Black Flag
 | |
 | |
| Enghraifft o'r canlynol | band roc  |
|---|---|
| Gwlad | Unol Daleithiau America |
| Rhan o | Minuteflag |
| Label recordio | SST Records |
| Dod i'r brig | 1976 |
| Dechrau/Sefydlu | 1976 |
| Genre | pync caled, post-hardcore, pync-roc |
| Yn cynnwys | Greg Ginn, Kira Roessler, Henry Rollins |
| Gwefan | http://blackflagofficial.com/, https://www.blackflagband.com/ |
 Ffeiliau perthnasol ar Gomin Wicimedia | |
Band pync-roc o'r Unol Daleithiau oedd Black Flag. Hwy oedd un o'r grwpiau cyntaf o'r mudiad pync caled (hardcore) yng Nghaliffornia yn y 1980au cynnar a hefyd yn arloesol yn y genre post-hardcore. Canolbwyntiodd caneuon Black Flag ar themâu megis diflastod bywyd y maestrefi ac arwahanrwydd cymdeithasol, a chanddynt geiriau gwrth-awdurdodol. Adeiladodd y grŵp ar gerddoriaeth bync gynt megis y Ramones, gydag unawdau gitâr digywair ac amseriad hynod o gyflym. Perfformiodd ar daith gan ledu dawnsio slam a'r mosh pit, gan ddenu'r gynulleidfa i fod yn rhan o'r profiad cerddorol byw.[1][2]
Sefydlwyd y grŵp gan y gitarydd Greg Ginn (1976–86) yn Hermosa Beach yn ardal Los Angeles ym 1976 dan yr enw Panic. Perfformiodd yn gyhoeddus yn gyntaf yn Rhagfyr 1977. Y flwyddyn ddilynol, newidiodd enw'r band i Black Flag oherwydd roedd grŵp arall â'r enw Panic, a bu'r perfformiad cyntaf dan yr enw hwn ar 27 Ionawr 1979. Ym 1978 sefydlwyd SST Records gan Ginn a'r gitarydd bas Chuck Dukowski (1977–83) er mwyn cyhoeddi cerddoriaeth y band, a'r sengl "Nervous Breakdown" oedd y record gyntaf i'w rhyddhau ar y label. Keith Morris (1976–9), Ron Reyes (1979–80) a Dez Cadena (1980–1) oedd cantorion cynnar y band. Ar ôl i Henry Rollins (1981–6) ymuno â Black Flag yn brif leisydd, rhyddhawyd yr albwm cyntaf Damaged ym 1981. Drymwyr y band trwy'r rhan fwyaf o'i oes oedd Robo (1978–81) a Bill Stevenson (1981–5). Daeth y band i ben ym 1986. Ailgynullodd Black Flag yn 2003, ac yn 2013 i ryddhau albwm newydd.[3]
Albymau stiwdio
[golygu | golygu cod]- Damaged (1981)
- My War (1984)
- Family Man (1984)
- Slip It In (1984)
- Loose Nut (1985)
- In My Head (1985)
- What The... (2013)
Cyfeiriadau
[golygu | golygu cod]- ↑ (Saesneg) Black Flag. Encyclopædia Britannica. Adalwyd ar 3 Hydref 2017.
- ↑ (Saesneg) James Parker. Black Flag’s Psychic Imprint, The Atlantic (27 Mehefin 2016). Adalwyd ar 3 Hydref 2017.
- ↑ (Saesneg) Stephen Thomas Erlewine. Black Flag: Biography & History, AllMusic. Adalwyd ar 3 Hydref 2017.