Tony Cox
Tony Cox | |
|---|---|
| Vida | |
| Nacimientu |
Uniontown (es)  , 31 de marzu de 1958[1] (66 años) |
| Nacionalidá |
 Estaos Xuníos |
| Estudios | |
| Llingües falaes | inglés[2] |
| Oficiu | actor de televisión, actor de cine, actor |
| IMDb | nm0185272 |
 | |
Joseph Anthony «Tony» Cox (31 de marzu de 1958, Uniontown (es) ) ye un actor d'Estaos Xuníos, conocíu poles sos interpretaciones nes películes Bad Santa, Me, Myself & Irene, Date Movie, Epic Movie y Disaster Movie, onde siempres tien un papel humorísticu. Amás, protagonizó'l papel d'Ework na película Star Wars: Episode VI - Return of the Jedi. Coles mesmes, Cox tamién apaeció nel videu musical «Just Lose It» d'Eminem.
Primeros años
[editar | editar la fonte]Josep Anthony Cox nació en Nueva York, Estaos Xuníos el 31 de marzu de 1958, careciendo dende entós nanismu. Magar esto, pasó la so infancia n'Uniontown, Alabama, cola so güela y el so güelu, Lottie y Henry Jones, dempués del divorciu de los sos padres. Tres esto, Cox asistió a la escuela secundaria, onde conoció a Otelia, con quien se casó con ventitrés años. Dempués de graduase na escuela secundaria, Cox asistió a la Universidá d'Alabama y tenía previstu estudiar música. Al respective de esto, Cox dixo: «Decidí pol mio oyíu. Yera esautamente como en Drumline. Intenté escuchar el soníu de los tamboriteros de la escuela, pero nesi momentu entendí que yo nun entendía la música».
Carrera
[editar | editar la fonte]Pocu dempués, Cox decidió dedicase a l'actuación al conocer a Billy Barty, un actor y tamién fundador de la organización Little Peole of America. Sofitáu polos sos familiares y amigos, treslladóse a Los Angeles con dieciocho años y empezó a tomar clases d'actuación nuna escuela d'interpretación y, darréu empezó a trabayar en comerciales. Darréu a esto, Tony fíxose más conocíu pol so papel de Marcus en Bad Santa y d'Indiana Jones en Disaster Movie.
Referencies
[editar | editar la fonte]- ↑ Afirmao en: Gemeinsame Normdatei. Data de consulta: 3 mayu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: idRef. Identificador de referencia de idRef SUDOC: 11019859X. Data de consulta: 23 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
Enllaces esternos
[editar | editar la fonte]- Tony Cox na Internet Movie Database (n'inglés)
- Tony Cox n'AllMovie (n'inglés)
