Летнія Алімпійскія гульні 2012

Летнія Алімпійскія гульні 2012 (афіцыйна — Гульні XXX Алімпіяды) адбыліся ў горадзе Лондане з 27 ліпеня па 12 жніўня 2012 года.

XXX летнія Алімпійскія Гульні
Эмблема летніх Алімпійскіх гульняў 2012
Горад-арганізатар	Лондан
Краіны-ўдзельніцы	204
Колькасць атлетаў	12 500 (ацэнкава)
Разыгрываецца медалёў	302 камплекты ў 26 відах спорту
Цырымонія адкрыцця	27 ліпеня 2012
Адкрываў	Елізавета II
Цырымонія закрыцця	12 жніўня 2012
Алімпійскі агонь	Callum Airlie[d], Jordan Duckitt[d], Desirèe Henry[d], Katie Kirk[d], Cameron MacRitchie[d], Aidan Reynolds[d] і Adelle Tracey[d]
Алімпійская клятва	Mik Basi[d], Sarah Stevenson[d] і Eric Farrell[d]
Стадыён	Алімпійскі стадыён
Сайт	olympics.com/en/o… (англ.)
← 2008 2016 →
Медыяфайлы на Вікісховішчы

Выбар горада

Алімпійскія кольцы на Таўэрскім мосце

Прыём заявак гарадоў-кандыдатаў быў завершаны 15 ліпеня 2003. Да гэтага моманту жаданне прыняць у сябе Гульні выказалі 9 гарадоў: Гавана, Стамбул, Лейпцыг, Лондан, Мадрыд, Масква, Нью-Ёрк, Парыж і Рыа-дэ-Жанэйра. 18 мая 2004 Міжнародны алімпійскі камітэт пасля ацэнкі ўсіх пададзеных заявак абраў 5 гарадоў: Мадрыд, Масква, Нью-Ёрк, Парыж і Лондан. Кандыдатура Лондана была абрана 6 ліпеня 2005.

Лондан стаў адзіным горадам у свеце, якому Міжнародны алімпійскі камітэт тройчы давяраў права стаць сталіцай сучасных Летніх Алімпійскіх гульняў: у 1908, 1948 і 2012 гадах.

Спартыўныя аб'екты

Алімпійскі стадыён

Алімпійскі парк, які ўключае ў сябе 80-тысячны Алімпійскі стадыён, цэнтр водных відаў спорту, баскетбольную арэну, велапарк і Алімпійскую вёску, вырас на месцы сметнікаў і пустыроў. Яго тэрыторыя складае 306 гектараў, а пабудова заняла шэсць год. Агульны памер капіталаўкладанняў – 7 млрд фунтаў.

У межах Вялікага Лондана размяшчаецца большасць спартыўных аб'ектаў, якія падзелены на тры зоны: алімпійскую — у Алімпійскім парку, рачную — уздоўж ракі Тэмзы на ўсходзе горада, і цэнтральную — у цэнтры і на захадзе рэгіёна.

Пасля завяршэння Гульняў Алімпійскі парк ператвораць у адзін з найбуйнейшых у Еўропе гарадскіх паркаў, адна з задач якога – аднаўленне мясцовай флоры і фаўны. Алімпійскую вёску на 17 тысяч чалавек мадыфікуюць у 3600 кватэр. Спартыўныя аб'екты стануць адкрытыя для мясцовых спартклубаў і таварыстваў. Высокатэхналагічная камунікацыйная інфраструктура пяройдзе ў спадчыну новаму ўніверсітэту, які будзе спецыялізавацца на спартыўнай навуцы, лічбавых медыях і “зялёных” тэхналогіях.

Сімвалы

Эмблема

Лагатып мерапрыемства аўтарства Вульфа Олінса. Эмблема гульняў — выява з чатырох частак у выглядзе няправільных многавугольнікаў, якія сімвалізуюць лічбы года Алімпіяды - "2", "0", "1", "2". У адну з частак уключана слова London, а ў другую — выява алімпійскіх кольцаў. Лагатып распрацоўваўся каля года і каштаваў 400 тыс. фунтаў стэрлінгаў.

Талісманы

У Алімпійскіх гульняў-2012 у Лондане тры талісманы. Першымі ў 2010 годзе сталі вядомы два з іх — кроплі сталі па імені Вэнлок і Мандэвіль. Нараджэнне гэтых вобразаў звязана з двума мястэчкамі ў Англіі, якія ўвайшлі ў гісторыю Алімпійскіх гульняў. У вёсачцы Мач-Уэнлак барону П'еру дэ Кубертэну прыйшла ў галаву думка развіваць ідэі алімпізму. Таму адзін з талісманаў Алімпіяды назвалі Уэнлакам. Імя Мандэвіль паходзіць ад бальніцы Сток Мандэвіль, дзе ў 1948 годзе зарадзіліся Параалімпійскія гульні. Трэці афіцыйны талісман лонданскай алімпіяды — леў па мянушцы Прайд, з сіне-чырвонай, па колерах брытанскага сцяга, шавялюрай.

Медалі

Медалі для Алімпійскіх гульняў 2012 года маюць памеры: 85 мм у дыяметры і 7 мм у таўшчыню. Гэта адны з самых цяжкіх Алімпійскіх медалёў, якія калі-небудзь былі вырабленыя. Залаты медаль вагой каля 410 грам утрымлівае толькі 6 грам золата, астатняе — прымешкі серабра і медзь, паведамляюць англійскія СМІ. Медалі ў Пекіне важылі каля 200 грам. Дызайн медалёў распрацаваў брытанскі мастак Дэвід Уоткінс. На іх адлюстраваная грэчаская багіня перамогі Ніка. На адваротным баку - лагатып Алімпійскіх гульняў на фоне выпраменьваючых святло зорак, што адлюстроўвае дух і традыцыі Алімпіяд. Акрамя ўсяго гэтага, дызайнер змясціў на медалі выяву ракі Тэмзы.

Усяго вырабілі 4,7 тысячы алімпійскіх і паралімпійскіх медалёў. Яны атрымаліся дарагімі, бо з часу правядзення Алімпіяды ў Пекіне ў 2008 годзе цэны на золата і срэбра выраслі ў два разы.

Краіны-ўдзельніцы

• Грэцыя (заснавальнік антычных Гульняў)
• Афганістан
• Албанія
• Алжыр
• Амерыканскае Самоа
• Андора
• Ангола
• Антыгуа і Барбуда
• Аргенціна
• Арменія
• Аруба
• Аўстралія
• Аўстрыя
• Азербайджан
• Багамы
• Бруней
• Бангладэш
• Барбадас
• Беларусь
• Бельгія
• Беліз
• Бенін
• Бермуды
• Бутан
• Балівія
• Боснія і Герцагавіна
• Батсвана
• Бразілія
• Брытанскія Віргінскія астравы
• Бруней
• Балгарыя
• Буркіна-Фасо
• Бурундзі
• Камбоджа
• Камерун
• Канада
• Каба-Вердэ
• Кайманавы астравы
• ЦАР
• Чад
• Чылі
• Кітай
• Калумбія
• Каморскія астравы
• Рэспубліка Конга
• ДР Конга
• Астравы Кука
• Коста-Рыка
• Кот-д’Івуар
• Харватыя
• Куба
• Кіпр
• Чэхія
• Данія
• Джыбуці
• Дамініка
• Дамініканская Рэспубліка
• Эквадор
• Егіпет
• Сальвадор
• Экватарыяльная Гвінея
• Эрытрэя
• Эстонія
• Эфіопія
• Фіджы
• Фінляндыя
• Францыя
• Габон
• Гамбія
• Грузія
• Германія
• Гана
• Грэнада
• Гуам
• Гватэмала
• Гвінея
• Гвінея-Бісау
• Гаяна
• Гаіці
• Гандурас
• Ганконг
• Венгрыя
• Ісландыя
• Незалежныя ўдзельнікі
• Індыя
• Інданезія
• Іран
• Ірак
• Ірландыя
• Ізраіль
• Італія
• Ямайка
• Японія
• Іарданія
• Казахстан
• Кенія
• Кірыбаці
• Паўночная Карэя
• Рэспубліка Карэя
• Кувейт
• Кыргызстан
• Лаос
• Латвія
• Ліван
• Лесота
• Ліберыя
• Лівія
• Ліхтэнштэйн
• Літва
• Люксембург
• Паўночная Македонія
• Мадагаскар
• Малаві
• Малайзія
• Мальдывы
• Малі
• Мальта
• Маршалавы Астравы
• Маўрытанія
• Маўрыкій
• Мексіка
• Мікранезія
• Малдова
• Манака
• Манголія
• Чарнагорыя
• Марока
• Мазамбік
• М’янма
• Намібія
• Науру
• Непал
• Нідэрланды
• Новая Зеландыя
• Нікарагуа
• Нігер
• Нігерыя
• Нарвегія
• Аман
• Пакістан
• Палау
• Палесціна
• Панама
• Папуа — Новая Гвінея
• Парагвай
• Перу
• Філіпіны
•  Польшча
• Партугалія
• Пуэрта-Рыка
• Катар
• Румынія
• Расія
• Руанда
• Сент-Кітс і Невіс
• Сент-Люсія
• Сент-Вінсент і Грэнадзіны
• Самоа
• Сан-Марына
• Сан-Тамэ і Прынсіпі
• Саудаўская Аравія
• Сенегал
• Сербія
• Сейшэлы
• Сьера-Леонэ
• Сінгапур
• Славакія
• Славенія
• Саламонавы Астравы
• Самалі
• ПАР
• Іспанія
• Шры-Ланка
• Судан
• Сурынам
• Эсваціні
• Швецыя
• Швейцарыя
• Сірыя
• Тайвань
• Таджыкістан
• Танзанія
• Тайланд
• Усходні Тымор
• Тога
• Тонга
• Трынідад і Табага
• Туніс
• Турцыя
• Туркменістан
• Тувалу
• Уганда
• Украіна
• Аб’яднаныя Арабскія Эміраты
• ЗША
• Уругвай
• Узбекістан
• Вануату
• Венесуэла
• В’етнам
• Амерыканскія Віргінскія астравы
• Емен
• Замбія
• Зімбабвэ
• Вялікабрытанія (краіна-арганізатар)

Цырымонія адкрыцця

Цырымонія адкрыцця Гульняў, Алімпійскі стадыён, Лондан

Афіцыйная цырымонія адкрыцця Алімпійскіх гульняў адбылася ў Лондане 27 ліпеня 2012 года. За пастаноўку шоу ўзяўся кінарэжысёр і прадзюсар Дэні Бойл, які даў урачыстасці назву «Востраў цудаў» (Isles of Wonder).

У аснову ўрачытасці быў пакладзены аповед пра прамысловы пераварот XVIII ст., які радыкальна змяніў патрыярхальна-пастаральнае жыццё Англіі. На Алімпійскім стадыёне выраслі сапраўдныя трубы, якія пачалі дыміць. Потым было паказаныя падзеі ХІХ ст., эміграцыя, згадалі пра загінулых у Першай і Другой сусветных войнах. Гледачы пабачылі Джэймса Бонда і Каралеву Лізавету, Бонд (ці Тувія Бельскі — акцёр Дэніэл Крэйг) зайшоў у Букінгемскі палац, забраў Каралеву і правёў у верталёт. Каралеўскія сабачкі памахалі лапкамі. Потым і Крэйг (Бонд) і Каралева з скочылі з верталёта над стадыёнам на парашутах. Ролю каралевы ў гэты момант выканала каскадзёрка. Сама ж Елізавета II ўрачыста выйшла разам з мужам прынцам Філіпам, герцагам Эдынбургскім, з каралеўскай ложы.

Далей пачалася дзіцячая частка, у якой была прадстаўлена брытанская дзіцячая літаратура — з Гары Потэрам, Мэры Попінс і Пітэрам Пэнам, чытаннем ад Джаан Роўлінг, і перфомансам ад Роўэна Аткінсана, які выканаў партыю сінтэзатара ў алімпійскай мелодыі разам з Лонданскім сімфанічным аркестрам.

Потым арэна ператварылася ў вялікую дыскатэку, дзе прагучыла хіты брытанскай музыкі за апошнія 60 гадоў: The Beatles, Sex Pistols, The Prodigy, Эмі Уайнхаўс. Завяршыў гэты своеасаблівы музычны блок стваральнік Інтэрнэту Цім Бернерс-Лі. Гэтая частка ўрачыстасці паказвала, як Інтэрнэт можа дапамагчы шукаць людзей.

Затым распачаўся парад краін. У складзе зборных Брунея, Катара і Саудаўскай Аравіі ўпершыню паехалі спартоўкі-жанчыны, а ў каманд Бахрэйна і Катара жанчыны сталі сцяганосцамі. Парад распачала грэчаская, а завершыла брытанская зборная.

Пасля параду Каралева Елізавета II абвясціла Алімпійскія гульні 2012 года адкрытымі. Пасля прамовы Каралевы быў узняты алімпійскі сцяг, які вынеслі чэмпіёны мінулага, а таксама кіраўнік ААН Пан Гі Мун, баксёр Махамед Алі і інш.

Запальваннем алімпійскага агню заняўся былы капітан зборнай Англіі па футболу Дэвід Бекхэм, які даставіў яго на катары па Тэмзе. Па ўсім фарватары агонь сустракалі феерверкі. Паходню Дэвід Бэкхэм перадаў Стывену Рэдгрэйву, алімпійскаму чэмпіёну па акадэмічным веславанні. Алімпійскі агонь запалілі сем маладых алімпійцаў.

Пасля запальвання агню Лондан асвяціў феерверк. Далей канцэрт даў Пол Макартні, якому падпяваў стадыён.

Спаборніцтвы

●

Цырымонія адкрыцця

●

Кваліфікацыя спаборніцтваў

●

Фіналы спаборніцтваў

●

Цырымонія закрыцця

Ліпень / Жнівень		25	26	27	28	29	30	31	1	2	3	4	5	6	7	8	9	10	11	12	Медалі
Цырымоніі				●																●
Акадэмічнае веславанне									3	3	4	4									14
Бадмінтон											1	2	2								5
Баскетбол																			1	1	2
Бокс																	3		5	5	13
Барацьба													2	3	2	2	2	2	3	2	18
Веласпорт					1	1			2	2	2	1	1	1	3			2	1	1	18
Воднае пола																	1			1	2
Валейбол																1	1		1	1	4
Веславанне на байдарках і каноэ								1	1	2						4		4	4		16
Гандбол																			1	1	2
Дзюдо					2	2	2	2	2	2	2										14
Конны спорт								2						1	1	2					6
Лёгкая атлетыка											3	5	7	5	4	4	5	6	8	1	47
Мастацкая гімнастыка																			1	1	2
Настольны тэніс									1	1					1	1					4
Парусны спорт													2	2	2	1	1	1	1		10
Плаванне					4	4	4	4	4	4	4	4					1	1			34
Скачкі ў ваду						1	1	1	1				1		1		1		1		8
Скачкі на батуце											1	1									2
Сінхроннае плаванне															1			1			2
Сучаснае пяцібор'е																			1	1	2
Спартыўная гімнастыка							1	1	1	1			3	3	4						14
Стральба					2	2	1	1	1	1	2	2	1	2							15
Стральба з лука					1	1				1	1										4
Тэніс												2	3								5
Трыятлон												1			1						2
Тхэквандо																2	2	2	2		8
Фехтаванне					1	1	1	1	2	1	1	1	1								10
Футбол																	1		1		2
Хакей на траве																		1	1		2
Цяжкая атлетыка					1	2	2	2	2		2	1	1	1	1						15
Медалі					12	14	12	15	20	18	22	24	24	18	21	17	22	16	32	15	302
Ліпень / Жнівень		25	26	27	28	29	30	31	1	2	3	4	5	6	7	8	9	10	11	12

У параўнанні з мінулымі Гульнямі адбыліся некаторыя змены ў праграме. Выканаўчы камітэт МАК упершыню дазволіў жанчынам прыняць удзел у боксе: яны спаборнічаюць у трох вагавых катэгорыях (да 51, 60 і 75 кг) па 12 спартсменак, у той час як адна мужчынская вагавая катэгорыя выключана. Так жанчыны атрымалі магчымасць выступаць ва ўсіх летніх відах спорту.

У веславанні на байдарках і каноэ па гладкай вадзе спаборніцтвы каноэ-двоек на 500 метраў сярод мужчын замененыя жаночымі спаборніцтвамі байдарак-адзіночак на 200 метраў. Таксама ўсе астатнія мужчынскія спаборніцтвы на дыстанцыі 500 метраў (байдаркі-адзіночкі, байдаркі-двойкі, каноэ-адзіночкі) скарочаныя да 200 метраў. У тэнісе, упершыню з 1924 года, пройдуць спаборніцтвы сярод змешаных пар. У парусным спорце спаборніцтвы ў класе Тарнада выключаны, а клас Інглінг заменены на Эліат. У веласпорце ўпершыню ўведзены Омніум у мужчын і жанчын, камандная гонка праследавання, камандны спрынт і кейрын у жанчын, але адменены індывідуальная гонка пераследу, гонка па ачках і мэдысан.

Таксама невялікія змены адбыліся ў гандболе: адменены турнір за 5-8 месца сярод каманд, якія прайгралі ў чвэрцьфінале. У сучасным пяцібор'і змяніўся фармат спаборніцтваў: бег і стральба аб'яднаны ў адно спаборніцтва.

Першыя ўзнагароды разыгралі стралкі. У Лондане прайшлі спаборніцтвы ў стральбе з пнеўматычнай вінтоўкі на 10 м. Перамагла кітаянка І Сылін — 502,9 (399 + 103,9) бала.

Амерыканскі плывец Майкл Фэлпс 31 ліпеня выйграў срэбра на дыстанцыі 200 м батэрфляем, а таксама золата ў эстафеце 4х200 м вольным стылем. Такім чынам, на рахунку Фэлпса стала 19 медалёў на Алімпійскіх гульнях (15 залатых, 2 сярэбраныя і 2 бронзавыя). Ён стаў абсалютным рэкардсменам па колькасці алімпійскіх медалёў. Па агульнай колькасці алімпійскіх узнагарод ён абышоў савецкую гімнастку Ларысу Латыніну (9-5-4). 2 жніўня Майкл Фэлпс заваяваў дваццаты ў кар'еры алімпійскі медаль, перамогшы на дыстанцыі 200 метраў комплексным плаваннем. Затым ён перамог на дыстанцыі 100 м батэрфляем і ў складзе зборнай ЗША ў камбінаванай эстафеце 4x100 м.

6 жніўня беларуска Надзея Астапчук першанствавала ў фінале спаборніцтваў па штурханні ядра. Свой лепшы вынік — 21 метр 36 сантыметраў — яна паказала ў трэцяй спробе. У выніковым пратаколе спартсменка на 66 сантыметраў апярэдзіла навазеландку Валеры Адамс. Аднак Надзея Астапчук была пазбаўленая залатога медаля Алімпіяды ў Лондане з-за станоўчай допінг-пробы.

Апошняе золата Летніх Алімпійскіх Гульняў заваявала літоўка Лаўра Асадаўскайце. Яна першынствала ў сучасным пяцібор'і.

Медальны залік

Месца	Краіна	Золата	Срэбра	Бронза	Усяго
1	ЗША‡	46	28	29	103
2	Кітай‡	38	28	22	88
3	Вялікабрытанія*	29	17	19	65
4	Расія‡	24	25	32	81
5	Рэспубліка Карэя	13	8	7	28
6	Германія	11	19	14	44
7	Францыя	11	11	12	34
8	Італія	8	9	11	28
9	Венгрыя‡	8	4	6	18
10	Аўстралія	7	16	12	35
11	Японія	7	14	17	38
12	Казахстан	7	1	5	13
13	Нідэрланды	6	6	8	20
14	Украіна	6	5	9	20
15	Новая Зеландыя‡	6	2	5	13
16	Куба‡	5	3	7	15
17	Іран	4	5	3	12
18	Ямайка	4	4	4	12
19	Чэхія	4	3	3	10
20	Паўночная Карэя	4	0	2	6
21	Іспанія	3	10	4	17
22	Бразілія	3	5	9	17
23	ПАР	3	2	1	6
24	Эфіопія	3	1	3	7
25	Харватыя	3	1	2	6
26	Беларусь	2	5	5	12
27	Румынія	2	5	2	9
28	Кенія	2	4	5	11
29	Данія	2	4	3	9
30	Азербайджан	2	2	6	10
	Польшча	2	2	6	10
32	Турцыя	2	2	1	5
33	Швейцарыя	2	2	0	4
34	Літва	2	1	2	5
35	Нарвегія	2	1	1	4
36	Канада	1	5	12	18
37	Швецыя	1	4	3	8
38	Калумбія	1	3	4	8
39	Грузія	1	3	3	7
	Мексіка	1	3	3	7
41	Ірландыя	1	1	3	5
42	Аргенціна	1	1	2	4
	Сербія	1	1	2	4
	Славенія	1	1	2	4
45	Туніс	1	1	1	3
46	Дамініканская Рэспубліка	1	1	0	2
47	Трынідад і Табага	1	0	3	4
48	Узбекістан‡	1	0	2	3
49	Латвія	1	0	1	2
50	Алжыр	1	0	0	1
	Багамы	1	0	0	1
	Грэнада	1	0	0	1
	Уганда	1	0	0	1
	Венесуэла	1	0	0	1
55	Індыя	0	2	4	6
56	Манголія	0	2	3	5
57	Тайланд	0	2	1	3
58	Егіпет	0	2	0	2
59	Славакія	0	1	3	4
60	Арменія	0	1	2	3
	Бельгія	0	1	2	3
	Фінляндыя	0	1	2	3
63	Балгарыя	0	1	1	2
	Эстонія	0	1	1	2
	Інданезія	0	1	1	2
	Малайзія	0	1	1	2
	Пуэрта-Рыка	0	1	1	2
	Тайвань	0	1	1	2
69	Батсвана	0	1	0	1
	Кіпр	0	1	0	1
	Габон	0	1	0	1
	Гватэмала	0	1	0	1
	Чарнагорыя	0	1	0	1
	Партугалія	0	1	0	1
75	Грэцыя	0	0	2	2
	Малдова	0	0	2	2
	Катар	0	0	2	2
	Сінгапур	0	0	2	2
79	Афганістан	0	0	1	1
	Бруней	0	0	1	1
	Ганконг	0	0	1	1
	Саудаўская Аравія	0	0	1	1
	Кувейт	0	0	1	1
	Марока	0	0	1	1
	Таджыкістан	0	0	1	1
Усяго		302	303	356	961

Спасылкі

• Афіцыйны сайт Гульняў Архівавана 5 снежня 2012. (англ.)
• Гульні 2012 на сайце МАК (англ.) (фр.)