Камянец-Падольская дыяцэзія

Камянец-Падольская дыяцэзія
Рымскі абрад
Галоўны горад	Камянец-Падольскі
Краіна	Украіна
Дата заснавання	22 верасня 1918
Кафедральны сабор	Касцёл Святых Апосталаў Пятра і Паўла ў Камянцы-Падольскім[d]
Іерарх	Леон Дубраўскі[d]
Плошча дыяцэзіі	277 700 км²
Насельніцтва дыяцэзіі	▼2 898 383 чал. (2016)
Колькасць каталікоў	250 000
Афіцыйны сайт	rkc.lviv.ua
Карта
Медыяфайлы на Вікісховішчы

Камянец-Падольская дыяцэзія (лац.: Dioecesis Camenecensis Latinorum, укр.: Кам'янець-Подільська дієцезія) — дыяцэзія Рымска-Каталіцкай царквы з цэнтрам у горадзе Камянец-Падольскі ва Украіне.

Гісторыя

Камянецкая дыяцэзія была заснавана ў 1375 годзе Папам Урбанам VI па ініцыятыве караля Людовіка, і яе тэрыторыя была падпарадкаваная Галіцкай мітраполіі. Яе тэрытарыяльныя межы супадалі з межамі Падольскага ваяводства. У 1412 годзе гэтая дыяцэзія перайшла ў падпарадкаванне Львоўскай мітраполіі і заставалася пад яе кантролем да 1798 года.

У 1772 годзе дыяцэзія складалася з 59 парафій, аб’яднаных у 6 дэканатаў, і на яе тэрыторыі знаходзілася 87 рымска-каталіцкіх храмаў, уключаючы манастырскія цэрквы. У 1795 годзе расійская імператрыца Кацярына II ліквідавала дыяцэзію, але ў 1798 годзе Павел I аднаўляе яе і падпарадкоўвае Магілёўскай мітраполіі. У 1866 годзе дыяцэзія была зноў ліквідавана расійскімі ўладамі і кіравалася луцка-жытомірскімі біскупамі да 1918 года.

У 1918 годзе Папа Бенедыкт XV аднаўляе дыяцэзію. Біскуп Пётр Манькоўскі быў прызначаны яе кіраўніком у лістападзе 1918 года, але ўжо ў лістападзе 1920 года быў вымушаны пакінуць Камянец-Падольскі з-за палітычнай сітуацыі і жыў у выгнанні. У 1926 годзе ён пайшоў у адстаўку, а яго месца заняў апостальскі адміністратар. Дыяцэзія працягвала існаваць ва ўмовах савецкай улады, падвяргаючыся рэпрэсіям і абмежаванню дзейнасці. У 1991 годзе Ян Павел II аднаўляе яе ў поўным аб'ёме, і з гэтага часу пачала выкарыстоўвацца сучасная яе назва — Камянецка-Падольская дыяцэзія.

Спасылкі

• На Вікісховішчы ёсць медыяфайлы па тэме Камянец-Падольская дыяцэзія