D' Wikipedia is a Projekt firn Aufbau vo ana frein Enzyklopädie, in mehr wia 250 Sprochn. Ois wos d' schreibst derf frei kopiert und weidageem wern. Da Åfång is gånz aafoch! De Version is in da Boarischn Sproch gschriem. Des bedeitt, dass bei dem Projekt olle midmochn kenna, de an Dialekt vo dera Sproch behearschn. Unsa Enzyklopädie woggst durch d' freiwillige Hüif vo olle, de wo wos in eanara Mundort beitrong woin. Jeda Eitrog kå vo olle Bsuacha gschriem und gändat wern. A jeda is herzlich eiglon midzmochn. Bringts aicha Wissn ei und höifts so mid 's Boarische z' pfleeng, aufzwertn und z' dahoidn. Wånn 's as Boarische schreibts, kennts aich noch d' Regln vo da Boarischn Umschrift orientiern. Es kennts owa aa a Dialektumschrift hernehma, de aich zuasogt; des haasst: „a jeda soid a so schreim wiara mog“.
.svg){kind=small}
