llegaron a 5800 millones de dólares d'Estaos Xuníos, en 2014 a 9300 millones y a 14300 millones en 2015.
Ver tamién
[editar | editar la fonte]Referencies
[editar | editar la fonte]- ↑ «Día del solteru: China celebra la so añal oda al consumismu de la mano de Alibaba». El País. 11 de payares de 2017. https://elpais.com/economia/2017/11/10/actualidad/1510327907_655906.html. Consultáu'l 12 de payares de 2017.
| Control d'autoridaes |
|
|---|
Datos: Q4158493
Multimedia: Singles' day