Кушадасы

	Кушадасы
	турэц. Kuşadası
	; Агульны выгляд на горад
Краіна:	Турэччына
Правінцыя:	Айдын
Плошча:	265 км²;
Вышыня:	11 м н. у. м.
Насельніцтва:	113 580 чал. (2018)
Часавы пас:	UTC+2
летні час:	UTC+3
Паштовы індэкс:	09400
Геаграфічныя каардынаты:	37°51′47″ пн. ш. 27°16′1″ у. д. / 37.86306° пн. ш. 27.26694° у. д.Каардынаты: 37°51′47″ пн. ш. 27°16′1″ у. д. / 37.86306° пн. ш. 27.26694° у. д.
	Кушадасы на мапе Турэччыны Кушадасы
	Галерэя здымкаў у Вікісховішчы
	http://www.kusadasi.bel.tr

Кушадасы (па-турэцку: Kuşadası) — горад на паўднёвым захадзе Турэччыны, на беразе Эгейскага мора. Знаходзіцца за 90 км на поўдзень ад Ізьміру і за 71 км ад Айдыну — адміністрацыйнага цэнтру правінцыі. Кушадасы зьяўляецца адміністрацыйным цэнтрам аднайменнага раёну. Насельніцтва на 2018 год — 113 580 чалавек.

Кушадасы — важны турыстычны цэнтар. Усяго за 10 км ад гораду знаходзяцца архэалягічныя рэшткі антычнага гораду Эфэс.

Назва

Сучасная назва гораду паходзіць ад турэцкіх словаў kuş (птушка) і ada (востраў), што перакладаецца як Птушыны востраў.

Гісторыя

У антычны пэрыяд непадалёк ад сучаснага гораду Кушадасы існаваў горад Нэапаліс. У VII стагодзьдзі да н.э. ён належаў лідыйцам, у VI — пэрсам, у 334 годзе да н.э., як і ўся Анатолія, горад быў заваяваны Аляксандрам Македонскім, а ў II стагодзьдзі становіцца часткай рымскіх уладаньняў. Паводле каталіцкай традыцыі, у гэтых мясьцінах жылі пэўны час Панна Марыя і Ян Эвангеліст.

Росквіт гораду, які ў той час называўся Scala Nova, прыпаў на раньняе сярэднявечча: да XV стагодзьдзя ён быў важным гандлёвым цэнтрам Вэнэцыянскай і Генуэскай рэспублік. У 1413 годзе горад захапіла Асманская імпэрыя.

У 1834 годзе пракладзеная чыгунка абмінула горад і Кушадасы пачынае саступаць у разьвіцьці суседнім гарадам. Падчас турэцкай вайны за незалежнасьць горад быў акупаваны ў 1919—1922 гадох спачатку італьянскімі, затым грэцкімі войскамі. Турэччына зноў атрымала кантроль над горадам 7 верасьня 1922 году.

Пачынаючы зь 70-х гадоў XX стагодзьдзя ў Кушадасы актыўна разьвіваецца масавы турызм.

Славутасьці

Гарадзкі мур
Мячэт Каляйчы (1618)
Караван-сарай Экюз Мэхмэда-Пашы (1618)
Пляж жанчын

Вонкавыя спасылкі

Кушадасы — сховішча мультымэдыйных матэрыялаў

^ https://web.archive.org/web/20210204113115/https://www.harita.gov.tr/images/urun/il_ilce_alanlari.pdf

[_13ff92fc1aab07b7-1] ttps://web.archive.org/web/20210204113115/https://www.harita.gov.tr/images/urun/il_ilce_alanlari.pdf

[1]