Aishwarya Rai
|
Aishwarya Rai | |
| |
Aishwarya Rai Bachchan
| |
| Anv ofisiel | Aishwarya Rai |
|---|---|
| Ganedigezh | 1añ a viz Du 1973 Mangalore, Karnataka (  India)
|
| Broadelezh | India
|
| Micher(ioù) | Aktourez |
| Filmoù brudet | Taal Hum Dil De Chuke Sanam Devdas Mohabbatein Jodhaa Akbar |
| Internet | www.aishwarya-rai.com |
Aishwarya Rai (ಐಶ್ವರ್ಯಾ ರೈ e touloueg, distaget [ɛʃvərjɑː rɑːj]), anvet ivez Aishwarya Bachchan, zo un aktourez sinema eus India, brudet er bed a-bezh abalamour d’ar filmoù hindi, tamil, bengali ha saoznek eo bet o c’hoari enno.
Ganet eo bet d’ar 1añ a viz Du 1973 e Mangaluru, e stad Karnataka. Brudet eo bet da gentañ dre m’he deus gounezet konkourioù kened (Miss World 1994, pa oa 20 vloaz). Goude-se eo bet poltredet evit brudañ merkoù a bep seurt evel L'Oréal, De Beers (diamantoù) ha Coca-Cola.Hag aet eo da aktourez.
He film kentañ a voe Iruvar (e 1997). Er bloavezh war-lerc’h e teuas da vezañ anavezet e bed ar sinema gant ar film Jeans. Goude ar filmoù kentañ-se, e tamil, e krogas da c’hoari e filmoù hindi, e Bollywood.
Berzh bras a reas ar film Devdas (e 2002), a c’hoarie-hi ennañ, gant aktourien all evel Shahrukh Khan ha Madhuri Dixit. Brudet eo bet ar film-se er-maez eus India, peogwir eo bet diskouezet e Festival Cannes (ar film kentañ en hindi diskouezet er festival-se).
E 2003 e oa bet Aishwary Rai ezel eus ar juri e Festival Cannes. E 2004 e oa bet anvet gant Time Magazine da unan eus ar "100 den pouezusañ er bed". Un delwenn zo bet graet dezhi er mirdi Madame Tussaud e Londrez.
Dimezet eo gant Abhishek Bachchan.
He filmoù
[kemmañ | kemmañ ar vammenn]- 1997 : Iruvar gant Mani Ratnam
- 1997 : Iddaru gant Mani Ratnam
- 1997 : Aur Pyar Ho Gaya gant Rahul Rawail
- 1998 : Jeans gant S. Shankar
- 1999 : Hum Dil De Chuke Sanam gant Sanjay Leela Bhansali
- 1999 : Aa Ab Laut Chalen gant Rishi Kapoor
- 1999 : Taal gant Subhash Ghai
- 1999 : Ravoyi Chandamama gant Jayant Paranji
- 2000 : Mela gant Dharmesh Darshan
- 2000 : Hamara Dil Aapke Paas Hai gant Satish Kaushik
- 2000 : Mohabbatein gant Aditya Chopra
- 2000 : Dhai Akshar Prem Ke gant Raj Kanwa
- 2000 : Josh gant Mansoor Khan
- 2000 : Kandukondain Kandukondain gant Rajiv Menon
- 2000 : Sanam Tere Hain Hum gant Jayant Paranji
- 2001 : Albela gant Deepak Sareen
- 2002 : Devdas gant Sanjay Leela Bhansali
- 2002 : Hum Kisise Kum Nahin gant David Dhawan
- 2002 : Hum Tumhare Hain Sanam gant K.S. Adiyaman
- 2002 : 23rd March 1931 : Shaheed gant Guddu Dhanoa
- 2002 : Shakti gant Krishna Vamshi
- 2003 : Kuch Na Kaho gant Rohan Sippy
- 2003 : Dil Ka Rishta gant Naresh Malhotra
- 2003 : Chokher Bali gant Rituparno Ghosh
- 2003 : Khakee gant Rajkumar Santoshi
- 2004 : Kyun...! Ho Gaya Na gant Samir Karnik
- 2004 : Bride and Prejudice (Coup de foudre à Bollywood e galleg) gant Gurinder Chadha
- 2004 : Raincoat gant Rituparno Ghosh
- 2005 : Shabd gant Leena Yadav
- 2005 : The Mistress of Spices gant Paul Mayedas Berges
- 2006 : Umrao Jaan gant J.P. Dutta
- 2006 : Dhoom 2 gant Sanjay Gadhvi
- 2007 : Guru gant Mani Ratnam
- 2007 : Provoked gant Jag Mundhra
- 2007 : The Last Legion (La Dernière Légion e galleg) gant Doug Lefler
- 2008 : Jodhaa Akbar gant Ashutosh Gowariker
- 2008 : Sankar Raj