Viktor Yushchenko
| Viktor Yushchenko Віктор Ющенко | |
|---|---|
| |
| Yushchenko in 2008 | |
| Ika-3 President of Ukraine | |
| Termino 23 Enero 2005 – 25 Pebrero 2010 | |
| Prime Minister | |
| Suminunod ki | Leonid Kuchma |
| Sinundan ni | Viktor Yanukovych |
| Ika-7 Primer Ministro nin Ukranya | |
| Termino 22 Desyembre 1999 – 29 Mayo 2001 Cabinet Yushchenko Government | |
| President | Leonid Kuchma |
| Deputy | Yuriy Yekhanurov |
| Suminunod ki | Valeriy Pustovoitenko |
| Sinundan ni | Anatoliy Kinakh |
| Governor of the National Bank of Ukraine | |
| Termino Enero 1993 – 22 Desyembre 1999 | |
| Suminunod ki | Vadym Hetman |
| Sinundan ni | Volodymyr Stelmakh |
| People's Deputy of Ukraine | |
| Termino 14 Mayo 2002 – 23 Enero 2005 | |
| Constituency | Independyente, No. 1 |
| Personal na mga detalye | |
| Kamundagan | 23 Pebrero 1954 Khoruzhivka, Sumy Oblast, Ukrainian SSR, Unyon Sobyet |
| Partido politikal |
|
| Iba pang partido | Partido Komunista nin Ukranya (1980–1991) Independent (1991–2002, 2004–2005) |
| Agom |
|
| Mga aki | Vitalina Yushchenko, Andriy Yushchenko, Sophia, Khrystyna, Taras |
| Alma mater | |
| Lagda | 
|
| Websityo | www |
| Military service | |
| Allegiance | Unyon Sobyet |
| Serbisyo/sangay | Border Guard unit of KGB |
| Mga taon kan serbisyo | 1975–1976 |
| Ranggo | Kapitan |
Si Viktor Andriyovych Yushchenko (Ukrainian: Віктор Андрійович Ющенко, IPA: [ˈwiktor ɐnˈd⁽ʲ⁾r⁽ʲ⁾ijowɪtʃ ˈjuʃtʃenko] (
dangogon); namundag 23 Pebrero 1954) sarong Ukranyanong politiko na iyo an nagin ikatolong presidente onin Ukranya poon 23 Enero 2005 sundo 25 Pebrero 2010. Siya nagtuyong makarani an Ukranya sa Solnopan, pasiring Unyon Europeo, asin NATO.
Bago kan saiyang eleksyon bilang presidente, si Yushchenko igwang karera na sa politika sa Ukranaya. Kan 1993, siya nagin gobernador kan National Bank of Ukraine. Poon 1999 sundo 2001 siya an primer ministro sa administrasyon ni Presidente Leonid Kuchma. Kan siya pinahale sa pwesto, si Yushchenko nagin oposisyonista kontra ki Presidente Kuchma asin tinugdas an Our Ukraine Bloc, na iyo an nagin popular na gayong partido kan 2002 eleksyon parlamentaryo.
Bilang sarong impormal na lider kan koalisyon nin mga Ukrayanyanong oposisyon, siya an saro sa duwang kandidato sa 2004 Ukranyanong eleksyon presidensyal, an saro pa iyo an Primer Ministro na si Viktor Yanukovych. Durante kan karampanyahan sa eleksyon kan 2004, si Yushchenko nagin biktima nin pagngata' nin asasinasyon saiya paagi kan paghilo saiya nin dioxin. Siya nagsapo nin pagkatiwi sa lalawgon resulta kan paghilo saiya alagad nakabalik man sa normal giraray. An runoff election kan Nobyembre 2004, na ginana ni Yanukovych, nalahidan nin mahiwas na akusasyon nin eleksyon na pagdadaya, na nagsabrit kan inapod na Orange Revolution asin an pagboot kan Ukranyanong Korte Suprema na liwaton pagbilang kan boto. Si Yushchenko ginana an bagong pagbilang, 52% sa 44% sa kalaban
An impluwensya ni Yushchenko nagbaba pakatukaw niya sa pwesto ta grabe an diringkilan sa gobyerno niya asin pati saiyang mga kakampi nagin na niyang kaiwal orog na an saiyang primer ministro na si Yulia Tymoshenko, asin ta an saiyang tindog sa publiko pati na saiyang partido nawa'ran nin popularidad sa botante. Mala ta kan reeleksyon 2010, nadaog siya ni Yakunovych, na siya nagkaporet, ikalima sa hurihan. Si Yushchenko pinamayohan naman an Our Ukraine sa 2012 na parlamentaryong eleksyon, alagad dai nakua an bastanteng boto asin daing ginanang representasyon.
