Afon Kunar
 | |
| Math | afon  |
|---|---|
| Daearyddiaeth | |
| Sir | Khyber Pakhtunkhwa, Nuristan, Kunar, Nangarhar |
| Gwlad | .svg){kind=small} Affganistan  Pacistan |
| Uwch y môr | 534 metr |
| Cyfesurynnau | 35.9022°N 71.8105°E, 34.4054°N 70.5314°E |
| Aber | Afon Kabul |
| Llednentydd | Afon Bashgal, Afon Pech |
| Dalgylch | 26,000 cilometr sgwâr |
| Hyd | 480 cilometr |
| Arllwysiad | 367 ±0.001 metr ciwbic yr eiliad |
 | |
Mae Afon Kunar (Perseg/Pashto: Kunar Rud) yn afon tua 480 km o hyd, a leolir yn nwyrain Affganistan a gogledd-orllewin Pacistan. Mae afon Kunar yn cael ei bwydo gan ddŵr rhewlifau ac eira copaon yr Hindu Kush. Ymuna afon Lutkho ag afon Mastuj fymryn i'r gogledd o dref Chitral ym Mhacistan; ar ôl hynny mae'n cael ei adnabod fel Afon Chitral, cyn llifo yn ei blaen i'r de i ddyfryn Kunar, yn Nuristan, Affganistan, lle y'i gelwir yn Afon Kunar.
Mae afon Kunar yn llifo i afon Kabul fymryn i'r dwyrain o ddinas Jalalabad yn nwyrain Affganistan. Gyda'i gilydd, mae'r dyfroedd yn llifo yn eu blaen fel Afon Kabul i gyfeiriad y dwyrain, heibio Bwlch Khyber i Bacistan, gan ymuno yn afon Indus ger dinas Attock.
Cyn i ddyfrynnoedd Kunar a Chitral gael eu rhannu rhwng Affganistan a Pacistan, roedd glannau afon Kunar yn llwybr masnach pwysig, gan ei bod y ffordd hawsaf i deithio i lawr o fynyddoedd y Pamir i wastadeddau isgyfandir India.