Suba Hauenstein-Pasejo

Suba Hauenstein-Pasejo (germane Unterer Hauensteinpass) estas montpasejo en la Soloturna Ĵuraso, kiu konektas Buckten en Kantono Bazelo Kampara kun Trimbach en Kantono Soloturno.

Suba Hauenstein-Pasejo
montpasejo
Alteco	690 m
Geografia situo	CH1903: 632495 / 247925 (mapo)47.3813557.868927
Suba Hauenstein-Pasejo (Bazelo Kampara) DEC Situo de Suba Hauenstein-Pasejo
Suba Hauenstein-Pasejo (Svislando) DEC Situo de Suba Hauenstein-Pasejo
Lando	Svislando
Montaro	Ĵuraso
Akvodislimo inter	Trimbach→Aro kaj Homburgerbach→Ergolz→Rejno
Ligas	Trimbach (Kantono Soloturno) kaj Buckten (Kantono Bazelo Kampara)
Infrastrukturo	Pasejvojo, Fervojtunelo, Poŝtaŭto

Historio

Diversaj trovaĵoj de arkeologoj pruvas, ke la Suba Hauenstein-Pasejo jam estis uzita en la romia epoko. En la jaro 1993 dum konstrulaboroj estis malkovritaj romiaj ĉaroreloj kaj antikvaj moneroj, kiuj verŝajne estis pasejooferdonoj. Per la konstruo de la ponto trans Schöllenen-Ravino kaj sekve la veturvojo trans Gotardo-Pasejo la vojo trans Suba Hauenstein-Pasejo fariĝis la plej grava norda alveturvojo al Gotardo. Inter la jaro 1827 ĝis 1929 estis konstruita la kapacita pasejvojo aktuala. Kiam estis konstruita la centra ferfojo de Bazelo al Olten, inter Trimbach kaj Läufelfingen estis konstruita unua fervojotunelo sub Hauenstein. Sekvis la konstruo de Hauenstein-Bazotunelo kun longeco de 8134 m en la jaroj 1912 ĝis 1915.

Infrastrukturo

Trans la Suba Hauenstein-Pasejo kondukas la grava kantona ĉefvojo n-ro 2 de Bazelo al Olten. La grimpado al la pasejo norde komenciĝas en Buckten kaj ĝia maksimuma deklivo estas 6,5% je averaĝa deklivo de 2,6%. Duonvoje de la rampo situas la komunumo Läufelfingen. La suda rampo komenciĝas en Trimbach. Kvankam la maksimuma deklivo de la suda rampo kun nur 6,3% estas malpli ol tiu de la norda, ĝia averaĝa deklivo tamen estas 3,8% multe pli alta. Sur la pasejokulmino situas la vilaĝo Hauenstein, kiu apartenas al la soloturna komunumo Hauenstein-Ifenthal. Norde de la pasejkulmino flankeniras la vojo al Wisen. La pasejkulminon pasas poŝtaŭtolinio de Olten al Wisen kaj alia linio de Ifenthal al Läufelfingen kaj Wisen.

Bildaro

• 
  Vido de parkloko ĉe la suda rampo de Suba Hauenstein al sudo al Trimbach
• 
  Hotelo Löwen sude de la pasejkulmino en Hauenstein

Vidu ankaŭ

• Supra Hauenstein-Pasejo

Eksteraj ligiloj

• Hauenstein en la Historia Leksikono de Svislando  (germane, france, itale)