Міхаіл Міхайлавіч Куюкаў

Міхаіл Міхайлавіч Куюкаў
руск.: Михаил Михайлович Куюков
Дата нараджэння	5 лістапада 1924(1924-11-05)
Месца нараджэння	Стараабашава[d], Новакузнецкі раён[d], Кальчугінскі павет[d], Томская губерня, РСФСР, СССР
Дата смерці	30 верасня 1943(1943-09-30) (18 гадоў)
Месца смерці	Гомельскі раён, Гомельская вобласць, БССР, СССР
Месца пахавання	Гомельскі раён
Грамадзянства	СССР
Прыналежнасць	СССР
Род войскаў	пяхота
Гады службы	1942—1942
Званне	чырвонаармеец
Бітвы/войны	Вялікая Айчынная вайна
Узнагароды і званні

Міхаі́л Міха́йлавіч Кую́каў (5 лістапада 1924—30 верасня 1943) — удзельнік Вялікай Айчыннай вайны. Чырвонаармеец, кулямётчык 3-га батальёна 194-га Чырванасцяжнага Ташкенцкага стралковага палка (162-я стралковая дывізія, 19-ы стралковы корпус, 65-я армія, Цэнтральны фронт). Герой Савецкага Саюза (1944).

Біяграфія

М. М. Куюкаў нарадзіўся ў сяле Абашава (сучасны пасёлак Старабашава, Новакузнецкі раён, Кемераўская вобласць Расіі). Па нацянальнасці шорац. Скончыў школу ва ўлусе Мыскі (сучасны горад Мыскі ў Кемераўскай вобласці), курсы трактарыстаў і працаваў у калгасе і лясніцтве. У жніўні 1942 г. прызваны ў Чырвоную Армію. Прайшоў падрыхтоўку пры ваенным вучылішчы ў Омску. З лютага 1943 г. удзельнік баёў на Цэнтральным фронце. Кулямётчык чырвонаармеец М. Куюкаў вызначыўся ў час баявых дзеянняў на подступах да ракі Сож у Гомельскім раёне. 30 верасня 1943 г. у баі за вёску Скіток удзельнічаў адбіцці 3 контратак праціўніка, быў паранены, але не пакінуў поля бою. Калі кулямёт Куюкава быў пашкоджаны, ён вёў агонь з бранябойнага ружжа і аўтамата да апошняга патрона. Загінуў у гэтым баі.

М. М. Куюкаў быў пахаваны на месцы бою. У 1957 годзе перапахаваны ў брацкай магіле ў пасёлку Калініна Гомельскага раёна Гомельскай вобласці.

Узнагароды

• Медаль «Залатая Зорка»
• Ордэн Леніна

Памяць

• Бюст Героя на Мемарыяльным комплексе баявой славы ў горадзе Мыскі.
• У гонар М. Куюкава названыя вуліцы ў гарадах Мыскі, Міждурэчанск, Новакузнецк Кемераўскай вобласці і ў вёсцы Цярэшкавічы Гомельскага раёна.
• Мемарыяльныя дошкі на фасадзе школы № 1 горада Мыскі, будынку станцыі Карлык (Кемераўская чыгунка) і будынка ваеннага вучылішча ў Омску.

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9). — С. 68.
• Навечно в сердце народном: Справочник / Главный ред. И. П. Шамякин. — 3-е изд., испр. и доп. — Мн.: БелСЭ, 1984. — С. 289. — 607 с. — 65 000 экз. (руск.)

Спасылкі

• Міхаіл Міхайлавіч Куюкаў на сайце «Героі краіны»
• Л. Чульжанова, Н. Печенина Подвиг Михаила Куюкова // Информационный центр «Шория»(недаступная спасылка) (руск.)
• Куюков Михаил Михайлович // Портал Правительства Омской области Архівавана 1 сакавіка 2018. (руск.)
• В память о подвиге пулемётчика Михаила Куюкова // Гомельская районная газета «Маяк» и фото-блог SozhNews(недаступная спасылка) (руск.)
• Муниципальное автономное общеобразовательное учреждение «Средняя общеобразовательная школа № 1 имени Героя Советского Союза Михаила Михайловича Куюкова» Архівавана 22 лютага 2016. (руск.)