Eileen Heckart

Eileen Heckart
Vida
Nacimientu	Columbus, 29 de marzu de 1919
Nacionalidá	Estaos Xuníos
Muerte	Norwalk, 31 d'avientu de 2001 (82 años)
Causa de la muerte	cáncanu de pulmón
Estudios
Estudios	Universidá Estatal d'Ohio ; Bexley High School (en) ; Universidá d'Ohio ; HB Studio (es)
Oficiu	actriz de teatru, actriz de cine, actriz de televisión, actriz
Premios	ver Premios Primetime Emmy ; Premio Liga Dramática ; Estrella del Paséu de la Fama de Hollywood ; Donaldson Awards ; Theatre World Award (1953) ; Óscar a la meyor actriz de repartu (1971) : Butterflies Are Free; Primetime Emmy a la mejor actriz invitada - Serie de comedia (1994) : Love & War (en) ; Lucille Lortel Award for Outstanding Lead Actress (2000) ;
Nominaciones	ver Óscar a la meyor actriz de repartu ; (18 febreru 1957): The Bad Seed; Premiu Tony a la meyor actriz de repartu nuna obra de teatru ; (1958); Premiu Tony a la meyor actriz de repartu nuna obra de teatru ; (1961); Premiu Tony a la meyor actriz de repartu nuna obra de teatru ; (1970); Óscar a la meyor actriz de repartu ; (12 febreru 1973): Butterflies Are Free;
IMDb	nm0373012

Eileen Heckart (29 de marzu de 1919, Columbus – 31 d'avientu de 2001, Norwalk) foi una actriz de teatru, cine y televisión d'Estaos Xuníos.

Primeros años

Heckart nació en Columbus, Ohio, como Anna Eileen Heckart,^[4] fía d'Esther y Leo Herbert. Foi adoptada llegalmente pol so güelu, J. W. Heckart.^[5] La so familia yera d'ascendencia irlandesa y alemana. Graduóse na Universidá Estatal d'Ohio, con un B.A. en drama.

Carrera

Heckart empezó la so carrera en Broadway en 1943 como asistente del direutor d'escena y suplente en The Voice of the Turtle. Los sos munchos creitos inclúin Picnic, The Bad Seed , A View from the Bridge, A Memory of Two Mondays,The Dark at the Top of the Stairs, A Family Affair, Barefoot in the Park, Butterflies Are Free y You Know I Can't Hear You When the Water's Running. Los sos premios inclúin el Tony Honoríficu a la Excelencia en Teatru, el Drama Desk Award del 2000 a la Meyor Actriz nuna Obra por The Waverley Gallery, y en 1953 el Theatre World Award por Picnic. Les sos nominaciones inclúin un Drama Desk Award en 1996 por Northeast Local y al Tony por Butterflies Are Free, Invitation to a March y The Dark at the Top of the Stairs.

Heckart ganó'l Óscar a la meyor actriz de repartu pol so trabayu na adautación cinematográfica de 1972 de Butterflies Are Free y foi nomada en 1956 pola so interpretación de la desconsolada y atochecida señora Daigle en The Bad Seed. Ella tamién apaeció como una viuda de la Guerra de Vietnam en Heartbreak Ridge (El Sarxentu de Fierro) con Clint Eastwood.

Ella apaeció na película de terror ganador del Premiu Saturn Burnt Offerings en 1976 xunto a la so vieya amiga Bette Davis (anque nun compartíen nenguna escena).

Heckart yera conocida pa les audiencies de televisión con papeles estelares en The 5 Mrs. Buchanans, Annie McGuire, Out of the Blue, Trauma Center, Partners in Crime, Backstairs at the White House (como Eleanor Roosevelt), y como artista convidada en The Fugitive, con David Janssen nel añu de 1967 nel capítulu The Breaking of the Habit como la hermana Verónica onde interpreta a una monxa. The Mary Tyler Moore Show (como la periodista Flo Meredith, un papel que lu llevó a una apaición especial nel spin-off de MTM Lou Grant), Rhoda , Murder One, Hawaii Five-O, Cybill , The Cosby Show, y munchos otros programes. Apaeció nel episodiu de 1963 "There Should Be an Outfit Called 'Families Anonymous!'", del drama médicu de la NBC The Eleventh Hour.

Interpretó a la cacipladora madre de Diane Keaton na comedia de 1996 The First Wives Club.

Vida personal

Heckart tuvo casada con John Harrison Yankee Jr. dende 1942 hasta la so muerte en 1997. El so fíu Luke Yankee ye l'autor de Just Outside the Spotlight: Growing Up with Eileen Heckart (ISBN 0-8230-7888-4), publicáu por Back Stage Books en 2006.

El 31 d'avientu de 2001, en plenes festividaes de fin d'añu, Heckart morrió de cáncer de pulmón na so casa en Norwalk, Connecticut, a la edá de 82 años. Tamién viviera en Stamford, Connecticut.^[6] Sobrevíven-y trés fíos y dos mediohermanes.

Filmografía

Películes
Añu	Títulu	Papel	Notes
1956	Miracle in the Rain	Grace Ullman
1956	Somebody Up There Likes Me	Ma Barbella
1956	Bus Stop
1956	The Bad Seed	Hortense Daigle	Globu d'Oru a la meyor actriz de repartu Nomada al Óscar a la meyor actriz de repartu
1958	Hot Spell
1960	Heller in Pink Tights	Sra. Lorna Hathaway
1967	Up the Down Staircase	Henrietta Pastorfield
1968	No Way to Treat a Lady	Sra. Brummel
1969	The Tree	Sally Dunning
1972	Butterflies Are Free	Sra. Baker	Óscar a la meyor actriz de repartu
1974	Zandy's Bride	Ma Allan
1975	The Hiding Place	Katje
1976	Burnt Offerings	Roz Allardyce
1986	Seize the Day	Muyer en Funeral #1
1986	Heartbreak Ridge	Little Mary Jackson
1994	The 5 Mrs. Buchanans	Emma Buchanan
1996	The First Wives Club	Catherine MacDuggan	National Board of Review Award al Meyor Repartu

Referencies

↑ ^1,0 ^1,1 Afirmao en: autoridaes BNF. Identificador BnF: 14052776d. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
↑ «Theatre World Award Recipients». Theatre World Award.
↑ URL de la referencia: https://lortelaward.com/lead-actress/. Data de consulta: 3 mayu 2024.
↑ Pogrebin, Robin (2 de xineru de 2002). «Eileen Heckart, Oscar-Winning Actress, Is Dead at 82». The New York Times. http://query.nytimes.com/gst/fullpage.html?res=9A0CE2DD1230F931A35752C0A9649C8B63. Consultáu'l 1 de mayu de 2010.
↑ http://www.filmreference.com/film/21/Eileen-Heckart.html
↑ Costagregni, Susie. "Direutor grabs a coffee before daughter's wedding." "The Dish with Susie" in The Advocate. Page A2. June 24, 2006

Enllaces esternos

Eileen Heckart na Internet Movie Database (n'inglés)
Eileen Heckart na Internet Broadway Database (n'inglés)
Eileen Heckart n'Internet Off-Broadway Database (inglés)
«Eileen Heckart». en Find a Grave. (n'inglés)
Classic Images (enllaz rotu disponible n'Internet Archive; ver l'historial y la última versión).

[233d6c293a1f1d119b202a37d151bbf5814a8578-1] 1,0 ^1,1 Afirmao en: autoridaes BNF. Identificador BnF: 14052776d. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[614576b1d2679733046ebc6a51418ca5bc282e4d-2] «Theatre World Award Recipients». Theatre World Award.

[09f5fd5f59764a56bc869ac2e64a1793ccaf1a65-3] URL de la referencia: https://lortelaward.com/lead-actress/. Data de consulta: 3 mayu 2024.

[4] Pogrebin, Robin (2 de xineru de 2002). «Eileen Heckart, Oscar-Winning Actress, Is Dead at 82». The New York Times. http://query.nytimes.com/gst/fullpage.html?res=9A0CE2DD1230F931A35752C0A9649C8B63. Consultáu'l 1 de mayu de 2010.

[5] ttps://www.filmreference.com/film/21/Eileen-Heckart.html

[6] Costagregni, Susie. "Direutor grabs a coffee before daughter's wedding." "The Dish with Susie" in The Advocate. Page A2. June 24, 2006

[1]

[2]

[3]

[4]

[5]

[6]